ال 405 و المطبات

[mamado405]

انا بعشق سيارتي 405 بس نادم اني اشتريتها الطرق عندنا في المنوفيه زي الزفت طرق مكسره وقطوعات في الطرق عشان شبكه الغاز ومطبات اجارك الله جبال الناس عملاها انتقام من العربيات لواكتر من شخصين لازم العربيه تقف فيه مره عربيه لانوس اتعلقت علي مطب والناس شالتها بصراحه الاسد ماسك نفسه بس مش عارف العفشه هاتستحمل لحد امته واعمل ايه عشان احافظ عليها لأني بزعل من اقل خدش بيحصل

شكراً للعضو itsonlyme على التعديل.
مشرف الأوروبى 1

[the-hero]

هى الكتابة وضحة ولا انا اللى عندى مشكلة

[cute]

ده انجليزي ده يامرسي ؟؟؟

[أحمد فاروق سيد]

هى الكتابة وضحة ولا انا اللى عندى مشكلة

نفسى أعرف أيه المشكلة ؟
بس العتب على النظر

[M.almaghraby]

في مشكلة فالencoding عنده

[ashraf4280]

[dodino2006]

انا عارف ان في ناس بتدعو لاحياء اللغة الهيروغليفية، بس مش معقول يكونوا بالسرعة دي و ابتدوا بنايل موتورز.....


اوعي تزعل انا بهزر معاك

[ahmed_khalil]

انا بعشق سيارتي 405 بس نادم اني اشتريتها الطرق عندنا في المنوفيه زي الزفت طرق مكسره وقطوعات في الطرق عشان شبكه الغاز ومطبات اجارك الله جبال الناس عملاها انتقام من العربيات لواكتر من شخصين لازم العربيه تقف فيه مره عربيه لانوس اتعلقت علي مطب والناس شالتها بصراحه الاسد ماسك نفسه بس مش عارف العفشه هاتستحمل لحد امته واعمل ايه عشان احافظ عليها لأني بزعل من اقل خدش بيحصل

الراجل عايز يقول ان ال 405 بتاعته باظت
بهزر معاك يا باشا

[itsonlyme]

انا بعشق سيارتي 405 بس نادم اني اشتريتها الطرق عندنا في المنوفيه زي الزفت طرق مكسره وقطوعات في الطرق عشان شبكه الغاز ومطبات اجارك الله جبال الناس عملاها انتقام من العربيات لواكتر من شخصين لازم العربيه تقف فيه مره عربيه لانوس اتعلقت علي مطب والناس شالتها بصراحه الاسد ماسك نفسه بس مش عارف العفشه هاتستحمل لحد امته واعمل ايه عشان احافظ عليها لأني بزعل من اقل خدش بيحصل

ده كلام الأخ mamado405. عنوان الموضوع "نادم اني اشتريت عربيه"

المشكلة مشكلة encoding فعلاً. الأستاذ بيستخدم unicode والموقع كله بيستخدم Windows-1256.

[ahmed_khalil]

انا بعشق سيارتي 405 بس نادم اني اشتريتها الطرق عندنا في المنوفيه زي الزفت طرق مكسره وقطوعات في الطرق عشان شبكه الغاز ومطبات اجارك الله جبال الناس عملاها انتقام من العربيات لواكتر من شخصين لازم العربيه ت؟ف فيه مره عربيه لانوس اتعلقت علي مطب والناس شالتها بصرا؟ه الاسد ماسك نفسه بس مش عارف العفشه هاتست؟مل ل؟د امته واعمل ايه عشان ا؟افظ عليها لأني بزعل من اقل خدش بي؟صل

مافيش حاجه فى ايدك غير انك تركز و انته سايق فى المطبات و ابقى اكشف على العفشه كل فتره و ماتركبش معاك ناس كتير و ماتقلقش انت موتورك مصفح من تحت

[the-hero]

الحمد لله ان الترجمة وصلت انا كنت متاكد انها مشكلة encoding
الموضوع بتاع المطبات كلنا بنعانى منه دنا لا باكل طب بفصل كلام طول اليوم من الزعل
بتخنق موووووووووووووووووووووووووت
علاجها التركيز والحرص فى تنقية المطبات

[م.احمد زكريا]

ما تخفش على الأسد

أحسن عربية تاخد بيها مطبات وحفر والعفشة ما شاء الله لا قوة إلا بالله بتستحمل جدا ولاقصى درجة
بس الواحد بيصعب علية الطلوع والنزول في المطبات والحفر

[harphosh]

أولاً اعتذارى الشديد لأفراد العصابة على عدم المشاركة فى الفترة السابقة
ثانياً موضوع العفشة فى الـ 405 ما يخوفش خالص حتى لو استهلكت لأن العفشة قوية جداً على أن تستهلك وكمان هى العربية فيها عفشة أصلاً دى كلها 4 جلب و4 مساعدين منهم اثنين ما عليهومش حمل خالص وثمنها على بعضيها كلام فارغ
فمفيش مشكلة

[د.محمود صلاح]

كل العربيات بتعانى من ظاهرة المطبات فى مصر , وهى كنت من اسباب صفر المونديال الشهيرة ( كثرة المطبات فى الطرق )