سؤال بسيط للخبراء

[seko_66]

كنت عايز اسأل سؤال بسيط
لخبراء منتدانا واخوانى بالمنتدى
هل يوجد فلتر تكييف فى bmw e30 موديل 90

[seko_66]

ايه يا حماعة محدش يعرف ولا ايه

[speed4speed]

من قال لا اعلم فقد افتى

[N.a.j.d]

اكيد ياباشا كل عربيه فيها تكيف اكيد فيها فلتر

[seko_66]

الف شكر ليك يا استاذ astradti على ردك

[N.a.j.d]

الشكر لله ياباشا

[khalid_adel]

لو تقولنا برضه السؤال ده كان بسبب ايه او ايه اللي حصل بالظبط عشان نفيدك اكتر ان شاء الله

[demos70]

السؤال مش بسيط لأن أغلب الإي ثرتي اللي نزلت في أمريكا مفيهاش الفلتر ده حتى لو مكيفه و ملوش مكان يركب أصلا إلا لو عدلت و غيرت حبة حاجات من الأوروبي . أللي بينزل مصر مواصافات أوروبيه لكن حتى دول فيهم بينزل بدون فلتر أحيانا لأنها كانت اختياري أو أوبشن. لو موجود هتلاقيه على شمال الدرج اللي جنب السواق تحت التابلوه لو مش موجود متقلقش. الإي 34 الأمريكاني بردو كانت مكيفه و بدون الفلتر ده و الزباين كانت زمان بتشتكي من الروايح.

[seko_66]

الف شكر ليكم على الردود دى يا جماعة ومش عارف اشكركم ازاى بس هى مش بطلع روايح اكيد كده يبقى فيها فلتر

[khalid_adel]

بجد معلومه جديده مكنتش اعرفها يا demos
تسلم يا جميل على الافاده

[demos70]

الله يخليك. كان زمان المبدأ ان الفلتر بيتحط للعربيات اللي بدون تكييف لان الوسيله الوحيده للتهويه هي المروحه اللي هتدخلك هواء من بره فلازم يتفلتر أما اللي عندو تكيف فمش لازم فلتر لانه مش لازم يدخل هوا من بره اصلا موضوع ال"Air Circulation" مستحدث عشان كده في ETK لما تختار ُإي ثرتي و تدور على الفلتر مكتوب جنبه ملاحظه انه للموديلات اللي بدون تكييف و لو منزل البرتامج على جهازك لما تختار ان عندك تكييف تلاقي القطعه اختفت لانها المفروض مش نازله.
اللنك ده يوضح:
RealOEM.com . BMW E30 318i MICROFILTER

فلو عاوز تتأكد ان عربيتك فيها فلتر يبقى شوفه بعنيك و لو خايف تفك يبقى امشي ورا عربيه مطلعه دخان أو ريحه وحشه زي عربية زباله...أو أعزم صحبك على فول و طعميه و خليه يدي ظهره لعربيتك و اركب انت جواها و شغل التكييف و اتفق معاه لما تديله كلكس هو يحزق...و شوف لو الريحه هتدخل الكابينه ولا لأ.

[seko_66]

شكرا ليك كمان مرة يا استاذ demos 70 بس انا لقيت فتحة كده فى المكان اللى حضرتك وصفتوهولى وتقريبا الفلتر متشال وعاوزة فلتر لان لقيت حتة منه موجودة اشتريه وجرب اعزم واحد صحبى على فول وطعمية وقرنبيط كمان ويحزق واشوف الفلتر هيعمل ايه قصاده

[demos70]

هاهاها الفلتر لمنع الأتربه و حقيقة شكوى الناس كانت من ال"Smoke & Road debris" الغبار و الدخان والكلام ده بس انا لما كتبت روايح كان اللي جه في بالي و لما لقيتك مستعمل نفس اللفظ "مفيش روايح" و مش عاوز تبص بنفسك و أقنعت نفسك انه فيه فلتر بنوع من ال"False sense of security" فقلت أكمل القصه. لكن أهم شئ أنك تجرأت و عملت الفعل الصحيح وهو النظر بنفسك و إيدك تبقى في العربيه هتفيدك قدام. بالتوفيق

[seko_66]

الف شكر ليك يا استاذ demos 70 على النصايح الغالية دى