Tweet
المفتاح اللي عندك ده القديم و مش بيشحن من الكونتاكت اللي عندك بطاريته زي أي بطارية ساعه 3 فولت و ممكن تفتح مفتاحك و تشوفها. المفتاح التاني الشكل الجديد بتاع الإي46 بطاريته بتتشحن و شبه بطارية مفتاحك لكنها أصغر شويه بسيطه و البطاريه ملحومه على البورده أما مفتاحك فلو هو زي أول صوره فالبطاريه بتتنطر أكنك بتغيرها لساعه. دي قصة تحويل من مفتاحك للمفتاح اللي الاخ bmw323 حاطت صورته أما للتحويل الي مفتاح الإي90 اللي كان طلبك الأصلي فدي القصه اللي بقولك عليها تتعمل لو عندك همه و فلوس تؤيدها لأنك هتجيب شوية قطع من بي إم و دي سعرها لا أعلمه عليك و عل توكيل. أعتقد انها هتعدي الألفين جنيه بالتأكيد.
أنا مش شغال في المواضيع دي يعني ولا عندي ورشه (احب يكون عندي ورشه طبعا..شغل القطاع الخاص في البلد ورملي....خدودي) ولم اعمل فى ورش في مصر. فما أنا إلا مهندس عاشق للبيمر دريمر الجديدر منها و القديمر.
تبديل الترانسبوندر و البطاريه سهله و حتى السن الحديد لو نطرت الغطاء البلاستيك المستطيل اللي في ظهر المفتاح هتلاقي مسمارين نجمه بمفك زي بتاع بتوع الموبايل اللي في ش عبدالعزيز تفتح المفتاح هتلاقي السن الحديد ملزوق في البلاستيك...مش كيميا يعني وممكن اي حد يعملها و لو اتزنقت ممكن اساعدك بس هاكتب انجليزي او فرانكوعراب لاني بطيء في الحروف العربي. المفتاح اللي عندي ب400 جنيه لأنه مفتاح جديد لم يبرمج و لم يكود يعني ينفع حد عندو إي46 موديل أحدث شويه من اللي بتنزل فيها مفتاحك و يكون ضيع مفتاحه تماما أو عاوز واحد زياده. في حالتك انت مش محتاج لمفاح جديد اي مفتاح مشتعمل يؤدي الغرض لان زي ما قلتلك البطاريه و الترانسبوندر و السن كلهم من مفتاحك القديم. يعني لو واحد صاحبك يديك مفتاح زياده العمليه مش هتكلفك غير مفك نجمه صغير و حبة وقت تلعب في المفاتيح.
أنا مش شغال في المواضيع دي يعني ولا عندي ورشه (احب يكون عندي ورشه طبعا..شغل القطاع الخاص في البلد ورملي....خدودي) ولم اعمل فى ورش في مصر. فما أنا إلا مهندس عاشق للبيمر دريمر الجديدر منها و القديمر.
تبديل الترانسبوندر و البطاريه سهله و حتى السن الحديد لو نطرت الغطاء البلاستيك المستطيل اللي في ظهر المفتاح هتلاقي مسمارين نجمه بمفك زي بتاع بتوع الموبايل اللي في ش عبدالعزيز تفتح المفتاح هتلاقي السن الحديد ملزوق في البلاستيك...مش كيميا يعني وممكن اي حد يعملها و لو اتزنقت ممكن اساعدك بس هاكتب انجليزي او فرانكوعراب لاني بطيء في الحروف العربي. المفتاح اللي عندي ب400 جنيه لأنه مفتاح جديد لم يبرمج و لم يكود يعني ينفع حد عندو إي46 موديل أحدث شويه من اللي بتنزل فيها مفتاحك و يكون ضيع مفتاحه تماما أو عاوز واحد زياده. في حالتك انت مش محتاج لمفاح جديد اي مفتاح مشتعمل يؤدي الغرض لان زي ما قلتلك البطاريه و الترانسبوندر و السن كلهم من مفتاحك القديم. يعني لو واحد صاحبك يديك مفتاح زياده العمليه مش هتكلفك غير مفك نجمه صغير و حبة وقت تلعب في المفاتيح.
Comment