تكاليف الصيانة الدورية و أسعار قطع غيار 316 (e90)

[hanyathlon]

أرجو المسـاعدة فى تحديد (316 E90
1- أسـعار تكاليف الصيانة الدورية
2- أسعار بعض قطع الغيار فى التوكيل و بره
3- وجود أماكن غير التوكيل ممكن تقوم بعمل الصيانة أو الأصلاح أقل سعرا و بكفائه جيده

و شكرا جزيلا

[Bassel]

أرجو المسـاعدة فى تحديد (316 E90
1- أسـعار تكاليف الصيانة الدورية
2- أسعار بعض قطع الغيار فى التوكيل و بره
3- وجود أماكن غير التوكيل ممكن تقوم بعمل الصيانة أو الأصلاح أقل سعرا و بكفائه جيده

و شكرا جزيلا

صيانة 10000 ب550 جنيه
وتشمل تغيير زيت وفلاتر ومصنعيات
صيانة 50000 ب7000 جنيه
مش عارف بيتعمل فيها ايه بالضبط بس دي اكتر صيانة بيدفع فيها بس دي لل320 ال316 هتكون اقل عشان مانوال

قطع الغيار معنديش فكرة بكام عشان العربية عاملة 14000 بس

العربية معقدة مش المفروض حد يلعبلك فيها غير الوكيل بس فيه مركز ابو غالي في طريق مصر اسماعيلية بس مجربتوش والمفروض يكون ارخص طبعا والكفائة مش عارف بس كده كده الوكيل كفائته مش كويسة لان ممكن تضيع يوم كامل عشان تعمل صيانة
يعني انا رحتلهم الساعة 11 العربية دخلت للصيانة الساعة 2 وطلعت الساعة 3ونص وكل ده تغيير زيوت وفلاتر وغسيل

[Bassel]

بالنسبة للاكسسوارات انا شفت شوية اسعار
طارة الm بالمالتي فنكشن والارباج ب4000
فوانيس الامامية بالزنون ب3700
الجنوط ال17 ب3750 للجنط الواحد
مرايات ضم 3800 للمراية الواحدة
الابانوس ب7000
السي دي تشانجر كان عليه خصم ب2700
ده الي فاكروا

[hanyathlon]

أنا متشكر أوي
و صيانة 20 و 30 وكده بردوا غالية أوى كده و لا متعرفش

[hanyathlon]

مبسوط من العربية و لا مش أوى يعنى فارقة فعلا عن الموديلات القديمة

[Bassel]

أنا متشكر أوي
و صيانة 20 و 30 وكده بردوا غالية أوى كده و لا متعرفش

معنديش فكرة

[Bassel]

مبسوط من العربية و لا مش أوى يعنى فارقة فعلا عن الموديلات القديمة

فيه فرق شاسع جدا بين الe90 والe46 في الاداء والتكنولوجيا
وبتحس بالموضوع ده في الملفات
وبالرغم ان الكمايات قليلة بس وانت سايقها بتبقى مبسوط غير اي عربية تانية وخصوصا ان مع الوقت بتكتشف حاجات مش موجودة في اي عربية تانية وبتحس انها عربية ذكية

[hanyathlon]

أصل أنا بصراحة عاوز أيب 316 موديل 2008 (Stock) و مقلق من أسعار الصيانة. بس هى أغلى حاجة كانت 7000 جنيه ل320 و عند ال50000 مش عارف أيه رأيك ( هو لحد الفين تلاته كل عشر الاف كم ممكن بس أكتر حرااااااااااااام) مش عارف بصراحة

[Bassel]

أصل أنا بصراحة عاوز أيب 316 موديل 2008 (Stock) و مقلق من أسعار الصيانة. بس هى أغلى حاجة كانت 7000 جنيه ل320 و عند ال50000 مش عارف أيه رأيك ( هو لحد الفين تلاته كل عشر الاف كم ممكن بس أكتر حرااااااااااااام) مش عارف بصراحة

اصل معروف ان بي ام دبليو الrunning cost بتاعها عالي وده من اكبر العيوب
غير كمان تكلفة الصيانة برضه مش بتوفر في البنزين زي العربيات الياباني
جوه البلد بتعمل 12-13لتر لكل 100كيلو لبنزين 92 والتكيف شغال
لو انت طريقك دائري وتجمع يعني نص جوه البلد ونص برة ممكن تعمل معاك 8-9 لتر لكل 100 كيلو
لو انت مسافر اسكندرية بتعمل 6-7 لتر لكل 100كيلو
وبكرة كلم 19269 واسأل علي اسعار الصيانات
وفي الاول وفي الاخر البي ام دبليو ركوبة تانية خالص غير العربيات اليباني او الاوروبي الي موجودة في السوق
واي اسألة تحت امرك

[farahat]

شوف يا باشا ، العربية دي طريقة صيانتها مختلفة ، لأن كمبيوتر العربية بيقول ليك كل شوية الحاجة اللي ميعاد صيانتها جه ، يعني كل ١٠ ألف هيقولك غير زيت (زيت و فلتر زيت ٥٥٠ جنيه ذي ما الأستاذ باسل قال )، البجيهات كل ٦٠ ألف، التيل كل ٥٠ أو أقل لو إتاكل قبل كدة ، زيت فرامل كل ٦٠ أو ٣ سنين ، و هكذا ..
يعني مفيش حاجة سبتة كل ١٠ الآف غير الزيت ، غير كدة حسب إستهلاك سعادتك

سؤال لباسل باشا : هل فعلاً كشافات الزنون تمنهم ٣٨٠٠ جنيه فقط ؟!!، أنا فكر دكتور أحمد سامي كان قال في الموضوع بتاع الفئة الأولى انهم بحوالي ١١ ألف أو أكتر شوية

[Bassel]

شوف يا باشا ، العربية دي طريقة صيانتها مختلفة ، لأن كمبيوتر العربية بيقول ليك كل شوية الحاجة اللي ميعاد صيانتها جه ، يعني كل ١٠ ألف هيقولك غير زيت (زيت و فلتر زيت ٥٥٠ جنيه ذي ما الأستاذ باسل قال )، البجيهات كل ٦٠ ألف، التيل كل ٥٠ أو أقل لو إتاكل قبل كدة ، زيت فرامل كل ٦٠ أو ٣ سنين ، و هكذا ..
يعني مفيش حاجة سبتة كل ١٠ الآف غير الزيت ، غير كدة حسب إستهلاك سعادتك

سؤال لباسل باشا : هل فعلاً كشافات الزنون تمنهم ٣٨٠٠ جنيه فقط ؟!!، أنا فكر دكتور أحمد سامي كان قال في الموضوع بتاع الفئة الأولى انهم بحوالي ١١ ألف أو أكتر شوية

وكمان الكوتش الrunflat كل 30000
الغريب ان العربية عندي بتطلب الصيانة كل 14000 مش 10000 زي ال320
بالنسبة للزينون انا شفته بعيني
احتمال اكون شفته غلط بس ده الي انا فاكروا
وبعدين بتاع الفئة الثالثة مختلف وممكن يكون ليه ظروفه غير بتاع الفئة الاولي
هحاول اتصل بيهم اسألهم واتأكد ان شاء الله

[M.Mokhtar]

انا اللى مستغربله سعر المرايات الضم
لييييه المبلغ ده كله؟؟؟
ده لو اتكسروا صاحبهم هيولع فى نفسه

[Bassel]

انا اللى مستغربله سعر المرايات الضم
لييييه المبلغ ده كله؟؟؟
ده لو اتكسروا صاحبهم هيولع فى نفسه

بيعملوا كدة علي اساس ان العربية مبتنزلش بيهم
وبصراحة مفيش حاجة عندهم سعرها كويس
كله غالي جدا جدا , حاجة تحرق الدم
وحسب معلوماتي ان كل العربيات الاوروبي سعر مراياتها غالية لدرجة ان واحد صاحبي بيقولي ان مرايات الفكترا C ب5000 جنيه فكنت عايز اتأكد من الجزئية دي بعد اذنك

[M.Mokhtar]

بيعملوا كدة علي اساس ان العربية مبتنزلش بيهم
وبصراحة مفيش حاجة عندهم سعرها كويس
كله غالي جدا جدا , حاجة تحرق الدم
وحسب معلوماتي ان كل العربيات الاوروبي سعر مراياتها غالية لدرجة ان واحد صاحبي بيقولي ان مرايات الفكترا C ب5000 جنيه فكنت عايز اتأكد من الجزئية دي بعد اذنك

مش عارف الفكترا C بكام
بس الفكترا B ب 1350 جنيه والعاديه مش الضم

[Ahmed Selim]

مرايات الميجان الضم ب 2200 جم الواحدة