Bmw 318i 2017

[hany79]

شباب انا عايش برة مصر و كنت عايز أعرف سعر العربية كام في مصر و هل هي الماني و لا تقفيل مصري و الاوبشن اللي فيها عشان شوفتها عندي هنا و عايز اعرف تستاهل الواحد يجيبها من هنا و لا من مصر احسن
هي هنا بتنزل فوانيس ورا و قدام ليد
فرش جلد بني و خشب ابانوس
طارة M
جنط ١٧
باركينج سنسورز ورا و قدام
تقريبا هي فيها كل حاجة ماعدا navigation و rear camera و فتحة السقف
اسف لو كنت بتقل عليكم بس رجاءً الرد بسرعة عشان الناس هنا تقريبا خلصوا كل الاستوك اللي عند الوكيل

[Samir_Adel]

اخر سعر ليها، 545،000 اكسكلوسف.. و 575،000 لاكشري. المشكلة يا معلم، ان بي ام دبليو قافلة الحجز و الاستلام في مصر كلها عشان موضوع الدولار و عدم ثبات العملة.. و مفيش 318 ام.. 320 ام باكدج موجودة بس رايي تجيبها معاك عشان في مصر مفيش استلام حاليا.. اللي موجودة في مصر تقفيل مصر بس اللي هتجبها من عندك، اكيد هتكون الماني.

[Taco]

انا زيك عايش بره مصر وبفكر اجيبها والمشكله الاساسيه انها واطيه وحتحك فى المطبات فى مصر .....ايه رايك ويا ريت تكون سالت وتشجعنى اشتريها....

[hany79]

واضح انك في قطر برضه يعني زمايل
النقطة ان فارق السعر كبير اوي بين العربية في قطر ١٢٠٠٠٠٠ريال يعني في حدود ٦٠٠٠٠٠جنيه من غير لا شحن و لا جمارك في حين سعرها في مصر تقريبا ٥٧٥٠٠٠ بس مش قادر اعرف هل هي الماني كامل و لا تجميع مصري و في نفس الوقت هل هي موجودة و لا ده سعر معلن لكن العربية مش موجودة؟؟

[Taco]

انا مش متاكد ان اللى هنا المانى ..طبعا لو فيه جمارك حتقرب من المليون

[Omar Sarray]

الى اعرفه ان بى ام والمرسيدس تقريبا الى فى مصر تقفيل مجرى والله اعلم مش المانى بس سؤال 318 تيجى موتور 3 سلندر 1500 سى سى مش 4 سلندر طب خليك على 320 احسن 4 سلندر و2000 سى سى ومتاحه ف مصر وقريبا ان شاء الله اجيبها

[hany79]

الى اعرفه ان بى ام والمرسيدس تقريبا الى فى مصر تقفيل مجرى والله اعلم مش المانى بس سؤال 318 تيجى موتور 3 سلندر 1500 سى سى مش 4 سلندر طب خليك على 320 احسن 4 سلندر و2000 سى سى ومتاحه ف مصر وقريبا ان شاء الله اجيبها

[hany79]

و الله عند سيادتك حق سعرها بقى قرب ٩٥٠٠٠٠ بالجمارك و ده مبالغ فيه اوي

[yasso123]

يا جماعة انا قرات فى جريدة ما ان الحكومة قاربت على الانتهاء من اعفاء العاملين فى الخارج من الجمارك على سيارة واحدة فقط مقابل شرط
يارت تبحثوا عن هذا القانون هل انتهت منه الحكومة ام لا
هيفدكوا اكيد

[محمد ابراهيم 9]

دا قانون بللح يا استاذى من امتى الحكومة بتعمل لمصلحة المواطن