الحمد لله غيرت نص العافشه وباقي النص التاني305

[ashraf4280]

امبارح غيرت المساعدين الخلفية وكمان السست
جبت 2 مساعدين فرنساوي عملوا 450
وسستتين عملوا 170 جنيه
بس سست الفيات 32 الاماميه هي اللي ركبتها ورا
ودي كانت نصيحه بتاع العافشة
والعربية بقت تمام من الخلف
وبتاع العافشة خد 40 جنيه
فاضل المساعدين والسست اللي قدام وتبقي العربية تمام
الاسبوع اللي جاي انشاء الله اكون جهزت بقيت الميزانية

[husseinoo]

السلام عليكم ورحمة الله وبركاته
مبروك

طيب المساعدين والسوست اللى انت اشتريتها
تنفع تركب للبيجو 504
وماركتهم ايه
حضرتك قلت فرنساوى
هل هم اصلى فعلا .. ولا حضرتك موش متأكد
طيب الراجل بتاع العفشة لما شافهم قال ايه عليهم

شكرا لحضرتك لأنك وفرت علينا السؤال مرة ثانية على الأسعار ... لأن دى اهم حاجة تهمنا كلنا خصوصا فى الغلاء اللى احنا فيه


فى الإنتظار
مع اطيب التمنيات
اخوكم حسين غزالة

[ashraf4280]

مش عارف تركب لل504 ولا لا
بس ممكن اسالك اذا كان عنده مساعدين 504 ولا لا
اما هما اصليين ولا لا بتاع العفشة قالي انهم كويسين
ومحفور بلد المنشا
والتاجر اللي جبتهم منه راجل محترم

[husseinoo]

مش عارف تركب لل504 ولا لا
بس ممكن اسالك اذا كان عنده مساعدين 504 ولا لا
اما هما اصليين ولا لا بتاع العفشة قالي انهم كويسين
ومحفور بلد المنشا
والتاجر اللي جبتهم منه راجل محترم

هو طبعا ما دام الاسم محفور "فدى علامةجيدة"
معلهش الواحد اليومين دون يشك فى اى حاجة
بس تقدر تقول ان الواحد مسير موش مخير

لدرجة ان فيه ناس كتيير تفضل الاحتفاظ بالمساعد الاصلى و إصلاحه
اكتر من انهم يشتروا الجديد خوفا من انه مايطلعش اصلى

الناس طبعا معذورة لان بصراحة موضوع حماية المستهلك من البضائع المغشوشة صعب قوى على المواطن البسيط انه يميز بين الاصلى والمضروب

ممكن الناس الخبرة تفيد فى الموضوع ده برفع صور لقطع غيار اصلية عشان الناس تتعرف عليه

اخيرا شكرا لحضرتك سرعة الرد
وبنا يسهل ويبارك لحضرتك فى السيارة
ويحفظها لك وتكون آخر المصاريف إن شاء الله

مع أطيب التمنيات
اخوكم حسين غزالة

[the-hero]

الله يبارك لك ويكفيك شر الطرق والمطبات

[amrfox2002eg]

الف مبروك ياباشا وعقبال ما تكل باقى العربية وشكرا جدا على الاسعار كمان بس انا اسف يا رين تكمل باقى الافادة وتقولنا على مكان التاجر ومكان العفشجى خصوصا وانه كان فيه زميل بيسأل على بتاع عفشة 305 ضرورى والف شكر على تقرير الزيارة ربنا يزود من تقارير الزيارات

[karim fathy]

الف مبروك وعقبال ما تغير النص التانى

[ashraf4280]

هو محل اسمه الشهيد
في شارع مؤسسة الزكاة
متفرع من عزبة النخل

[lada2010]

هو فين العفشجى دا

[yoozrnem]

الف مبروك يا استاذ اشرف على تغير النصف الاول من العفشه وربنا يباركلك فيها ويحفظك وعقبال النصف التانى واشكر الاستاذ amrfox على تكرار السؤال على بتاع العفشه اللى انته عملت عنده علشان انا اللى كنت بسال على العفشجى وشكر لباقى الاعضاء اخوتنا

[semsem_inside]

ألف مبروك يا باشا
بس كنت عايز أعرف الحاجات اللى انت اشتريتها دى جديدة ولا استيراد

[drmahmoud123]

شكرا على الافادة
لكن ايه هيا اخبار 305 معاك زميلي عايز يشتري واحدة وناس كتير مخوفاه منها فايه رايك؟؟
وايه هيا اسعارها الان؟؟

[tax20335]

مشكوووووور والله يعطيك الف عافيه