مساعده فى شراء 206

[lamer]

اولا السلام عليكم ورحمة الله
اعرفكم بنفسى انا م/ محمد اريد شراء سياره بيجو 206
وعاوز نصيحتكم من جهة السياره وقطع الغيار والتحمل والعيوب والمميزات
وتمن السياره الان وايه احسن سعر ليها
ونصائح الشراء وانا بشتريها اركز على ايه ولكم منى جزيل الشكر

[amr mokhtar]

أهلآ بيك يا مهندس أحمد
انا كان معيا بيجو 206 و لمدة 9 سنوات و لسه بيعها من حوالى 3 شهور

العربية دى بجد ممتازة و بتستحمل كتير و من الآخر عربية روحها حلوة
و شايف إنها أفضل سيارة فى الفئة بتاعتها من ناحية الشكل و المضمون و الخامات و الوسع الداخلى المعقول فى هذه الفئة

بالنسبة لقطع الغيار فهى مش غالية بالطريقة اللى الناس بتتكلم بيها
و بتفرق لو انت هتتعامل مع التوكيل على طول او لو هتجيب حاجتها من بره
بمعنى أسعار التوكيل هتلاقيها زيادة عن السوق بس الحق يتقال الحاجة الأصلى برضه بتفرق
و لاأسعار بره التوكيل انا معنديش عنها فكرة

الحاجات اللى تاخد بالك منها هى الميكانيكا طبعآ و كمان تتأكد ان العربية مفيش لعب فى الكهرباء بتاعتها
و يفضل لو تاخد العربية على التوكيل او مركز صيانة معتمد و تكشف عليها عشان تعرف حالة العربية بالظبط

بالنسبة للأسعار فهى فى حدود 42 ل45 حسب الحالة و الكيلومتر

و بالتوفيق

[amr mokhtar]

ده موضوع كنت عامله عن تقييمى للعربية
و هتلاقى أسعار قطع غيار
الأسعار دى بتاعة التوكيل و غالبآ هتكون رخصت كمان

http://www.nilemotors.net/Nile/30335-206.html

[A7MED_PHARMA]

عربيه هايله بجد
وشكلها تحفه

[lamer]

انا متشكر جدا يا جماعه وعلى فكره يا استاذ عمرو انا اسمى محمد مش احمد وانا متشكر جدا لرايك ومرور الاستاذ احمد

[ya_broker]

العربيه ممتازه جدا و لكن
يجب المحافظه علي الصيانه الدوريه و لازم تكون فى التوكيل افضل
انا معايا العربيه دى و لما بحب اعمل فيها اي حاجه بره التوكيل بلاقيهم مش فاهمين فبضطر اروح التوكيل احسن مع ارتفاع تكاليفه

[Ahmed206]

very good vehicle i have it since 2004

[Ahmed206]

I'm repairing my car by myself