استغاثه .....الحقونى يا خبراء ال bmw

[pop]

بسم الله الرحمن الرحيم
انا خلال يومين لازم اكون واخد قرار الشراء او عدم الشراء انا قدامى ( 2002) bmw 525 كامله جنوط وفتحه سقف ومعدله الاكصدمات الى m5 ومرايات ال m5 اللى بتتقلب الى فوق كهرباء وطاره ال m5 والفتح اللى فى الرفرفين ذى ال m5 ده طبعا غير كماليتها كلها ذى حساسات الركن الامامى والخلفى والطاره المالتى والزينون والتليفون وال cd 6 اسطوانات والتكيف الرائع الخ...................... اه والجنوط ال abs الجنط مقاسه 18 يا ريت المساعده فى تتمنها ؟
والتعديلات دى حاجه كويسه ولا لأ ؟؟
طبعا حاله العربيه ممتازه والله انا لمل جيت اجربها ما كنتش عايز انزل منها ومش هحكى طبعا على الموتور الجبار اللى تحس انك كنت حابس عفريت حوالى مليون سنه وما صدق انك فتحتله القمقم .... والثبات انا لما صاحب العربيه كان بيسوقها وانا معاه راح واخد غرزه مش ممكن تتاخد بالسرعه والثبات ده ان امش هطول بس يا ريت المساعده.................؟

[blazer]

العربيه ديه لونها ازرق ؟؟
عموما من اللى بتحكى عنه واضح ان العربيه حالتها نضيفه
استنى رد need4speed هو اكتر واحد ممكن يفيدك فى تحديد سعرها و يقوللك تكشف فين على العربيه
ةالتعديلات اللى على العربيه ممتازه و بتخلى شكلها جامد جداا

[pop]

اولا انا متشكر جدااااااا على اهتمامك وذوقك يا blazer
ثانيا العربيه مش زرقاء هى لونها غريب مكتوب فى الرخصه بستاج بس هو الصبح تحس انه رمادى وباليلل لونه ...؟؟؟ مش قادر احدد
ثالثا هى لسه مش عربيتى بس يا رب لو كانت حلوه وسعرها حلو تبقى من نصيبى يا blazer اه نسيت اعرفك بنفسى انا ايهاب من الشرقيه وحاصل على بكالوريوس تربيه رياضيه
وانا مستنى رد need 4 speed على احر من الجمر
وللمره المليون بشكرك يا blazer

[blazer]

باذن الله العربيه لو فيها خير ليك تكون من نصيبك
اخوك : محمد

[Ahmed Hassan]

والجنوط ال abs الجنط مقاسه 18

حضرتك قصدك جنوط bbs صح؟

الموديل ده من البي ام من وجهة نظري من افضل الصفقات لانك بتاخد عربيه بامكانيات و رفاهيه عاليه جدا و بسعر مغري جدا

[pop]

بسم الله الرحمن الرحيم
'اسف انا فعلا كان قصدى bbs
وهى فعلا امكانيات العربيه عاليه جدا لدرجه انى ما كنتش عايز اسوقها . انا اول ما دخلت العربيه حسيت انى ركبت سفينه فضاء مش العربيات اللى احنا متعودين عليها الانسر والتويوتا والهيونداى مع فائق احترامى لاصحاب العربيات دى.......
بس يا جماعه ايه الرنج اللى ممكن يكون السعر فيه كويس صاحب العربيه بيتكلم فى 190,000
بس انا اعتقد انه ممن يوافق اقل من كده بصراحه العربيه جامده جدا تحس ان اسد واقف وجاهز فى لحظه للهجوم على فريسته
وانا متشكر جدا يا أ/ احمد على الاهتمام بس يا ريت تحاول معايا ومع بقيه الاعضاء الكرام نحط رنج لسعر العربيه دى و نسمع ارائهم فى التعديلات اللى فى العربيه وإن التعديلات دى بتقلل من ثمن العربيه ولا بتزودها
مستنى ردك يا أ/ احمد وطبعا مستنى رد أ / محمد (blazer )
ويا ريت يشاركنا الرأى need4speed

[bishoy02010]

متابع باهتمام وانشاءالله تكون من نصيبك ..............................

[pop]

طيب رأيك ايه يا bishoyo2010 او تحديدا الرنج اللى انت شايفه لثمن العربيه دى لانك من اصحاب العلامه الجباره bmw ومن اهل الخبره فيها والتعديلات بتقلل من الثمن ولا بتزود فيه ولا ايه بالضبط وشكرا جداااااا على المتابعه والاهتمام

[Ahmed Hassan]

أعتقد التمن ده عالي.

شوف اللينك ده

ContactCars | السيارات المستعملة

[MohamedGafar]

المهم الحالة يا جماعة ، طبعا فيه أرخص من كده بس ممكن تطلع عينه!!!

إن شاء الله ربنا يجعلها من نصيبك.

تحياتي.

[bishoy02010]

طيب رأيك ايه يا bishoyo2010 او تحديدا الرنج اللى انت شايفه لثمن العربيه دى لانك من اصحاب العلامه الجباره bmw ومن اهل الخبره فيها والتعديلات بتقلل من الثمن ولا بتزود فيه ولا ايه بالضبط وشكرا جداااااا على المتابعه والاهتمام

انا مش متأكد من التمن بالظبط بس فى اعتقادى متقلش عن 160 - 170 الف وطبعا كله على حسب الحالة اهم حاجة تكون فابريكة برة وجوة وطبعا تكشف عليها ياريت فى التوكيل
بالنسبة للتعديلات لو معمولة صح بمعنى كلمة صح ومفيش اى عك اعتقد انها مبتقللش فى تمن العربية بس اهم حاجة فى الأول والأخر تكشف عليها فى التوكيل بس هيا عاملة كام كيلو ؟؟؟

[pop]

بسم الله الرحمن الرحيم
اولا انا بشكر أ / محمد والاستاذ /احمد على اهتمامهم و مشاركتهم
اللينك ده يا ابو حميد انا بفتحه كل يوم من شهرين ومتابع العربيات الب ام اللى فيه على التحديد وكان فى عربيه 525 فتحه سقف وجنوط سبور ومن غير اى تعديلات وصاحبها كان طالب 185,000 ومعرفش الحاله ايه كمان لكن العربيه اللى بقولكو عليها انا شوفت الحاله من جوه ( الابلوه ) ومن بره (النظافه العامه قصدى مافيهاش جرح فى البويه )
الحاله ممكن توصل لحد 95 فى الميه من الزيرو طبعا انا ما شوفتش من جوه هى عامله ايه ولا كشفت عليها قصدى الشاسيه وحاله الموتور مع انى حسيته جبار (الموتور) والراجل صاحبها بيقولى انه لسه مغير المقص كان حاسس انه قرب يخلص
علشان ما طولش ان شاء الله انا هاخد العربيه واروح لواحد اسمه منصور فى جسر السويس وعلى اساس كلامه هشوف هعمل ايه وا نا حاسس انه هيقولى ان العربيه اساسيتها جامده جدا ومافيهاش اى عيب
ولا ايه رأيكو ........ ؟؟؟؟؟؟؟؟؟؟

[pop]

بسم الله الرحمن الرحيم
تسلم على مشاركتك واهتمامك هى العربيه عامله 145000 كيلو والتعديلات معموله صح ال صح ما فيهاش اى عك وانا اعتقد انى ممكن اخدها على 180000 او 185000 ومش هتزيد عن كده وطبعا لفتك محجوزه من دلوقتى وان شاء الله لو كان ليا نصيب فيها استنو منى تقرير جامد جدا بالصور ملحوظه ( انا صاحب معمل و ستوديو تصوير فوتوغرافى ) وان شاء الله انا هاخد العربيه دى بكره لمنصور وربنا يقدم اللى فيه الخير

[Ahmed Hassan]

بسم الله الرحمن الرحيم
تسلم على مشاركتك واهتمامك هى العربيه عامله 145000 كيلو والتعديلات معموله صح ال صح ما فيهاش اى عك وانا اعتقد انى ممكن اخدها على 180000 او 185000 ومش هتزيد عن كده وطبعا لفتك محجوزه من دلوقتى وان شاء الله لو كان ليا نصيب فيها استنو منى تقرير جامد جدا بالصور ملحوظه ( انا صاحب معمل و ستوديو تصوير فوتوغرافى ) وان شاء الله انا هاخد العربيه دى بكره لمنصور وربنا يقدم اللى فيه الخير

وديها التوكيل احسن و خليهم يعملولك تقرير بحالة العربيه

[pop]

التوكيل لازم تحجز قبليها بخمس ايام وبعدين مكلف شويه هيطلب حوالى من 2500 الى 3000 ومنصور ده عنده نفس الاجهزه اللى فى التوكيل ولو مش عنده الحهاز اللى بيقيس الشاسيه اكيد يعرف اى حد فى الحرفيين وان على العموم هسأل صاحب العربيه لو ممكن يستنى الخمس ايام دول علشان اكشف فى التوكيل هوديها وشكرا على النصيحه