سؤال فى كماليات البيجو 405

[mohshahat]

الأخوه الأفاضل ... تحياتى لكم جميعآ

أرجو الأفاده فى الأتى :

1- عايز أركب ماكينة زجاج كهرباء أمامى علشان اللى عندى مانيوال ... تتكلف كام فى البابين بالتركيب ومنين أجيبهم ..
2- عايز أغير الأكصدامات الخفلى والأمامى علشان حالتهم مش ولابد ... تقريبآ يتكلفوا كام واجيبهم منين

العربيه ممتازه وبعدين فى حد حاول يركب كاوتش عريض مقاس 195 /70/14 بدل 175 /70/14

أرجو الأفاده .. وشكرآ

[kareem_Ashmawy]

السلام عليكم....
انا اسف مش هقدر افيد حضرتك الا فى موضوع مكنة الزجاج ده
هو أنا اللى عندى كانت باظت وركبت بدلها واحدة مستعملة تويتا من عند الكهربائى بتاعى
اخدتها بــ175ج

بس مش عارف بأه جديدة بكام
بس عامة يستحسن تركب مكن يابانى لأنه أرخص من الأصلى و برده شغال كويس

[mohshahat]

شكرآ على ردك يا استاذ كريم وارجو من الاخوه الافاضل يفيدونا بخبراتهم

[Tamer_Merit]

والله ياباشا انا كان عندي عربيه خليجي موديل 94 الازاز اللي قدام مانيوال وعلشان اقلبهم كهرباء رحت اشتريت مكنتين استعمال بتوع نفس العربيه ومعاهم ضفيرة الكهرباء الخاصه بيهم وكمان حاجه مهمه جدا وهي فرشين البابين الامامي نفس لون باقي الفرش وفيهم طبعا زراير الزجاج . وركبو على طول بدون اي تعديل حتى الضفيره كان معمول حسابها في العربيه وواصله لحد الباب الكهربائي بس ركب الفيش واشتغلو معايا ثلاث سنين لحد ما بعت العربيه كويس جدا وما كانش فيهم اي مشكله وطبعا ما كانش باين ابدا انهم متعدلين حتى لما اتباعت.. ووقتها دفعت فرق بينهم وبين المكن العادي بتاعي وفرش الابواب 600 جنيه.. وفيه حل تاني لومش عايز تغير فرش البابين ممكن تغير المخدعين بس ويكون فيهم الزراير الكهرباء . والفرش اما انك تركبله طبه بلاستيك سوداء تغطي مكان الاكره (وده مش مفضل ) او ان حضرتك تروح للسروجي وتغطي الاربع ابواب من جوه بالجلد الاسود (الباب ب25 جنيه ) وكده مش هيبان مكان الاكره ولا انها متعدله وممكن تغرم شويه كمان وتجيب فرش جلد للكراسي كمان . وعلى فكره فيه عربيات بتنزل كده اصلا الفرش والابواب جلد اسود . ومتهيألي كده هيكون احسن كتير من انك تركب مكن مش بتاعها ومتعدل واللي هتدفعه هتلاقيه في البيع ومش هتغش حد ممكن تقول انها متعدله بس زي الاصلي تمام بدون عيوب ولا تعديل في الضفيره ..أخر حاجه خد بالك فيه زجاج باب ساءق عادي وفيه اوتو ( بيطلع وينزل تاتش مش لازم تفضل دايس على الزرار ) والتاتش مختلف عن العادي في الضفيره والزرار وبيكون راكب له جهاز في فرش الباب من جوه وطبعا اغلى شويه .. بس اللي انا ركبتهم كانو عادي مش اوتو ( ما كنتش اعرف ) بس عموما هي خاصيه مش مهمه اوي (دلوقتي معايا برستيج فيها زجاج اوتو ) .......... يا ريت اكون قدرت افيدك وربنا يوفقك .