405 في الزقازيق

[cute]

السلام عليكم ورحمة الله وبركاته

كل سنه وانتم طيبين جميعا .. وبجد انا سعيد جدا لوجودي ضمن عائلة بيجو الرائعة واللي بتضم كوكبة ممتازه واعضاء ماشاء الله عليكم كلكم

انا معايا بيجو 405 روا 2007 والحمد لله العربيه بعد 6 شهور من الاستخدام اثبتت معايا كفاءة فوق الوصف رغم انه فيه كتير خوفوني منها بس للاسف العربيه خيبت ظنهم كلهم واثبتت انها سيارة جبااااارة فعلا .. يكفي انه اخر حاجه عملت بيها حادثه من اسبوعين على طريق القاهرة السويس وانحرفت عن الطريق اللي بيرتفع عن سطح الارض حوالي متر ونص وخبطت في حجر كبير على الارض وزحفت بيا حوالي 50 متر لاني كنت مقفل العداد تقريبا والمساعد الامامي يمين اتكسر والعربيه وقفت ثابته على الارض والماتور شغاااااااااااااااااااااااااااال وكان شيئا لم يكن

المهم .. انا حاليا عايز بقى اصرف على العربيه دي شوية لاني كنت مهملها جامد قبل كده لخوفي منها لكن دلوقتي اثبتت انه تستحق التقدير والاحترام علشان كده عايز لو فيه حد من الزقازيق يدلني على حد بيبيع اكسسوارات للعربيه يعني مثلا عايز :
1 - سبويلر ... ياترى فين وبكام ؟
2 - عايز العلامه بتاعت بيجو اللي بتركب على الشنطة
3 - بفكر اغير الجنوط ال13 واركب 14 فهل فيه امكانيه اني ابيع ال13 وادفع فرق واركب 14 وياترى الفرق ممكن يكون في حدود كام ؟
4 - عايز اغير الشبكة الامامية لاني شوفت اشكال شيك جدا بس للاسف مش عارف موجوده فين وهل ممكن اركب الشبكة بتاعت البارس .. والاقيها فين ؟؟
5 - شوفت من كام يوم واحد مغير الفبرة البلاستيك اللي ورا بين الكشافين وبدل ماهي لونها اسود مركب واحده عباره عن زجاج بلاستك زي بتاع الكشاف الخلفي بلون احمر فوق وبرتقالي من تحت ... ياترى دي الاقيها فين وبكام ؟؟

لو حد عنده اقتراحات تانيه ياريت يقولي .. اخوكم لسه بيقول ياهادي في عالم البيجو

[the-hero]

اول حاجة حمدلله على السلامة وفداك الف عربية المهم انت تكون بخير وقدر الله وماشاء فعل
تانيا اهلاوسهلا بيك وسط اخوات فى المنتدى ونور المنتدى وكل عام وانت بالف خير واكيد احنا كمان هنكون سعداء بمعرفة حضرتك وهنكسب شخص جديد فاضل
اخوك احمد عبدالفتاح والمفاجاة من الزقازيق عندك
ليا تعليق صغير عن العنوان
لان العربية دية مش 405 خالص ولا بيجو
اسمها روا ايرانى انتاج ايران خودرو بماتور انجليزى ذات دفع خلفى ولتشابها فى الشكل الخارجى فقط بال 405 الشكل القديم. وجية اباظا استغل النقطة دية ونزلها على سمعة ال 405 وعلى حساب توكيل بيجو وركب عليها كمان بيجو
وادبس بكدا فى صفقة مشبوها فيها خداع جامد لاغلب الناس
زيها زى البارس برضة
يعنى الروا والبارص لاينتمو لل405 الفرنساوى غير بشاسية وصالون فقط
المهم العربيات ديه اثبتت كفائة لدى مالكيها فى السوق وطبعا فيها مميزات برضوا بس طبعا مش زى ال 405 الفرنساوى المعروفة
انا بس حبت اوضح النقطة دية عشان كل الناس فكراها 405
نيجى بقى للمهم
1. اللسبويلر ممكن تركب بتاع ال mi16 وموجود بالزقازيق ويعمل فى رنج 150-200 ج
2. اسد بيجو الكبير من عند الزعيم او اى حد مشهور بتاع كماليات
3. بالنسبة للجنوط كويسه بكاوتش هيكلفوك 3000 ج وبتاع الكاوتش ممكن ياخد القدام ب500 ج بس احسلك متبعهمش
4. الشبكة الما مية الجديدة الايرانى ب 130 ج وفيها اسد معدنى ومنها الصينى ب 75 ج
5.الفبر اللى على الشنطة اللى تقصدة دة بتاع وجية اباظا نزل فى موديلات العالية الشكل الجديد ال glx وركب عليها مكن البرستيج ال 1800 و ال2000 سي سي والشنطة دية اساسا مختلفة نهائيا عن شنطتك ومتنفعش تركب
ومستنى منك اتصال 0124655064
سلام

[cute]

احمد باشا
كنت متاكد والله انه انت اللي هترد عليا خصوصا اننا اتكلمنا مع بعض قبل كده لما كان عندي مشكلة في الدبرياج لو تفتكر

شكرا جزيلا على ردك واسمحلي استغلك شوية واسالك فين ممكن الاقي مساعد وركبه امامي يمين للعربية الروا .. لان بعد الحادثة حصل فيهم كسر ورحت عند على عفشة اللي في وادي النيل وهو لحمهم وظبط العمل وقالي ممكن تمشي بيها عادي ومش هيحصل مشكاكل والعربيه بقت تمام بس انا برضه خايف من اللحام ده خصوصا اني بسافر بالعربيه كتير
روحت لبتوع مكه اللي عند الكبري الجديد وملقيتش عندهم وكمان روحت لواحد على طريق القنايات لو تعرفه وبرضه مش لاقيه .. ياريت لو تعرف حد عنده المساعد بالركبه اكون شاكر ليك جدا

وبخصوص الفبره دي انا متاكد انه نفس الشنطة اللي عندي .. عموما انا بشوف العربيه دي كتير لو صادف وقابلته تاني هوقف صاحبها واساله لانها عاجباني جدااااا

انتظر مني اتصال قريبا
0144316812

[the-hero]

طبعا فكرك ياباشا بس قلت ممكن يكون حد تانى خصوصا مكنتش مركز فى اليوزر بتاعك بس كنت متوقع ده
المهم بخصوص المساعد فيه محلات بشارع دمشق بتبيع مساعدين وسوست بس لكل العربيات وبيبقوا وخدين توكيلات لشركات المساعدين زى المونرو كدا
ففيه واحد اعرفه فى شارع دمشق ممكن تساله
وممكن تسال برضه فى الحرفيين
وممكن العفشجى يدلك على بديل للى عندك
بخصوص الشنطة بقي فهى مختلفة بين الشكل القديم والجديد فى ال 405
وبمان الروا شنطتها زى الشكل القديم فهى مختلفة عن ال 405 الحديثة

ادى ياسيدى الشنطتين وعليهم السبويلر الأصلى اللى قولتلك عليه
فى الشكل القديم الشنطة مسطرة من الفانوس للفانوس والجزء بين الفانوسين سابت
لكن فى الحديث الجزء بين الفانوسين فى باب الشنطة نفسة ودة بيدى وسع اكتر لما تفتح الشنطة
البلاستيك بقي اللى انت بتقصده بيبقى راكب على باب شانطة الموديل الحديث ولما تقفل الباب بيبقى ماشى بمحاذة الفوانيس وزى مقلتلك ده مبيتبعش ده موديلات وجيه اباظا بس

[ahmed_khalil]

فى الشكل القديم الشنطة مسطرة من الفانوس للفانوس والجزء بين الفانوسين سابت
لكن فى الحديث الجزء بين الفانوسين فى باب الشنطة نفسة ودة بيدى وسع اكتر لما تفتح الشنطة
البلاستيك بقي اللى انت بتقصده بيبقى راكب على باب شانطة الموديل الحديث ولما تقفل الباب بيبقى ماشى بمحاذة الفوانيس وزى مقلتلك ده مبيتبعش ده موديلات وجيه اباظا بس

احمد باشا اختلف معاك
الفرنساوى (اللى هيا على اليمين) اللى الحته اللى بين الفانوسين دى فبر ممكن يركب بدالها الحته البرتقالى اللى الاستاذ cute بيتكلم فيها
بس انا انصحك ماتركبهاش لانها هاتتكسر بسهوله و هاتضعف جدااا مع الشمس

[ahmed_khalil]

[mr_sameh]

حمدالله علي سلامتك

[cute]

احمد باشا اختلف معاك
الفرنساوى (اللى هيا على اليمين) اللى الحته اللى بين الفانوسين دى فبر ممكن يركب بدالها الحته البرتقالى اللى الاستاذ cute بيتكلم فيها
بس انا انصحك ماتركبهاش لانها هاتتكسر بسهوله و هاتضعف جدااا مع الشمس

تمام كده هو ده اللي انا اقصده بالظبط
بس مش عارف الاقيها فين انا دايخ عليها بقالي كام يوم

[the-hero]

لا انا اقصد حاجة تانية مش دية التانية على الموديل الجديد وبتبقي لونين زى الفانوس بالضبط
غير ديه تمام

[nabaster]

ما شاء الله يا ابو حميد ربنا يبارك فيك

بالنسبه بقي لاستفسار صاحب الموضوع

فعلا الفيبرايه دي خفيفه جدا ومع قفلة شنطه بضمير شويه هتطير او وانتا بتطلع حاجه تقيله وساندها علي الشنطه هتلاقيها اتكسرت برضه

في حل ظريف جدا ومش مكلف وكمان شكلا هيكون اظرف لان الفبرايه دي هتكون خارجه عن مستوي الفانوسيين ولاكن الي هقولك عليه ده هيبقي زي الـ 405 الشكل القديم وهيبقي شكلها احلي بكتيير لانها هتبقي في نفس مستوي الفانوسين.

بص يا سيدي

هتروح لاي محل اكسسوارات يكون عنده درجات فاميه كتير

اختار درجة الفاميه الي شبه لون وش الفانوس الخلفي بتاعك او بقي لو عايز لون احمر وبرتقالي (بس مش محبز)

هتقوله عايز استيكر احمر وبرتقالي بالعرض والطول الي تطلبه وعلي حسب مساحة الشنطه وهتحطهم بالطريقه الي تعجبك

تمام كده؟؟؟

وتروح بقي عامل ايه؟؟؟

تجيب فرخ فاميه 01 وده تقريبا علي رمادي كده (او ممكن اغمق شويه حسب ما انتا عاوز) هتحطه علي الاستكيرات الي محطوطه دي هيطلع معاك الدرجه الي انتا عايزها بظبط

عايزها احمر بس زي الي في الصوره هيبقي الاستيكر احمر بس وعليه الفاميه بالدرجه الي تشوفها مناسبه عايز اغمق زود درجة الفاميه ودرجة الاستكير نفسه

يعني تروح للراجل بتاع الاكسسوار وتشغل دماغك معاها شويه

واي خدمه

A.Yakout

[the-hero]

ما شاء الله يا ابو حميد ربنا يبارك فيك

بالنسبه بقي لاستفسار صاحب الموضوع

فعلا الفيبرايه دي خفيفه جدا ومع قفلة شنطه بضمير شويه هتطير او وانتا بتطلع حاجه تقيله وساندها علي الشنطه هتلاقيها اتكسرت برضه

في حل ظريف جدا ومش مكلف وكمان شكلا هيكون اظرف لان الفبرايه دي هتكون خارجه عن مستوي الفانوسيين ولاكن الي هقولك عليه ده هيبقي زي الـ 405 الشكل القديم وهيبقي شكلها احلي بكتيير لانها هتبقي في نفس مستوي الفانوسين.

بص يا سيدي

هتروح لاي محل اكسسوارات يكون عنده درجات فاميه كتير

اختار درجة الفاميه الي شبه لون وش الفانوس الخلفي بتاعك او بقي لو عايز لون احمر وبرتقالي (بس مش محبز)

هتقوله عايز استيكر احمر وبرتقالي بالعرض والطول الي تطلبه وعلي حسب مساحة الشنطه وهتحطهم بالطريقه الي تعجبك

تمام كده؟؟؟

وتروح بقي عامل ايه؟؟؟

تجيب فرخ فاميه 01 وده تقريبا علي رمادي كده (او ممكن اغمق شويه حسب ما انتا عاوز) هتحطه علي الاستكيرات الي محطوطه دي هيطلع معاك الدرجه الي انتا عايزها بظبط

عايزها احمر بس زي الي في الصوره هيبقي الاستيكر احمر بس وعليه الفاميه بالدرجه الي تشوفها مناسبه عايز اغمق زود درجة الفاميه ودرجة الاستكير نفسه

يعني تروح للراجل بتاع الاكسسوار وتشغل دماغك معاها شويه

واي خدمه

a.yakout

نفس اللى فكرت فيه هتبقى جامدة جدا

[ahmed_khalil]

ما شاء الله يا ابو حميد ربنا يبارك فيك

بالنسبه بقي لاستفسار صاحب الموضوع

فعلا الفيبرايه دي خفيفه جدا ومع قفلة شنطه بضمير شويه هتطير او وانتا بتطلع حاجه تقيله وساندها علي الشنطه هتلاقيها اتكسرت برضه

في حل ظريف جدا ومش مكلف وكمان شكلا هيكون اظرف لان الفبرايه دي هتكون خارجه عن مستوي الفانوسيين ولاكن الي هقولك عليه ده هيبقي زي الـ 405 الشكل القديم وهيبقي شكلها احلي بكتيير لانها هتبقي في نفس مستوي الفانوسين.

بص يا سيدي

هتروح لاي محل اكسسوارات يكون عنده درجات فاميه كتير

اختار درجة الفاميه الي شبه لون وش الفانوس الخلفي بتاعك او بقي لو عايز لون احمر وبرتقالي (بس مش محبز)

هتقوله عايز استيكر احمر وبرتقالي بالعرض والطول الي تطلبه وعلي حسب مساحة الشنطه وهتحطهم بالطريقه الي تعجبك

تمام كده؟؟؟

وتروح بقي عامل ايه؟؟؟

تجيب فرخ فاميه 01 وده تقريبا علي رمادي كده (او ممكن اغمق شويه حسب ما انتا عاوز) هتحطه علي الاستكيرات الي محطوطه دي هيطلع معاك الدرجه الي انتا عايزها بظبط

عايزها احمر بس زي الي في الصوره هيبقي الاستيكر احمر بس وعليه الفاميه بالدرجه الي تشوفها مناسبه عايز اغمق زود درجة الفاميه ودرجة الاستكير نفسه

يعني تروح للراجل بتاع الاكسسوار وتشغل دماغك معاها شويه

واي خدمه

a.yakout

فكره حلوه برضه