خبر رهيب لمحبي ال Bmw تخفيضات جامدة قوي

[yasserit]

يا جماعة انا كنت بتكلم من الأول على ال 320 faceleft الجديدة هيا اللي 350000 اما الشكل القديم فا 320000 دلوقتي وانا فعلا شفتها على الطبيعة موجودة في معرض عز العرب الصحراوي و كمان شفتها ماشية في الشارع و الصراحة شكلها اتحسن كتير و بقت أجمل من الأول

[yasserit]

يعني انتو شايفين ان ال523 او ال x3 حتكون احسن من 320 faceleft؟؟ ولو كده يبقى انهي احسن 523 ولا x3 عشان هما ال2 نفس السعر تقريباً

[drhaytham]

افك بس واروح اجيب واحدة انا كمان
عشان اللى معايا ورقة بمليون جنية مجمدة

على فكرة انا ممكن افك لك بس ورقتين كل واحدة ب نص مليون

[ehabbasha30]

على فكرة انا ممكن افك لك بس ورقتين كل واحدة ب نص مليون

هههههههههههههههههههههه
مليون جنية نصين يعنى
هههههههههههههههههههههههههههه

[M.Mokhtar]

طيب يا جماعه مفيش اخبار عن ال 318؟؟؟؟
اسعارها هتنزل ولا ايه؟
وكماليتها ايه؟

[Bassel]

يعني انتو شايفين ان ال523 او ال x3 حتكون احسن من 320 faceleft؟؟ ولو كده يبقى انهي احسن 523 ولا x3 عشان هما ال2 نفس السعر تقريباً

ال320 هتجيبها لو ميزانيتك متسمحش بال523 والX3
وزي موضحت لحضرتك قبل كده عيوب الX3
انا ارشحلك ال523
عشان اكبر واوسع وافخم وكمان من افضل السيارات في الفئة بتاعتها وهتلاقي علي كل المواقع العالمية واخدة تقييمات كويسة
لو ميزانيتك متسمحش يبقي تجيب ال320

[Bassel]

طيب يا جماعه مفيش اخبار عن ال 318؟؟؟؟
اسعارها هتنزل ولا ايه؟
وكماليتها ايه؟

اصبر شوية
لازم سعرها هينزل عشان الي فوق والي تحت نزل
وكماليتها موجودة في موقع BMW egypt

http://www.bmw-eg.com/eg/en/newvehicles/3series/sedan/2008/_shared/pdf/BMW_318i_locally_assembled_profile.pdf?download=true

[sa3dawy]

اعتقد ال523i افضلهم كحجم وقوة وشكل وبرستيج وفخامة وكل حاجة
الا لو كنت عايز تستخدم ال4x4 فى حاجة مثلا

[shafey]

eah ya basha al nas mish la2ya takol wa enta ta2ol badl 470 .430 mish far2a kater

[yasserit]

الأخ thunder eagle اعتقد كلامك مظبط و هو أقرب حاجه لتفكيري ان 523 هيا افضل واحد فيهم مع ان ال 320 شكلها اجدد و الشاشة فيها اكبر و فيها tv و الكاوتش runflat و i-drive فيها أحدث و سوفت وير جديد و زراير جديدة و كل ده مش موجود ال 523 بس أعتقد انها برضه حتكون الخيار الأفضل مش كده و لا إيه؟؟؟

[bassem_fahmy]

akid el 523 a7san..bas moshkelet el BMW fi el re-sale..fa law te2dar tegeeb wa7da kasra zero haykoon howa da el optimum solution..3ala fekra hatla2i fi bavaria nafsaha fi el katameya used certified cars..fih 320 model 2007 bel i-drive zay el fol 3amla 45,000 km b 7awali 250..fa meen ba2a hayeshteri zero? w tab3an barra el tawkeel hatla2i foras bardo b as3ar a7san..el moshkela enohom beyghayaro ketir and they keep adding amazing options so the old cars 7'alas mabetkonsh attractive wel resale beyenzel gamed..example, meen hayeshteri 320 men 3'eir i-drive? el 3arabeya di asasan kanet b 370 bardo!!model 2006!!
w meen ba3d el 318 hayeshteri el 316 used b aktar men 150,000!!

[som3aa]

eah ya basha al nas mish la2ya takol wa enta ta2ol badl 470 .430 mish far2a kater

معلش انا اسف مش ثصدى حاجة بس عيب الكلام اللى حضرتك قولته دا , عيب اوى
اولا الراجل مغلطش فى حاجة , فى ناس برده بتتكلم على العربيات اللى ب 100 الف يقولك الالنترا نزلت من 104 ل 97 الف يعنى اى كلام و فى ناس بتقول على تخفيضات ب 3-4 الاف جنيه اى كلام على عربية ب 100 الف؟ طيب عربية ب 470 الف لما يقول 30 الف مش تخفيض اللى هو ( دا لو كان قال كدا اساسا ) يبقى مغلتش, نفس النسبة فى التخفيض,ليه مقولتش كدا لدول و قلت لدا الكلام دا.
بعدين دا مرحش قال كدا لناس قى خطبة فى الشارع و لا راح قال فى مائدة رحمان , الناس اللى مش لاقيه تاكل ايه اللى يقعدها على النت اساسا و يدخلها على نايل موتورز و تخش قسم bmw و تقرا عن عروض التخفيض اساسا؟ هما فاضيين للكلام دا؟ وراهم هموم و بلاوى غير الكلام دا , بعدين مينفعش اخش اشوف سعر البوجاتى فيرون اللى هو مليون دولار و ابعت لفولكس اقولهم انتوا اتجننتوا و لا ايه ازاى تعملوا عربية ب مليون دولار و فى ناس مش لاقية تاكل, حاجة مش قد امكانياتى متدخلش فى سعرها , دا واحد بيفكر بجدية بين 3 عربيات و عايز يعرف ايه الانسب ليه بيقارن اسعارهم و امكانياتهم , طب ممكن حد من اللى مش لاقيين ياكلوا يخش يقول ازاى تشترى عربية ب400 الف جنيه ؟

معلش متزعلش من كلامى بس الكلام دا غلط يتقال.

الأخ thunder eagle اعتقد كلامك مظبط و هو أقرب حاجه لتفكيري ان 523 هيا افضل واحد فيهم مع ان ال 320 شكلها اجدد و الشاشة فيها اكبر و فيها tv و الكاوتش runflat و i-drive فيها أحدث و سوفت وير جديد و زراير جديدة و كل ده مش موجود ال 523 بس أعتقد انها برضه حتكون الخيار الأفضل مش كده و لا إيه؟؟؟

بص حضرتك ال523 اوسع بكتير اوى من ال 320 , موضوع الشاشة اكبر دا اكيد مش هيفرق مع حضرتك خالص , ال523 مميزة اكتر بكتير اوى من ال320 لان ال320 منتشرة بشكل رهيب و خصوصا ان فى منها 316 بسعر من 240 الف فهتشوفها كتير اوى اوى فى الشارع بعكس ال523 اللى بتبدا من 515 فمميزة اكتر بكتير , كمان عرض ال320 عرض ضعيف جدا يعنى تخفيض 20 الف غير عرض ال 523 اللى عليها تخفيض 65 الف.
الtv مبيشتغلش و العربية ماشية , يعنى بيشتغل و هى واقفة بس فملوش اى لازمة , الكاوتس الrun flat سمعت انه بيبوظ كتير و بسرعة غير الكاوتش العادى فى مصر بسبب المطبات و الحفر (مش متاكد من الكلام دا ) , العربية الجديدة تقريبا نسخة من القديمة , التغيير الوحيد اللى لاحظته الكابوت و الفاونس الخلفى و سنة صغيرة الفانوس الامامى , حسيتها من جوه هى هى بالظبط يعنى الشكل مش مميز زى مانا كنت فاكر و كمان مفيش الفتيس الجديد زى الصور بتاع الx5 و ال 7series و ال5series , طلع الفتيس نفس القديم , يعنى من الاخر bmw نزلوا facelift نفس امكانيات القديمة و نفس كل حاجة و زودوا سعرها 4000 جنيه لان ال320 ب 374000 مع ان اليورو نزل من 8.4ل 7.77 .
الصراحة ال320 متستحقش حد يشتريها خالص ب350 ,حتى الجنط الجديد مش اوى عادى يعنى , انصحك بال523 يا تستنى على ال320 لحد مينزلوها ل320-330 الف ياما مرسيدس c200 بس لازم تخفيض لا يقل عن 30-40 الف.
دا رايى الشخصى ,ممكن تشوف راى thunder و الناس التانية و يستحسن حضرتك تروح تتفرج على ال320 الجديدة لانى شفتها جنب القديمة فى المعرض و اعدت ابص على الفورق علشان اعرف انى واحدة الجديدة لانهم شبه بعض اوى.

[som3aa]

akid el 523 a7san..bas moshkelet el BMW fi el re-sale..fa law te2dar tegeeb wa7da kasra zero haykoon howa da el optimum solution..3ala fekra hatla2i fi bavaria nafsaha fi el katameya used certified cars..fih 320 model 2007 bel i-drive zay el fol 3amla 45,000 km b 7awali 250..fa meen ba2a hayeshteri zero? w tab3an barra el tawkeel hatla2i foras bardo b as3ar a7san..el moshkela enohom beyghayaro ketir and they keep adding amazing options so the old cars 7'alas mabetkonsh attractive wel resale beyenzel gamed..example, meen hayeshteri 320 men 3'eir i-drive? el 3arabeya di asasan kanet b 370 bardo!!model 2006!!
w meen ba3d el 318 hayeshteri el 316 used b aktar men 150,000

معاك حق فى موضوع الresale value بس فى ناس مبتحبش المستعمل (حتى لو كانت كسر الزيرو) و حتى لو حب يشترى 523 كسر الزيرو هيبقى سعرها قريب جدا من سعر ال523 الجديدة لان عليها تخفيض 65 الف جنيه.
بعدين ال 320 مبتنزلش 2006 ب idrive صحيح بس سعرها مكانش 370 , سعرها كان 350 و كانت بتتباع بحوالى 330 عند الموزعين , بعدين فعلا ال318 الجديدة ضيعت مبيعات عربيات كتير بس مش لدرجة 150000 , ال318 ضيعت الresale value بتاعت ال320 اللى منغير idrive لان اساسا الفرق بينهم غير حاجة بسيطة فى الموتور , الidrive و الجنوط و فتحة السقف (يمكن مكانش فى فتحة سقف كمان) و فيها حاجات زيادة زى الmultifunction و الcruise control و سعرها منافس جدا و هيبان هيبقى كام لما مرسيدس تنزل الc180 يعنى فعلا نزولها كان خبر وحش لاصحاب ال320 اللى منغير idrive , طبعا هتاثر على سعر ال316 بعد مدة بس مش دلوقتى لان دلوقتى مفيش 318 مستعمل بعد سنة و نص او سنتين على الاقل لما يبقى فى مستعمل من ال318 هيضغط على سعر ال316 خصوصا الشكل اللى فات(اللى مش الfacelift يعنى) و خصوصا متوقع ان سعر ال316 الfacelift يكون 250 او اقل لان طبعا مش هتوصل لسعر ال318 اللى هى اوتوماتيك و كمان 2000cc فطبعا هينزل سعر مستعمل ال316 اللى مش facelift.

[Bassel]

معلش انا اسف مش ثصدى حاجة بس عيب الكلام اللى حضرتك قولته دا , عيب اوى
اولا الراجل مغلطش فى حاجة , فى ناس برده بتتكلم على العربيات اللى ب 100 الف يقولك الالنترا نزلت من 104 ل 97 الف يعنى اى كلام و فى ناس بتقول على تخفيضات ب 3-4 الاف جنيه اى كلام على عربية ب 100 الف؟ طيب عربية ب 470 الف لما يقول 30 الف مش تخفيض اللى هو ( دا لو كان قال كدا اساسا ) يبقى مغلتش, نفس النسبة فى التخفيض,ليه مقولتش كدا لدول و قلت لدا الكلام دا.
بعدين دا مرحش قال كدا لناس قى خطبة فى الشارع و لا راح قال فى مائدة رحمان , الناس اللى مش لاقيه تاكل ايه اللى يقعدها على النت اساسا و يدخلها على نايل موتورز و تخش قسم bmw و تقرا عن عروض التخفيض اساسا؟ هما فاضيين للكلام دا؟ وراهم هموم و بلاوى غير الكلام دا , بعدين مينفعش اخش اشوف سعر البوجاتى فيرون اللى هو مليون دولار و ابعت لفولكس اقولهم انتوا اتجننتوا و لا ايه ازاى تعملوا عربية ب مليون دولار و فى ناس مش لاقية تاكل, حاجة مش قد امكانياتى متدخلش فى سعرها , دا واحد بيفكر بجدية بين 3 عربيات و عايز يعرف ايه الانسب ليه بيقارن اسعارهم و امكانياتهم , طب ممكن حد من اللى مش لاقيين ياكلوا يخش يقول ازاى تشترى عربية ب400 الف جنيه ؟

معلش متزعلش من كلامى بس الكلام دا غلط يتقال.

بص حضرتك ال523 اوسع بكتير اوى من ال 320 , موضوع الشاشة اكبر دا اكيد مش هيفرق مع حضرتك خالص , ال523 مميزة اكتر بكتير اوى من ال320 لان ال320 منتشرة بشكل رهيب و خصوصا ان فى منها 316 بسعر من 240 الف فهتشوفها كتير اوى اوى فى الشارع بعكس ال523 اللى بتبدا من 515 فمميزة اكتر بكتير , كمان عرض ال320 عرض ضعيف جدا يعنى تخفيض 20 الف غير عرض ال 523 اللى عليها تخفيض 65 الف.
الtv مبيشتغلش و العربية ماشية , يعنى بيشتغل و هى واقفة بس فملوش اى لازمة , الكاوتس الrun flat سمعت انه بيبوظ كتير و بسرعة غير الكاوتش العادى فى مصر بسبب المطبات و الحفر (مش متاكد من الكلام دا ) , العربية الجديدة تقريبا نسخة من القديمة , التغيير الوحيد اللى لاحظته الكابوت و الفاونس الخلفى و سنة صغيرة الفانوس الامامى , حسيتها من جوه هى هى بالظبط يعنى الشكل مش مميز زى مانا كنت فاكر و كمان مفيش الفتيس الجديد زى الصور بتاع الx5 و ال 7series و ال5series , طلع الفتيس نفس القديم , يعنى من الاخر bmw نزلوا facelift نفس امكانيات القديمة و نفس كل حاجة و زودوا سعرها 4000 جنيه لان ال320 ب 374000 مع ان اليورو نزل من 8.4ل 7.77 .
الصراحة ال320 متستحقش حد يشتريها خالص ب350 ,حتى الجنط الجديد مش اوى عادى يعنى , انصحك بال523 يا تستنى على ال320 لحد مينزلوها ل320-330 الف ياما مرسيدس c200 بس لازم تخفيض لا يقل عن 30-40 الف.
دا رايى الشخصى ,ممكن تشوف راى thunder و الناس التانية و يستحسن حضرتك تروح تتفرج على ال320 الجديدة لانى شفتها جنب القديمة فى المعرض و اعدت ابص على الفورق علشان اعرف انى واحدة الجديدة لانهم شبه بعض اوى.

تصحيح بس
الكاوتش ده عبقري بمعني الكلمة
اخويا عمل بعربيته 40000 وراج جاب واحد عادي امبارح عشان ارخص
واكتشف هناك ان فيه فردة كوتش فيها مسمارين وفردة تانية كان فيها مسمار
وماشي بيه مفيش اي مشاكل
هو مشكلته ان تمنه غالي (الفردة ب1750 ) كمان بيخلي العربية مش مريحة وفعلا بعد التغيير للكوتش العادي ركبت معاه
العربية اريح بكتييييييييير من الاول
و انا شايف ان فعلا علي راي سمعة التخفيض ده قليل وهتنزل تاني خصوصا مع نزول الC180
والي سعرها يستاهل هي ال523 بعد التخفيض
وانا لا اؤيد الX3 اطلاقا

[Mostafa Hessen]

ال 320 بتعمل 320 ألف جنيه فى أبو غالى