الفرق بين 316 و ال320.. ممكن بعض الاجابات؟

[shamelkh]

انا عايز اسأل الخبراء فى ال 316 و ال 320 عن شوية حاجات وييقولولى لو انا صح او غلط

1) ال 316 منزلتش غير مانيوال بس

2)ال 316 مافيهاش I-DRIVE

3) ال 320 اوتوماتيك بس

4) ال320 لحد 2007 كانت من غير I-DRIVE

5) ال 320 - 2008 هى اللى كان فيها I-DRIVE

شكرأ مقدما يا شباب على الرد...

[sa3dawy]

كل الكلام دا صح 100%
بس فية 316 بتنزل بiDrive ودى سعرها 295 الف

[Anxs111]

معلش ممكن أسأل أيه الفايدة العملية لل-idrive . هو أنا بشتري عربية ولا hometheater .

أنا منصحش إن يكون سبب شرا العربيه إل idrive . لو هو موجود في العربية اللي مناسبة احتياجاتك العمليه ذي مثلاً 320 مفيش مشكله . لكن مش منطقي تشتري يكون هو أساس الإختيار .

طبعاً دي مش عشان فقر . بس ديه حاجه ملهاش لزمه . واكيد في خلال ٣ أو ٤ سنين هتعطل عشان hitech . أنا متأكد إن في خلال ٣ أو ٤ سنين كله هينذلهة و مش هتكون سبب انك تدفع ٥٠٠٠٠ ألف زياده فيها .

ذي لو الناس فكره الستبترونيك أول ما نزل وإل abs . برضه تمن العربيه اللي نازله كان غالي جداً بسببهم . وبعد كده كل الماركات المحترمه والمتوسطه بتنزل بهم ك standard .

مع الأخذ في الإعتبار إن ستبترونيك و-abs هي أشياء مهمه وعمليه وكانت تستاهل إن الواحد يدفع فيهم لما كانو نازلين في bm و-mercedes بس و- وجودهم كافي إنه يكون سبب شراء العربيه .

لكن idrive أيه الفايده منه عير إنه لعبه تمنها ٥٠٠٠٠ . وأكيد هتبوظ مع الوقت . إللي لسة مصر على اللعبه وهيجبهة يلعب بها لازم يعرف إن أكيد ملوك التقليد هيعملوها بقروش .

ذي الباركينغ سنسر أول ما نزل في S Class . كنا بنعتبر ده خيال علمي دلوقتي ممكن تركبه بأقل من ١٠٠٠ جنيه في عربيه ١٢٨ .
مش عيب أنك تدلع نفسك بس دلع نفسك صح . هات تمنها ٥٠٠٠٠ ألف تكون هي د قيمتها مش عشان لسه نازله جديد . دي نصيحه أخوية عشان أنا كنت بموت في الكماليات وبصرف فيها فلوس كيتير جداً وياما اشتريت موبايلات ب-٣ ألف و-٤ ألف عشان شكلها كول .

المادي أفضل الأن الحمد لله بس ندمان جداً أني كنت بعمل كده وبتمنى ربنا يسامحني على كدة وعشان كدة بنصح بس . أبي كان يحرج يقولي بلاش كده عشان كان بحبني بس والله يا جماعه فكر عشان تنبسط باللي تشتريه عشان هو ده اللي يفرحك مش عشان واحد تاني أخترلك أيه اللي يفرحك و بعدين تعطل وتزهق وربنا مايكونش مبارك .
أسف إذا طولت .

[hamata]

أنا معاك فالكلام ده, فعلا ال i-drive مش عملى اوى على قد ما هو ترفيهى, أصحابى بيقولو العربية شكلها أفخم بال i-drive , و فى ناس تقولك أنت بتتحكم فى كل حاجة فى العربية منه زى الكاسيت و التليفون و و التكييف, بس أنا شايف ان الواحد لو قعد يبص فى الشاشة و يسيب الطريق ممكن يحصل مشكلة لا قدر الله, بعكس كماليات تانية زى ضم المرايات كهربا و ال parking sensor حاجات بتساعد فعلا فالسواقة, عن نفسى أنا هجيب 318 كسر زيرو, صحيح الكماليات قليلة بس اهى اسمها بى ام و أوتوماتيك و و 2000 سى سى

[hamata]

انا عايز اسأل الخبراء فى ال 316 و ال 320 عن شوية حاجات وييقولولى لو انا صح او غلط

1) ال 316 منزلتش غير مانيوال بس

2)ال 316 مافيهاش I-DRIVE

3) ال 320 اوتوماتيك بس

4) ال320 لحد 2007 كانت من غير I-DRIVE

5) ال 320 - 2008 هى اللى كان فيها I-DRIVE

شكرأ مقدما يا شباب على الرد...

فى 2007 من غير i-drive و فى 2007 ب i-drive

[Bassel]

الidrive ليه 3 فوائد
1-الTV وملهوش لازمة عشان الشاشة بتطفي لما تيجي تمشي
2-الDVD وبرضه ملهوش لازمة لنفس السبب
3-الGPS ومش موجود عندنا
فبالتالي حاجة ملهاش لازمة خالص
وكل الحاجات ممكن تتحكم فيها من غيره
سواء كاسيت او تكيف او الاعطال او اي حاجة تانية
ال316 نزل فيها idrive
ال320 نزل فيها من اول 2007

[shamelkh]

شكرا يا شباب على سرعة الرد

طب حد يعرف 320 موديل مثلا 2007 من غير Idriveعاملة حوالى 20-30 الف كيلو ممكن تبقى بكام؟ انا سمعت اسعا زى 180-200 الف... الكلام ده صحيح؟

[Bassel]

شكرا يا شباب على سرعة الرد

طب حد يعرف 320 موديل مثلا 2007 من غير Idriveعاملة حوالى 20-30 الف كيلو ممكن تبقى بكام؟ انا سمعت اسعا زى 180-200 الف... الكلام ده صحيح؟

لو عاملة زي مبتقول هتكون في حدود 210-230

[fahd_628]

يا جماعة ال 316 نزل منها اوتوماتيك

[hamata]

يا جماعة ال 316 نزل منها اوتوماتيك

فعلا ؟؟؟ و يا ترى فيها كل الكماليات ؟؟؟ و يا ترى بكام ؟؟؟

[Bassel]

يا جماعة ال 316 نزل منها اوتوماتيك

حضرتك جبت المعلومة دي منين ؟

[mohelsherief]

حضرتك جبت المعلومة دي منين ؟

On the BMW website and in its catalogue. They upgraded the 316i engine to 122bhp and automatic is now available. I think it will not be sold here in Egypt because it could kill the 318i

[Bassel]

On the BMW website and in its catalogue. They upgraded the 316i engine to 122bhp and automatic is now available. I think it will not be sold here in Egypt because it could kill the 318i

ايه المشكلة
الشكل القديم كان كده برضه
وهي بتنزل في اليونان اوتو
بس في مصر الوكيل مش هيجيبها خصوصا انها هتكون بطيئة واستهلاكها عالي وكمان موتور ال122 ده منزلش غير في الكوبيه عشان بياخد بنزين 95 مش زي الموتور ال115
وزي محضرتك قلت هتنافس ال318

[farahat]

ايه المشكلة
الشكل القديم كان كده برضه
وهي بتنزل في اليونان اوتو
بس في مصر الوكيل مش هيجيبها خصوصا انها هتكون بطيئة واستهلاكها عالي وكمان موتور ال122 ده منزلش غير في الكوبيه عشان بياخد بنزين 95 مش زي الموتور ال115
وزي محضرتك قلت هتنافس ال318

معلومة بسيطة بس ، الموتور ال-122 نزل من أول الكوبيه و من بعده نزل في ال-facelift ، يعني ال-316 الجديدة موتورها 122 حصان
و بعدين الموتور ال-1600 أصلاً استهلاكه عالي جداً جداً سواء ال 115 أو ال-122 , و كمان محتاج بنزين ٩٥ عشان ميسقفش لأن مكتوب على التنك 91-95-98 , يعني مفيش فرق بين الجديد و القديم ، كل الحكاية فرق ٧ أحصنة و يقال انهم حسنوا موضوع الإستهلاك العالي والله أعلم !

[sa3dawy]

مفيش لسة اصلا 316i facelift