ساعدوووووني فى مقارنة بين 3 موديلات قديمة

[k66]

سلام عليكم يا جماعة , انا عايز اخد رأيكم و استفيد من خبرتكم في حاجة مهمة بالنسبالي اوي . انا بعشق حاجة اسمها بي ام بليو الموديلات القديمة , انا معايا دلوقتي 316 موديل 81 وعايز اقولك العربية ديه شافت معايا الويل و لسة اسد زي ماهي وكنت عايز اشتري عربية تانية قديمة برضه ومحتار بين 316 مو 86 و 318 مو 86 و 518 مو86 انا بعشق التلات عربيات دول و عايز اعرف منكم ايه احسن عربية فيهم دلوقتي من حيث قطع الغيار و البنزين و الأداء ككل يعني اشتري مين فيهم و اللي هتقولوا عليه هعمله بس ياريت الناس تختار موديل و تقول اختارته ليه و و ياريت لو تقدروا ترفعوا صور للموديلات دي يبقى كتر خيركم يمكن الحيرة تقل شوية عندي و دة هيتم بفضلكم ان شاء الله وياريت اللي يرد بجد يكون فعلا عنده خبرة في موديلات البي ام القديمة و ربنا يباركلكم منتدى ممتاز بجد و أرجو الرد السريع
والسلام عليكم ورحمة الله

[k66]

واضح ان مفيش حد عنده خبرة في المنتدى دة في الموديلات القديمة اوكى اشكركم برضه عشان محدش قعد يفتي فيها شكرا ليكم

[Bassel]

سلام عليكم يا جماعة , انا عايز اخد رأيكم و استفيد من خبرتكم في حاجة مهمة بالنسبالي اوي . انا بعشق حاجة اسمها بي ام بليو الموديلات القديمة , انا معايا دلوقتي 316 موديل 81 وعايز اقولك العربية ديه شافت معايا الويل و لسة اسد زي ماهي وكنت عايز اشتري عربية تانية قديمة برضه ومحتار بين 316 مو 86 و 318 مو 86 و 518 مو86 انا بعشق التلات عربيات دول و عايز اعرف منكم ايه احسن عربية فيهم دلوقتي من حيث قطع الغيار و البنزين و الأداء ككل يعني اشتري مين فيهم و اللي هتقولوا عليه هعمله بس ياريت الناس تختار موديل و تقول اختارته ليه و و ياريت لو تقدروا ترفعوا صور للموديلات دي يبقى كتر خيركم يمكن الحيرة تقل شوية عندي و دة هيتم بفضلكم ان شاء الله وياريت اللي يرد بجد يكون فعلا عنده خبرة في موديلات البي ام القديمة و ربنا يباركلكم منتدى ممتاز بجد و أرجو الرد السريع
والسلام عليكم ورحمة الله

لأ في ناس بس قليلين
بس استني شوية لحد ميردوا عليك

[speed4speed]

لو بتحب القديم يبقى خليك فى الفئه الثالثه
عندك 316 موديل 86 و دى 90 حصان
318 موديل من نفس الموديل 105 حصان
قطع الغيار متوفره اكتر من الى معاك دلوقتى و الموديلات دى مواتيرها جامده و حلوه بس اهم حاجه الحاله العامه ( اختيار موفق )
و لو احتجت اى حاجه احنا معاك

[k66]

لو بتحب القديم يبقى خليك فى الفئه الثالثه
عندك 316 موديل 86 و دى 90 حصان
318 موديل من نفس الموديل 105 حصان
قطع الغيار متوفره اكتر من الى معاك دلوقتى و الموديلات دى مواتيرها جامده و حلوه بس اهم حاجه الحاله العامه ( اختيار موفق )
و لو احتجت اى حاجه احنا معاك

ربنا يخليك يا يا مان كلك زوق والله

[speed4speed]

ربنا يخليك يا يا مان كلك زوق والله

انت تأمر يا اخ k66

[coca4u_70]

بص انا هقولك علي حاجه عن تجربه هات e30 كوبيه وده لاكتر من سبب سعر الكوبيه مش بينزل زي 4 ابواب وغير كده اول لما تلاقي عربيه اهم حاجه تركز علي العفشه والضفيره او الكهرباء ككل والمتور بتعها اي مكنيكي ممكن يشتغل فيه بس خد بالك العربيات دي لما بيبوظ حاجه فيها بتجر الي بعديه فلازم تبقي ايدك في العربيه علي طول وبكده هتركب عربيه احسن من 100 زيرو انا شخصيا معايه 325 e30 وعربيه زي الفل بس كدرتني سنه ونصف بجهز فيها والحمد لله طلعه اسد

[coca4u_70]

لو عاوز اي استفسار انا في الخدمه
عشان انا شايف انك تجدد الe21 الي معاك احسن يعني تغير طبلوه وفرش وسمكره ودهان ومتور 2000cc انجكشن وجنوط لزيزه وشكرا

[k66]

لو عاوز اي استفسار انا في الخدمه
عشان انا شايف انك تجدد الe21 الي معاك احسن يعني تغير طبلوه وفرش وسمكره ودهان ومتور 2000cc انجكشن وجنوط لزيزه وشكرا

ربنا يخليك يا اخ coca بس تقدر تقولي ال 316 موديل 86 تعمل كام عشان سمعت ان موتور ال e30 من موديل 88 وحش جدا الكلام دة صح؟
يعني لو مو 86 اربع باب تعمل كام و لو اتنين باب تعمل كام لو الحالة تمام؟ اصل انا مش بحب العب في العربيات بحب اسوقها زي ما الشركة عملتها يعني عشان كدة مش حابب فكرة التعديل في ال e21 و شكرا على اهتمامك