ضغط هواء الكاوتش

[Ahmed525]

عربيتى bmw e60 الكاوتش 225/50/17 مكتوب على القايم ان الكاوتش الامامى 2.3
والخلفى 2.8
عايز اعرف كده اظبط الهوا امامى على كام وخلفى على كام وشكرا لحضراتكم جميعا

[borio1704]

الأرقام دي بوحدة اسمها "بار"

الـ بار = 14.5 psi .. اللي هي الوحدة اللي متعودين عليها في مصر...

يبقى حضرتك هتنفخ الأمامي على 33 والخلفي على 40

الكلام ده على البارد... يعني قبل ما العربية تتحرك بعد وقفة طويلة لا تقل عن 3 ساعات...

لو العربية اتحركت (ولو مسافة قصيرة ما تزيدش عن 2 كيلو) فلازم تعتبر الكاوتش سخن... وساعتها حضرتك تزود على المكتوب فوق ده حوالي 10-12%

يعني الأمامي يبقى 36 والخلفي يبقى 44

بس واضح إن المكتوب عندك ده في حالة التحميل على العربية.. لإن المفروض تزود ضغط الهوا كل ما كان الحمل أكبر.

خد بالك بردو إن بعض أنواع الكاوتش ممكن ما تتحملش ضغط الـ40 ده... فاتأكد من الضغط الأقصى اللي تقدر الفردة تتحمله... بيبقى مكتوب عليها.


...