أسعار قطع غيار 316 الدبانه من موديل 91 الى 97

[ahmedfoud]

اولا ياجميل عيب ماتشكرنيش انا اخوك وماقدرش اتاخر عليك طول مانت محتاج حاجه الافضل تشكر صاحب الموقع انه قدر يجمعنا فى مكان واحد عشان نفيد ونستفيد
بالنسبة لموضوع كامل عن العربيه دى فانا ماعرفش فيه ولا لأ الصراحه لكن عموما معلوماتى عنها من ناحية التسارع - وانا بتكلم عن ال 316 سواء الواحد كامه او الاتنين كامه - فطبعا هايعجبك لكن ماتشدش مع عربيه كورى خفيفه عشان هايطلع منك انما بعد كده انت ممكن تبلعه والعفشه والموتور مفيش منهم شكوى ولا حتى حوض او شاسيه العربيه ولا صاجها
موضوع الكمبيوتر ده بصراحه ماعرفوش لان محدش من اصحابى اللى راكبين العربيه دى اشتكى او واجه اى مشكله مع الكنترول بتاعها
اما بقى بخصوص الميجان فاحب اقوللك هو ده السبب فى نزول سعرها بشكل غير عادى - تخيل فى ناس بتبيع العربيه دى فابريكه بره وجوه باقل من 55 الف كمان وعيبها الوحيد ان التكنولوجيا اللى فيها زيادة واللى زاد الطينه بلله توكيلها واسعاره وصدق ناس كتير لما قالو التكنولوجيا الموجوده فى العربيه دى هى اللى مخليه صباع الناس تحت ضرس التوكيل انما ااكدلك ان اول ماينتشر الشغل فيها بره هاتبدأ تمسك سعرها وتعلى تانى خصوصا انها باعت كويس وعدد العربيات اللى بيجرى منها فى الشارع بالنسبه لماركة رينو فى مصر مش قليل والخلاصه انها سيارة اخرى من السيارات المحترمه التى ظلمها السوق وثقافة المستهلك وتوكيلها

الاخ الفاضل m000dy واضح من مداخلاتك ان حضرتك انسان محترم و الواحد يتشرف انه يناقشك او يزيد الشرف لصداقتك
مبدئيا انا تقريبا نفس حكايتك و انت بتتكلم كأنك بتتكلم بلساني ... مع الفارق ... انا ناوي ان شاء الله انزل مصر في الصيف القادم و اشتري دبانه او برغوت الي هلاقيه ههههه و بما اني بعيد شويه عن سوق العربيات في مصر فممكن اخليك تساعدني و امري لله هههه
علي فكره هدفي من التعليق دا اني اكلمك و بس

[reemnabel]

السلام عليكم ورحمه الله وبركاته
اولا انا من التمبروايه يعنى معايه عربيه تمبرا والعربيه بسم الله مشاء الله عليها معليهاش كلام
بس مشكلتها ا ن مافيهاش تكيف وبما ان دى اول عربيه امتلكها فا اتعلمت منها كتير بجد العربيه حماله قسيه والله
بس هغيرها السنه دى خلاص وبما انى هغيرها ففكرت فى كذا اختيار كان الانسر الكرستاله وبعدين الاسكودا اكتافيا وعلى راس الاختيارات كانت ال بى ام ودى حبيبتى من زمان انا كل ما كنت اشوفها معديه قدامى اقول اسنحاله اساسا هايجى اليوم ال اركبها كنت بحسها بتاعت مستوى تانى يعنى محتاجه فيلا بقه بحمام سباحه عشان تركن العربيه قدام الفيلا والكل طبعا رعبنى من اسعار قطع الغيار واستهلاك البنزين وان مالهاش حد بيفهم فى تصليحها غير فى الحرفين او تسلم امرك لله وتروح التوكيل
فا لما شفت الرابط بتاعكم وشفت الاسعار لقيتها معقوله مش مبالغ فيها اوى
فا على سبيل المثال المساحات عندى ب 110 والدسك والاسطوانه 450 وكبالن 150 فوانيس اماميه استيراد 300 دى اسعار بعض قطع الغيار فى العربيه التمبر ا واعتقد انها مش بعيده اوى عن العربيا ت الحديثه
حبيت بس اعرف شويه حاجات كده عن العربيه
يعنى المانيول بتاعها افضل و لا الاتوماتك من حيث استهلاك البنزين
والدسك والاسطوانه سعرهم تقريبا كام لا ان لو مانيول بيبقه فى تحميل على الدسك والاسطوانه عندى لا ان العريبه مجهزه
وانا عانيت فى الموضع ده فى العربيه التمبرا كل سنه بغير دسك واسطوانه لا ان التجهيزه ال بتتحط فى العربيه بتحمل عليهم
بس انا اعتقد ان سواقه المانيول اجمل كتير وممتعه عن الاوتوماتك وامكانيات العربيه بتكون احسن فا لو سعر الدسك والاسطوانه مناسب هتبقه مانيول ان شا الله
وكمان سمعت ان قطع الغيار بتاعتها لما بتبوظ وتتغير بتنسها خلاص يعنى ما تحتاجش كل فتره تراجع عليها
فلو هصرف عليها 1000 جنيه مره وانسها احسن ما كل يوم عند مكانيكى شكل ومره 60 فى 100 واعطال متكرره
وتقريبا تفويله التانك بتكون كا م يعنى انا عندى 110 بتفول التانك بنزين 90
العربيه ال قدامى اسمها الدبانه بس مش عارفه سنه كام
اسفه على الاطاله وجزاكم الله خيرا على تعبكم

[egytamer]

موضوع ممتاز الصراحة والبي ام حلم كل الشباب عربية تحس انها حاية من كوكب تاني.

[emmer]

اخواني واحبائي فى الله كم يسعدني ان ارى نجاح الموضوع على يد الاخ m000dy المحترم اتمنى ان يكون متذكرني ويجب ان اشيد بمجهودة الرئع فى الارتقاء بموضوعه وبأهتمامة الكبير بأستفسارات اعضائة وفتحة لموضوع يشغل بال الكثير منا وكان واجب علينا شكرة مع تمنياتي لة بدوام التوفيق

سبحان الله وبحمدة سبحان الله العظيم
اللهم اغفر للمؤمنين والمؤمنات الاحياء منهم والاموات

[reemnabel]

هو محدش شاف الاسئله بتاعتى خالص انا بقالى كا م يوم ادور ادخل ادور يمكن حد يكون رد عليه
اتمنى حد يهتم ويجاوبنى

[TheBuccaneer]

هو محدش شاف الاسئله بتاعتى خالص انا بقالى كا م يوم ادور ادخل ادور يمكن حد يكون رد عليه
اتمنى حد يهتم ويجاوبنى

السلام عليكم. معلش يا بوب إن لم يتحاوب معك أية شخص. بالنسلبه للسياره هل مانيوال أو اتوماتيك. على حسب, إنت بتعشق الجرى يبقى المانيوال غير ذلك و مخنوق من زحام البلد يبقى أتوماتيل, أنت لك فى اللعب بالسياره و الأمريكانى و الدريفت إلخ... اكيد المانيوال

بالنسبه لطقم الديسك و الأسطوانه هناك أنواع عده لكن التكلفه هتكون ديسك + أسطوانه + بليه ب 1150 جنيه (جديد), طبع هناك انواع يتعدى سعرها هذا السعر. تمام

استهلاك البنزبن و الله أنا سمعت أرقام من كثيره و لن تفرق طبعا استهلاك البنزين من مانيوال لأتوماتيك كثيرا إلا فى حالة إنك هتلعب كثير بالسياره بتدوس كيك دوان كثير إنما الأستهلاك الطبيعى بين ال 2 هيكون متقارب جدا إلى حد إنه لا يوجد فرق. أنا سعمت شخص معه 325 أسود بيقول استهلاكه 205 كم فى الصفيحه, تقريبا مانيوال. لكن موضوع الأستهلاك للأمانه لن يقدر يفيدك فيه شخص لأنه مختلف من حالة و من شخص و من سياره لأخرى.

قطع الغيار معمره ما شاء الله لا تشغل بالك من هذه الناحيه. التانك لل e36 "الدبانه" بيكون 60 لتر. 60 * ثمن سعر اللتر "على حسب أن هتمون 90 و لا 92 "

تمام يا باشا.

[reemnabel]

السلام عليكم. معلش يا بوب إن لم يتحاوب معك أية شخص. بالنسلبه للسياره هل مانيوال أو اتوماتيك. على حسب, إنت بتعشق الجرى يبقى المانيوال غير ذلك و مخنوق من زحام البلد يبقى أتوماتيل, أنت لك فى اللعب بالسياره و الأمريكانى و الدريفت إلخ... اكيد المانيوال

بالنسبه لطقم الديسك و الأسطوانه هناك أنواع عده لكن التكلفه هتكون ديسك + أسطوانه + بليه ب 1150 جنيه (جديد), طبع هناك انواع يتعدى سعرها هذا السعر. تمام

استهلاك البنزبن و الله أنا سمعت أرقام من كثيره و لن تفرق طبعا استهلاك البنزين من مانيوال لأتوماتيك كثيرا إلا فى حالة إنك هتلعب كثير بالسياره بتدوس كيك دوان كثير إنما الأستهلاك الطبيعى بين ال 2 هيكون متقارب جدا إلى حد إنه لا يوجد فرق. أنا سعمت شخص معه 325 أسود بيقول استهلاكه 205 كم فى الصفيحه, تقريبا مانيوال. لكن موضوع الأستهلاك للأمانه لن يقدر يفيدك فيه شخص لأنه مختلف من حالة و من شخص و من سياره لأخرى.

قطع الغيار معمره ما شاء الله لا تشغل بالك من هذه الناحيه. التانك لل e36 "الدبانه" بيكون 60 لتر. 60 * ثمن سعر اللتر "على حسب أن هتمون 90 و لا 92 "

تمام يا باشا.

اشكرك على الرد كده تمام اوى ان شا الله هعمل برضو عمليه بحث كده بين الناس ال معاها العربيه واشوف عيوبها واماكن صيانتها فين وربنا يسهل ان شا الله وابقه من اصحاب ال بى ام يارب واشكرك على الرد مره تانيه

[TheBuccaneer]

اشكرك على الرد كده تمام اوى ان شا الله هعمل برضو عمليه بحث كده بين الناس ال معاها العربيه واشوف عيوبها واماكن صيانتها فين وربنا يسهل ان شا الله وابقه من اصحاب ال بى ام يارب واشكرك على الرد مره تانيه

السلام عليكم. لا شكر على واجب :). أنا معى e36 بالمناسبه و السعر الذى كتبته لك بخصوص الديسك و الأسطوانه و البليه أنا كنت سألت منذ أسبوعين عليه. بالنسبه للعيوب السياره ليس بها عيوب شائعه غير عيب وحيد و هو إن ال e36 بتشرخ من البطاحات الخلفيه للسياره و هو شىء لا يعلمه الكثير من الناس. أماكن الصيانه الحرفيين مليئه بميكانيكية البى أم دبليو و تجار قطع الغيار الجديده و الأستيراد. و أن شاء الله تكون من أصحاب البى أم دبليو.

[reemnabel]

السلام عليكم. لا شكر على واجب :). أنا معى e36 بالمناسبه و السعر الذى كتبته لك بخصوص الديسك و الأسطوانه و البليه أنا كنت سألت منذ أسبوعين عليه. بالنسبه للعيوب السياره ليس بها عيوب شائعه غير عيب وحيد و هو إن ال e36 بتشرخ من البطاحات الخلفيه للسياره و هو شىء لا يعلمه الكثير من الناس. أماكن الصيانه الحرفيين مليئه بميكانيكية البى أم دبليو و تجار قطع الغيار الجديده و الأستيراد. و أن شاء الله تكون من أصحاب البى أم دبليو.

اعتقد ان سعر البطاحات 300 وده سعر معقول اعتقد بس المشكله الرئيسيه هى ان الصيانه هتبقه فى الحرفين وخصوصا ان مش من سكان القاهر ه بس محلوله ان شا الله كله يهون ونبقه من اصحاب البى ام

[omneya88]

يا جماعة هى فين الاسعار دى اللى انتوا كتبنها و كمان فين الحرفين عشان خبرتى ضعيفة شوية انا لسة جايبة طرمبة بنزين جديدة ب 750 لو ممكن تقولو لى ممكن اروح لمين واية المكانيكيا الكويسة انا عربيتى 316 موديل 93

[TheBuccaneer]

يا جماعة هى فين الاسعار دى اللى انتوا كتبنها و كمان فين الحرفين عشان خبرتى ضعيفة شوية انا لسة جايبة طرمبة بنزين جديدة ب 750 لو ممكن تقولو لى ممكن اروح لمين واية المكانيكيا الكويسة انا عربيتى 316 موديل 93

السلام عليكم. ممكن نعرف على الأقل حضرتك من أية منطقه حتى نقدر نفيدك ازاى تروحى الحرفيين؟

[TheBuccaneer]

اعتقد ان سعر البطاحات 300 وده سعر معقول اعتقد بس المشكله الرئيسيه هى ان الصيانه هتبقه فى الحرفين وخصوصا ان مش من سكان القاهر ه بس محلوله ان شا الله كله يهون ونبقه من اصحاب البى ام

هناك نوعين النوع الأصلى لل e36 و تقريبا بيكون كاوتش و هناك نوع لل e46 و هو ألمونيوم و أفضل طبعا لأنه مش بيتأكل مثل الكاوتش. البطاحات " أو العاليات التى توضع فوق المساعدين الأماميه" لل e36 ب 300 و قد تجدها بأقل 50 - 100 جنيه و لل e46 هتكون ب 500 جنيه و قد تجدها بأقل فى حدود 50 - 100 جنيه أيضا أنا أخر مره سألت على بطاحات ال e46 كانت منذ أسبوعين تقريبا و كانت ب 500 جنيه مثل ما ذكرت.

[TheBuccaneer]

فتيس اتوماتيك (فيشة كبيره) لل e36 ب 3500 جنيه.
فتيس أتوماتيك (فيشة صغيره) لل e36 ب 2000 جنيه.
2 فانوس إشاره أمامى ب 90 جنيه.
2 فانوس أمامى بدون إشاره ب 500 جنيه
-------------------------------------------------------
فتيس أتوماتيك لل e46 ب 5000 جنيه.
فتيس استيبترونيك ب 5000 جنيه.
-------------------------------------------------------
أسعار قطع ال e36 m3
اكصدام أمامى ب 1500 جنيه
اكصدام خلفى ب 1000 جنيه
طقم باكتات جانبيه ب 1000 جنيه
طقم عتب ب 1000 جنيه
عجلة قياده ال e36 m3 + الأيرباج ب 1500 - 2000 جنيه
هوايات جانبيه ب 1000 جنيه "الهوايات المفترض إنها لم تكن بال e36 m3 لكن تم وضعها بداية من ال e46 m3"
مرايات فولدنج تويست (تايوانى) ب 1850 جنيه

[omneya88]

انا ساكنة فى المعادى القاهرة لو ممكن بس حضرتك تقولى المنطقة دى فين ابقى مشكورة جدا

[TheBuccaneer]

انا ساكنة فى المعادى القاهرة لو ممكن بس حضرتك تقولى المنطقة دى فين ابقى مشكورة جدا

السلام عليكم.

أنت هتأخذى الدائرى إلى " نفق موقف العاشر" تمام بعد النفق مباشرة ب 100 - 150 متر هتجدى منزل جهة اليمين "اول منزل جهة اليمين" هتأخذى هذا المنزل و تكلمى هتجدى شبه ميدان و الدائرى فوق على شمالك و بالأسفل موقف سيارات أجره امامك " المنطقه التى أنتى بها الأن اسمها السلام" هتأخذى اول شمال يقابلك هتجدى فيه سيارات بتدخل يمين و اخرى شمال لفى بالسياره شمال و تفضلى مشايه هتجد مطب كبير كملى عالطول, أنت كده فى الحرفيين, هتجد اخر الشارع متجه إجبارى شمال لفى شمال ثم هتجدى شارع كبير جهة اليمين ادخلى الشارع ده و هتجدى ورشة سكمره كبيره إلى جانبك إسمها "سمير على" و هتجدى محلات قطع غيار البى إم دبليو كثيره على الجانب الأيمن. هل أنت تعرفى ميكانيكى هناك؟ و لا تحبى ادلك على شخص أنا بتعامل معه و هو للأمانه ممتاز جدا و أمين, إذا كنت تحبى ارسل لك اسمه و رقمه على الخاص. و هسيهل عليكى كثير عملية البحث و الشراء و خلافه إذا اردت طبعا. لو هناك اية استفسار بالنسبه لوصف الطريق قولى لى أنت كده وقفتى لحد فين فى الوصف :).