316 e36

[Ahmedshebl97]

يا جماعه انا لسه جايب 316 e36 بس انا كنت عايز اسقطلها مكنة اكبر من ال 1600 و مش عارف ابتدي منين
عايز اعرف ايه التعديلات اللي ممكن تتعمل؟

[svneleven]

عادي في مكن كتير 1800 و 2000 و 2500 و 2800 حسب انت عاوز ايه و معاك كام. عامة حدد منطقة سكنك و الشباب يفيدوك ب تاجر و ميكانيكي محترمين.

[tarek zedan]

2000
وعفشه سته
هتاخد استهلاك بنزين ممتاز
هتاخد عفشه سته سلندر ممتازة وثبات اعلى من الاربعه
والاهم قطع غيارة متوفرة جدا
هتهرب من الضريبه العاليه

[M.Ayman]

في عندك مواتير كتير و تعديلات كتير فانت افضل حد يحدد ايه الانسب ليك او عايز توصل لاي مستوي فيهم

بالنسبه للاربعه سلندر مثلا ارشح لك m42b18 -معروف بإسم ال 18is- و ده بيطلع حوالي 140 hp علي rpm 6 و بيطلع عزم 175 Nm علي rpm 4.5 لو حابب تعرف تفاصيل اكتر عنه ممكن تدخل علي اللينك ده
BMW M42 Engine | Turbo, tuning, chip, itb, stroker, etc.

او ممكن m44b19 -معروف باسم ال 19is او 20is- بيطلع تقريبا نفس القوه بس عزمه اعلي حاجه بسيطه علي rpm اقل بدرجه لاتذكر و ده لينك فيه تفاصيل اكتر عنه
BMW M44 Engine | Tuning, turbo, specs, reliability, oil

الموتورين دول يعتبروا اقوي موتورين في فئه ال 4 سلندر


بالنسبه للسته سلندر بقي اختياراتك مجالها اوسع عندك مواتير non-vanos و مواتير single-vanos و تقدر تنزل كمان مواتير double-vanos و عندك سعات مختلفه من اول ال 2000 cc لحد ال 2800 cc اجيال مختلفه من المواتير زي ال m50 و ال m52 طبعا ده بخلاف مواتير ال MPower الاوروبي او الامريكي و دي سعات مواتيرها من 3000 cc لحد 3200 cc

و في كمان متاح انك تنزل مواتير 8 سلندر -هيبقي في شويه تعديلات طبعا- و في الحاله دي اشهر موتورين هما ال m62b44 و ده سعته 4400 cc بيطلع 286 HP علي rpm 5.7 و بيطلع عزم 420 Nm علي 3.9 rpm
و الموتور الثاني ال m60b40 و ده سعته 4000 cc و تقريبا بيطلع نفس القوه بس عزمه اقل شويتين

كل اللي فات ده مواتير استوك من bmw في اوبشنز ثانيه للتعديل زي انك تسقط مواتير ثانيه قويه او turbocharged بتاعت عربيات ثانيه غير bmw علي سبيل المثال عندك مواتير ال 2jz , 1jz بتاعت تويوتا او ال LS series بتوع ال corvette

ده غير انك ممكن تاخد موتور استوك من bmw و تعدل فيه و ممكن تتربنه مثلا


الخلاصه لو مفيش قوه معينه او شيء معين عايز توصله يعني مش حاطت في دماغك مثلا تنزل تراكات درفتنج او تطلع drag races مع supercars مثلا يبقي احنا بنتكلم في اول مجموعتين (مواتير ال 4 سلندر او ال 6 سلندر) لو الاربعه سلندر قوتهم مش عجباك يبقي غالبا مش هتتبسط برضه بال 2000 cc ساعتها افضل اختيار ليك هو ال m50b25 ال 2500 cc -يفضل تجيبه سنجل vanos- او ال m52b28 ال 2800 cc مع العلم ان ضريبتك السنوية للترخيص هتبقي في حدود ال 1300 جنيه - في ال 2500 cc و ال 2800 cc -


*** للعلم بالشيء ال vanos هي تكنولوجيا استخدمتها bmw للتحكم في وضع الكامات من حيث تقديمها او تأخيرها بهدف انه يطلعلك العزم علي rpm اقل و يقلل من معدل استهلاك البنزين في حاله انك مش بتحرق و الفرق بين السنجل و الدابل ان السنجل بيتحكم في كامة ال intake بس اما الدابل بيتحكم في الكامتين بتوع ال intake و ال exhaust