طلب مساعدة في الاختيار

[r_elsewedy]

السلام عليكم
انا نويت اشتري عربية bmw بس مش عارف اختار ايه يعنى ايه افضل موديل الي هو مفيهوش عيوب تصبيع او عيوب شائعة زي الفتيس مثلااا طبعا ان وجدت
انا اهم حاجة عايزها كاملة وفتحة سقف بين ٢٠٠٧ الي ٢٠١٠
فارجو النصيحة بموديل معين
وشكرااااا

[M.Ayman]

حضرتك طالب العربيه من 2007 ل 2010 يبقي حضرتك محدد كده الموديل ، الموديل ده اسمه e90 ده لو بتتكلم علي الفئه الثالثه ، اما لو الفئه الخامسه في حساباتك يبقي كده بتتكلم علي ال e60 اللي نزلت لحد 2009 و بعد كده نزل مكانها F10

لو بنقارن بوجه عام بين الفئه الثالثه و الخامسه من حيث السعر و الصرف طبعا الفئه الخامسه هتبقي اغلي في السعر و اغلي في قطع الغيار من الفئه الثالثه ، لو بنقارن من حيث الراحه و الثبات و الاوبشنز برضه الفئه الخامسه تفوز علشان حجمها و وسعها ، اما لو بنتكلم علي التسارع و الجري بوجه عام لو بنفس الموتور علي الاثنين الفئه الثالثه تفوز من غير اي شك ، اما عن الشكل دي اذواق مع ان في الغالب الفئه الثالثه بيبقي ليها مجال تعديل اوسع شويه او علي الاقل تكلفته ارخص .... بوجه عام العربيات دي كويسه مفيش عيب مخيف فيها ممكن يبقي في اعطال معينه معروف بين ملاكها ان وارد حدوثها -و دي ملاك كل عربيه يقدروا يساعدوك فيها اكتر مني- انما علي كل حال من الاحوال مفيش حاجه كارثيه توقع سوقها مثلا او تمنعك من انك تشتريها ، اما عن اختيارك بين الفئتين دول -مع العلم اني تجاهلت الفئه السابعه من الحسابات- الفئه الخامسه مياله اكتر للشبابي او مع اسره صغيره اما الفئه الخامسه مياله للرفاهيه الاعلي و الرصانه كده -بتجري برضه و كل حاجه بس مش زي الفئه الثالثه لو بنقارنهم ببعض-