محتار و محتاج حتى لو نصيحة واحدة

[shady_love]

السلام عليكم و رحمة الله و بركاته
انا معايا بروتون جين 2 موديل 2007 عاملة 20 الف كيلو و لونها اصفر و بصراحة جت عليا فترة انى ابيعها خوفا من لونها و عشان سعرها بدا ينزل كجين 2 بصفة عامة ففكرت فى البى ام بس الحجات المميزة و تبقى فى نفس رنج سعر الجين 2 ففكرت فى e36 coupe و فعلن جت امامى اكتر من واحدة و فى منهم نظيف جدا بس بصراحة محتار جدا انى انزيل من زيرو لموديل قديم هى اكيد بى ام و ماينفعش تتقارن بس المشكلة فى الموديل و انى اعرف ان لما البى ام بتفتح ميش بتافل و الى محيرنى اكتر ان سعر البى ام الموديل دا بيلعب كا كلام مبداى من 85 ليفوق فطبعا سعر عالى لموديل يعتبر قديم فهل دا تمنها فعلن و ايه نظام سوقها و قطع غيرها فانتوا ايه رايكو فى الموضوع لو انتو مكانى تعملو ايه و بصراحة انا ماقولتش غير انتو الى هتفودونى لانكو ركيبتو البى ام و فهمين يعنى ايه بى ام و اكيد عرفين مستوى بقيت العربيات عاملة ازاى و انا للعلم كنت عايز اركب ال1600 سى سى منها عشان الضريبة و البنزين , انا دلوقتى محتاج رايكم معايا و اى سؤال يوضح اكتر الموضوع انا معاكم فيه و ممستنى ردكم و اسف على الاطاله و رمضان كريم .

[speed4speed]

انت و دماغك
بس 85 الف e36 كوبيه حرام قوى
و الحسبه بتعت عربيه جديده جين 2 و لا مستعمل بى ام بترجع على حسب تفكيرك
انا عن نفسى اختار بى ام ( بشرط الحاله )

[shady_love]

انا معاك ان 85 الف كتير بس هى دى الاسعار الى شوفتها و 85 الف دا اقل سعر سمعتو يعنى قول حتى لو نزلت فيها هنزيل 5 بقت ب 80 كتير بردو دا بقيت الاسعار بتكلم فوق ال 100 و معرفش اذاى عشان كدا قولت اسالكم و بصراحة الحالات الى بشوفة شذة جدا جدا يعنى فبريكة برة وجوة و فى منهم اسبشيل اوردر و كاملة بالكامل بالكمبيوتر بكل حاجة و المشكلة انها حجات جامدة اوى و فعلن محيرة و يمكن اعلى كااوبشن من الجين 2 و انا دناغى جايبها بردو يا استاذ سبيد بس خايف من حجات معينى اولها البيع بعد كدا هل هيبقى صعب و لا لا و القطع الغيار و هل فعلن تستحق المغامرة ولا لا و شكرا على ردك السريع استاذ سبيد

[shady_love]

ايه يا رجالة البى ام ايه رايكو فى الموضوع لان انا تقريبا بجمع اراء و زى ما بيقولو اصوات عشان على اساسو امشى فى الموضوع و لا و ياريت كل واحد يحط نفسو مكانى و فى نفس حيرتى

[brown-eyes]

بصراحة انا شايف البي ام جامدة وكل حاجة بس بردو فرق الموديل بيفرق انا كان معايا اوبل فيكترا 97 وكانت حالتها نضيفة جدا بس بردو كان بقالها 10 سنين ماشية فا هتلاقي حاجات كده حتي لو صغيرة هضيقاك يعني مثلا هقولك
اول حاجة التكييف باظ 3 مرات في صيف واحد مش عارف الفرامل مالها وال ا بي اس بيعلق و السقف من جوا الفرش بتاعه وقع هي حاجات صغيرة بس تضايق وغير قرف الصنايعية بقي وتضيع الوقت
وعموما الموضوع يرجعلك انت انا شايف الجين 2 حلوة وشكلها شبابي بردو عايز تركب الماني بقي اركبه زيرو او كسر زيرو هتحس بمتعته يعني مثلا ممكن تجيب اوب استرا عربية تحفة وموديل حديث وعلي ما اعتقد كسر الزيرو ممكن يكون في حدود 100 بس هتبقي اشتريت دماغك

[shady_love]

الف الف شكر يا استاذ برون اى على ردك و نصحتك الغاليا دى و فعلن كلامك معالهوش اى تعليق لان فعلن هو دا الى مخوفنى من المستعمل بس الى محيرنى ان الحاجات الى بشوفها فعلن شاذة جدا و ميش مشية فى مصر استيراد من المانيا عشان كدا محتار و طلبت مساعدتكم و الف شكر لتعبك و نصحتك الغاليا مرة تانية يا استاذ برون اى

[brown-eyes]

العفو علي ايه دي اقل حاجة ممكن اقدمها
وعموما لو عايز نصيحتي خليك في عربيتك ولما ربنا يكرمك اركب الماني زيرو او كسر زيرو يبقي انت كده مسكت العصاية من النص

[shady_love]

والله شكلها فعلن هترسى على كدا , شكرا برون اى على نصحتك الغاليا

[fahd_628]

بص انا معايا i30 ( و دية مش بتاعتى لوحدى ) دلوقتى و حلمى اركب e36 كوبية ( بتاعتى لوحدى ) ! و مش مشكله عندى اعادة البيع المهم انى اركب العربية الى انا بحبها جدا جدا جدا يا باشا العربيات دية فى الخارج لسة بتمشى يعنى شغالة و قطع الغيار متوفرة و لو عاوز تعدلها عندك 1000000000 حاجة تعملها فيها !

و كفاية شكلها معلش :) و كفاية الصورة الى فى توقيعى انا نفسى فى واحدة سوداء مانيوال فتحة سقف :) كوبية طبعا و مش عاوز حاجة تانى :)

بس فعلا اسعارهم غريبة ! يعنى مش 120 الف يعنى علشان اشتريها ! انا مستنى اسمع رقم كويس علشان الوالد يتشجع


و ربنا يكرمك ان شاء الله بواحدة كويسة