فعلا لا يعلى على ال405

[mohamedadelemam]

السلام عليكم.....أنا سيارتى بيجو 405 98 74000كم والحمد لله عمر ما صنايعى حط إيده فيها غيرى والحمد لله.... أكبر شئ عملته فيها كان تغيير سير الكاتينة..وطبعا ماكينة الزجاج المشهورة بردائتها...وعمرى ما قرصت على السيارة منذ أن كانت زيرو....يعنى بإختصار عمرى ما إختبرت قوة المحرك لغاية ما جائت اللحظة وواحد صاحبى ألح إنى أجرب قوة الموتور وهو راكب معايا...فقلت على بركة الله ودى كانت أول مرة أفتح فيها باب الكاربيراتير التانى....وزى ما سمعت هنا إن الغيار التانى بيوصل لغاية 100كم/س فحسبنا الوقت وطلع من 0 إلى 100 فى حوالى 7 أو 8 ثوانى بس المفاجئة الأكبر إنى لما جبت التالت وصل لحوالى 150 ودى كانت مفاجأة لم أتوقعها وبما أنى أول مرة أتخطى فيها ال120 كم/س فلم أستطيع أتخطى كده ومجبتش الرابع...بس بجد اللى كانوا بيشككوا فى قدرات المحرك ده إنه يوصل ل170 حتى وكنت أنا أولهم طبعا غلطانين وأعتقد إنه ممكن يقفل العداد وأنا كنت خلاص ناوى أبيع وأغير لفيكترا بإعتبار إنى خفت إن الموتور بعد 70000كم بدأ يتهالك لكن العكس خااالص....وفعلا يا جماعة البيجو لا يعلى عليها وتستاهل إن أصحابها يقدروها

[gebreel]

ما شاء الله ربنا يباركلك فيها يا رب

[husseinoo]

السلام عليكم.....أنا سيارتى بيجو 405 98 74000كم والحمد لله عمر ما صنايعى حط إيده فيها غيرى والحمد لله.... أكبر شئ عملته فيها كان تغيير سير الكاتينة..وطبعا ماكينة الزجاج المشهورة بردائتها...وعمرى ما قرصت على السيارة منذ أن كانت زيرو....يعنى بإختصار عمرى ما إختبرت قوة المحرك لغاية ما جائت اللحظة وواحد صاحبى ألح إنى أجرب قوة الموتور وهو راكب معايا...فقلت على بركة الله ودى كانت أول مرة أفتح فيها باب الكاربيراتير التانى....وزى ما سمعت هنا إن الغيار التانى بيوصل لغاية 100كم/س فحسبنا الوقت وطلع من 0 إلى 100 فى حوالى 7 أو 8 ثوانى بس المفاجئة الأكبر إنى لما جبت التالت وصل لحوالى 150 ودى كانت مفاجأة لم أتوقعها وبما أنى أول مرة أتخطى فيها ال120 كم/س فلم أستطيع أتخطى كده ومجبتش الرابع...بس بجد اللى كانوا بيشككوا فى قدرات المحرك ده إنه يوصل ل170 حتى وكنت أنا أولهم طبعا غلطانين وأعتقد إنه ممكن يقفل العداد وأنا كنت خلاص ناوى أبيع وأغير لفيكترا بإعتبار إنى خفت إن الموتور بعد 70000كم بدأ يتهالك لكن العكس خااالص....وفعلا يا جماعة البيجو لا يعلى عليها وتستاهل إن أصحابها يقدروها

405 وموديل 1998 وفرنساوى ... ماشاء الله ولا حول ولاقوة إلا بالله
ربنا يبارك لحضرتك فيها

الغالى ثمنه فيه
لو قارنت اسعار البيجو الـ 405
سوف تجد أن سعرها ما زال معقول" ولم ينهار او ينخفض مثل باقى السيارات
حتى الـ 504 ما زال سعرها عالى مع العلم أن سنة الموديل 1979 حتى 1973

ورغم ذلك ما زال البيجو "نفس القوة ونفس الآداء"

حتى الأمس يوجد سيارات 504 موديل 1973 وأصحابها عايزين فيها اكثر من 25000 واحيانا يتخطى سعرها الـ 30000 وأكثر

ما هو السبب

السبب ان العربية الفرنساوى "مية مية"

واى حد عنده عربية منهم لا يتركها إلا فى حالة انه عايز يغير الشكل ومزيد من الكماليات او يكون عنده ظروف ومحتاج فلوس

تجد عربية مثل "الهيونداى اكسيل" برغم انه مر عليها حوالى 15 سنة فقط ... لكن ثمنها لا يتخطى الـ 27000 جنيه

وسيارة مثل البيجو عمرها أكثر من 30 سنة ما شاء الله وثمنها يتخطى الـ 30000 جنيه وحالة "مازالت ممتازة" شكل وقوة وكل حاجة مية مية

سيارة مثل الشاهين موديل 1996 اقل من 15 سنة وسعرها يمكن اقل من 30000
وحالتها "الله اعلم"

وأخيرا صديق اعتقد انه اشترى "بولو" مستعملة ... وانضحك عليه بمجرد انه اشتراها صرف عليها حتى الآن حوالى 3000 جنيه ده غير ثمنها كان تقريبا حوالى 25000 جنيه ... يعنى دخل على 30000 الف جنيه ومعاه العربية موش تمام برضه
الاسم عربية موديل حديثة وشكل حديث


ايهما افضل والنبى أنا عايز رأيكم

مع اطيب التمنيات
اخوكم حسين غزالة

[د.محمود صلاح]

كفاية ان وزنها 1450 فارغة

[kareem_Ashmawy]

كفاية ان وزنها 1450 فارغة

1450 دة وزنها و هى محملة يا دكتور:b4_048:
فارغة من 1060 الى 1160

[mohamedadelemam]

السلام عليكم...أولا أشكركم على الحفاوة دة والردود الجميلة...ثانيا هو فى تصحيح بسيط...إنها التقفيل المصرى بتاع بيجو أباظة

[mohamedadelemam]

وعلى فكرة بالنسبة لموضوع الوزن فال405 إتوزنت أمامى فى أحد مقابر السيارات فى إيطاليا وكانت حوالى 1300كجم وطبعا فارغة

[kareem_Ashmawy]

وعلى فكرة بالنسبة لموضوع الوزن فال405 إتوزنت أمامى فى أحد مقابر السيارات فى إيطاليا وكانت حوالى 1300كجم وطبعا فارغة

طيب كده هااااااااااايل
انا عندى الكتالوج مكتوب فيه من 1060 لــ1160 على حسب الطراز
بس 1300 كده حلو جدا
شكرا ياباشا على المعلومة

[mohamedadelemam]

لا داعى للشكر...أما موضوع المكتوب فى الكتالوج فده بيختلف تبعا لضغط الكاوتش ونوع الجنوط وأثقلها الصاج وإلى غير ذلك من الحاجات البسيطة اللى بتجمع وتكبر شوية وزنها

[waleedabbas]

مين قال انها مش بتقفل العداد ومين يقدر يشكك فى الموتور ده العربية دى ماشاء الله كنت بجيب بيها ع التانى 120 والتالت 160
ماشاء الله من اجمل واشد المواتير فى الفئة وفى الوقت ال نزلت فيه الموديل ده ولغاية النهاردة

[mohamedadelemam]

أسفين يا سيدى على التشكيك..بس ملاحظ من كلام حضرتك كلمة كنت..حضرتك بعتها ولا إيه؟..ولو بعت...حضرتك بدلتها بإيه؟

[Ahmed Hassan]

فحسبنا الوقت وطلع من 0 إلى 100 فى حوالى 7 أو 8 ثوانى

على فكره اكيد محسبتوش صح. الرقم اللي حضرتك كاتبه ده معظم العربيات ال 6 سلندر بسعات تعدي 3000 سي سي مبتجيبوش اصلا!!

ربنا يباركلك في عربيتك

[mohamedadelemam]

شكرا على الدعوة الجميلة دى...وممكن أكون مش دقيق جدا فى حساب الوقت نظرا لأنها أول مرة وأعتقد أخر مرة لأنى مبوصلش ل100كم/س إلا قليلا جدا...وعموما عندى مشكلة لاحظتها مؤخرا بعد ضبط الكاربيراتير..السيارة ماشاء الله زى ما ذكرنا على الأرقام القياسية اللى حققتها والحمدلله عملت حوالى 170كم/الصفيحة داخل المدينة مع التعرض لأزمتين زحام فظيعة....بس بلاحظ وجود هباب كتير حول فتحة الشكمان بالرغم إن البوجيهات بتلمع..مش غريبة شويتين؟

[mr_sameh]

405 عربيه محترمه بكل المقاييس

[mohamedadelemam]

بس يا جماعة إيه رأيكم؟...أبيع قبل ما تتهالك؟...هى الحمدلله لم يظهر فيها أى شئ وأكبر شئ عملته كان تغيير سير الكاتينة على 60000كم...ولا أخليها لأنى ركبت كتير ولم يعجبنى شئ لغاية الأوبل فكترا والميجان هاتشباك..