استفسار عن تيل فرامل 206

[adham_cs]

السلام عليكم
لدي مشكلة في فرامل السيارة حيث إن الفرامل محجرة شوية
ولو حملت على الفرامل آلاقي الدركسيون بيترعش في إيدي
والعربية كلها بتترجرج على خفيف
المهم
وأنا في التوكيل قالولي تغير الطنابير والتيل وده هيكلف حوالي 1000 جنيه بدون مصنعية
سألت بره عن التكلفة لقيتها حوالي 500 بالمصنعية
فإيه رأيكم
هل فعلا المشكلة هننحل لما أغير الطنابير والتيل
وهل أعملهم بره ولا في التوكيل
وشكرًا

[amr mokhtar]

انا أعتقد ان فعلآ الطنابير محاجة تتغير
لإن الرجة دى بتحصل بسبب ان الطنابير بيبقى فيها تعريجة و دى اللى بتخلى العربية ترج مع الفرامل الجامدة و كمان المفروض إنك تحسها فى دواسة الفرامل

بس هل حضرتك سألت عن خراطة الطنابير دى؟

[adham_cs]

والله يا أستاذ عمرو أنا بشكرك أولا على ردك السريع
وفعلا في واحد نبهني إني أخرط الطنابير
وإن شاء الله هشوف حد كويس بتاع فرامل هوه اللي يحدد
وألف شكر ليك على ردك

[amr mokhtar]

لا شكر على واجب
بس العربية عاملة كام كيلو عشان يحصل فيها مشكلة زى دى؟

و يبقى قولنا عملت إيه

[adham_cs]

والله يا أستاذ عمرو
العربية عاملة 80 ألف كيلو
بس المشكلة إنها اتركنت سنتين في منطقة رطبة (يعني جنينة مانجو وجنبها ترعة وكده)
أصلي شاريها من واحد من الضواحي
فهل ده سبب المشكلة

[amr mokhtar]

لا أظن ان دى سبب المشكلة
عادة اللى بيبوظ الطنابير بيكون عدم تغيير تيل الفرامل فى وقته
او تركيب تيل فرامل من نوع سىء فممكن التيل ياكل فى الطنابير

بسيطة إن شاء الله
على العموم هى عربية جميلة و ممتازة و ربنا يباركلك