Peugeot - 307 2007

[Mohamed.Ramah]

السلام عليكم ورحكة الله

دى اول مشاركة ليا فى قسم البيجو انا كنت عاوز اشترى عربية مستعملة واتعرضت عليا وانا بدور البيجو والصراحة انا مليش احتكاك بيها ومعرفش قطع غيارها وعاوز اعرف شوية معلومات عن Peugeot - 307 2007


العربية اتعرضت عليا ب77.000
العربية استيبترونك كاملة

وانا كنت عاوز اعرف شوية حجات عنها :

اولا اسعار قطع الغيار
اداء العربية السحب والجرى والفرامل والثبات
العربية بشكل عام بعد الاستخدام عيوبها ومشاكلها

ارجوا الرد عليا فى الموضوع دة ضرورى

[waleedabbas]

اكشف على العربية فى التوكيل او فى اى مركز صيانة معتمد ده اهم حاجة
لكن بالنسبة لقطع الغيار واسعارها يفيدك احسن واحد راكب العربية لكن عموما هى قطع الغيار متوسطة مش غالية اوى ومش رخيصة لكن قيمتها فيها على اد تمنها معمرة
اما بالنسبة لاداء العربية والسحب والفرامل والثبات دى 10 على 10 دى اهم كيزات فيها وفى البيجو عموما لان فيها كل عوامل الامان ال موجودة فى الفئة دى من العربيات
ان شاء الله الاخوة هنا هيفيدوك اكتر

وربنا يوفقك ان شاء الله

[Mohamed.Ramah]

شكرا ياوليد على المشاركة

[Mohamed.Ramah]

اية ياجماعة محدش يعرف حاجة السؤال صعب للدرجة دى

[waleedabbas]

هو تقريبا مفيش حد كتير راكب العربية دى هنا انت هاتتعب شوية بقى وتنزل تسال على قطع الغيار فى شارع دمشق وفى الحرفيين لو عايز تسال على الاستيراد ولوعايز حد يفيدك وعنده ضمير بجد خد العربية للمهندس صلاح فى مركز خدمة الزيتون وهو هيقولك على حالة العربية بامانة وكمان هيفيدك فى مشاكل ال 307 بامانة
ده اللينك بتاع مراكز الخدمة والمهندس صلاح فى مركز خدمة الزيتون
PEUGEOT – CDC WAGIH ABAZA
وربنا يوفقك ان شاء الله

[د.محمود صلاح]

صحيح المعلومات عن العربية دى فى هذا القسم قليلة جدا

[hamadaelrewsh2010]

بص انا واحد اعرفو معاه ال307 موديل 2007 بص هيا قطع غيارها غاليه ببس مش قوى يعني اناصاحبي ده مغير البوجيهات بس 240 جنيه والكوبلن الشمالكان عايز يطظبط بعد ماظبطو لقا الكوبلن اليمين بيطقطق وعاملو ودلوقتي بسم الله ماشاء الله العربيه تمام وعلي فكره العربيه دي سحبها مالوش حل بصراحة والفرامل بتاعتها جامده جدا abs وفيها 4 ايرباك وبطاريتين واحده علشان الكاسيت والتانيه علشان العربيه عادي والعربيه الاستيبلتي بتاعها تقيل جدا علي الارض عكس ال 307 cc الكابورليه انا ركبت دي وركبت دي ال307تقيله وعربيه جامده لكن ال307 cc كابورليه شكل بس لكن مش سابته علي الطريق خالص والسعر اللي معروض فيها ده انا مش عارف اقولك ايه بصراحة غير روح واكشف عليها لان الواد صحبي ده جايبها ب85 الف كاملة فاتحة سقف وجنوط وسينسور واسبويلر فأكشف عليها اضمن وربنا يوفقق ولو عاوز اي حاجه تسأل عنها تاني ابعتيلي بس

[ahmed_khalil]

بالنسبه للسعر هى رشه بره ولا لاء ؟؟؟ و عامله كام كيلو؟؟؟ ممكن حضرتك توديها احمد عماره تعمل الكشف بس انا واحد صاحبى لسه شارى واحده ب 85000 كامله 2007 كانت عامله 75000 كيلو و قالى ان واحد فى احمد عماره قالو اوعى تجيب واحجه راشه بره مش عارف ليه

[Mohamed.Ramah]

شكرا ياجماعة على مشاركتم وانا فعلا روحت اكشف لاقيتها راشة جوة وصرفت نظر عنها

[ahmed_khalil]

شكرا ياجماعة على مشاركتم وانا فعلا روحت اكشف لاقيتها راشة جوة وصرفت نظر عنها

جوه جوه يا ساتر

[Mohamed.Ramah]

راشة دواخل معلش الصيام بقى كل سنة وانت طيب

[ahmed_khalil]

راشة دواخل معلش الصيام بقى كل سنة وانت طيب :c_laugh[1]:

لأ يا باشا مش باعترض على الكلمه انا باستغرب انها رشه جوه و الراجل ماتكلمش صاحب العربيه ده غير انها 2007 و رشه يا ساتر
كل سنه و حضرتك طيب و السنه الجايه تبقى على جبل عرفات ان شاء الله

[Mohamed.Ramah]

انا فعلا اتصدمت لانوا قالى راشة بعض اجزاء من الخارج حتى هو استغرب ممكن يكون ميعرفش او مكشفش عليها من اللى كان مديهالة شكلة مش اول مالك ليها وحضرتك طيب ونكون انا وحضرتك ان شاء الله على جبل عرفات

[stone2008]

في واحد على cars عارض 307 موديل 2005 ب58 ألف بس ماشية 120 ألف كيلو..
دي ممكن يكون فيها مشاكل ولا ايه؟؟؟؟؟

[ahmed_khalil]

لازم تعرف هيا راشه ولا لأ و استعمالها كان عامل ازاى و محتاجه مصاريف ولا لأ