زيارة لأشرفكو

[amrfox2002eg]

توجهت أمس الجمعة لأشرفكو للإطارات والبطاريات فرع إمبابة وهو في ش الطيار فكرى خلف مستشفى حميات إمبابة علشان اضبط طقم الكاوتش أو بمعنى أصح اكوتش(على وزن اجنط)لأن الكاوتشات عندي كانت بايظة خالص المهم سألته الأول على السعر والنوع وبصراحة قالي على اللى انا عاوزه وقالى جرب تركب كاوتشين بس انا قلت أروح وأجيله بعد شويت علشان يشوف العربية كلها ويتمم على الكاوتشات وانا عارف إن انا هاغير الأربعة مرة واحدة وعملت حسابي على كده واخدت الفلوس كلها وصلت حوالي الساعة 6 مساء لاقيته شغال في عربيتين 128 بتغير طقم الكاوتش والجنوط بس بصراحة كان شكلها قبل الجنوط جميل وبعد ما اتجنطتت واتكوكشت بقت تحفة ربنا يبارك لصاحبها فيها المهم انا استنيت لما خلص العربيتين خالص وابتدى في عربيتى العزيزة ال 305 والراجل كان ذوق جدا جاب حاجة ساقعة وبعديها شاى واعتقد في اليومين اللى احنا فيه ده الحاجات ديه مش بتحصل كتير وكل شوية وهو شغال في العربيتين اللى قبليا يعتذر عن التأخير المهم اخدت في عربيتى حوالي ساعة ظبطت الكواتشات على الجنوط وظبطلى الفردة الاستبن وكله بقى تمام الحمد لله وملخص الزيارة
اسم المحل : أشرفكو للإطارات والبطاريات فرع إمبابة
العنوان : ش الطيار فكرى – خلف مستشفى حميات إمبابة – الجيزة
مواعيد العمل : تقريبا من الساعة 12 الظهر وحتى 12 بالليل
الأجازة الأسبوعية : فرع إمبابة الأحد – فرع المطرية الجمعة
أسماء العاملين بالمحل : استاذ عمرو – استاذ اسامه – الاستاذ الصغير : محمد
التعامل : احترافى – محترم – على درجة عالية من الجودة
الاسعار : بالنسبة للكاوتش بتاعى مقاس 14 / 175 / 65 وهو المقاس الافتراضى للبيجو ال 305 نوعه جى تى اندونيسى إنتاج 2009 الأربعة كاوتشات ب 1080 جنيه شامل التركيب والترصيص وملئ النيتروجين
وبالنسبة للجنوط ال 3 خرم للبيجو ال 305 من 900 جنيه الى 1200 جنيه وهو عنده حوالي 3 اشكال ليه

[waleedabbas]

ايه ده هو عنده جنوط 3 خرم بس يا ترى الجنوط دى تنفع 104 ولا ال 305 مختلف؟

[amrfox2002eg]

اه عنده جنوط 3 خرم ياباشا وعلى العموم اديك رقم التليفون بالليل بتاع استاذ عمرو وهو المسئول هناك وتسأله بنفسك ينفع ولا ايه هاكتبهولك بالليل لما اروح من الشغل

[Nour_Peugeot]

اشرفكو فعلا محترم جدا جدا و انا بتعامل معا فرع مدينه نصر

[fox4]

دا قدام البيت عندنا
وهو فعلا شغله نضيف اوى ومحترم جدا دا حتى بيشغل بتاع الكاوتش الى جامبة

[zaza_lanos]

الف مبروك

[waleedabbas]

اه عنده جنوط 3 خرم ياباشا وعلى العموم اديك رقم التليفون بالليل بتاع استاذ عمرو وهو المسئول هناك وتسأله بنفسك ينفع ولا ايه هاكتبهولك بالليل لما اروح من الشغل

الف شكر يا باشا

[the-hero]

موضوع هايل ألف شكر

[amrfox2002eg]

موضوع هايل ألف شكر

شكر على ايه ياباشا ده اللى المفروض يتعمل فبتقارير الزيارات المخلتفة من الأعضاء تعم الفائدة للى هايزور فعلا والعملية مش بتاخد 10 دقايق علشان اكتب التقرير وبس وده جزء من النشاط اللى باحلم بيه فى قسمنا العزيز

[hesham_shousha]

الجديد ان عنده الجنط الثلاثه خرم - دول نادرين فى السوق

[MaZaGAngeE]

اشرفكو فعلا محترم جدا جدا و انا بتعامل معا فرع مدينه نصر

مكانه فين يا باشا ؟

[kasten]

اشهر من النار على العلم

[bishoo33]

وايه أخبار حميات امبابة وانفلونزا الخنازيرهناك
معلش انا من اسكندريه وتكررت فى الأيام الأخيرة حميات امبابه فى وسائل الأعلام
عالعموم مبروك عليك

[amrfox2002eg]

الاستاذ waleedabbas اسف على التاخير واهى نمرة تليفون استاذ عمرو علشان تسأله براحتك 0166377505

[waleedabbas]

استاذ عمرو ولا يهمك يا باشا والف شكر بجد :)