وصلة aux لبيجو 307

[amadjoo]

السلام عليكم,

حد عندو فكرة هل ممكن أعمل وصلة aux لكاسيت البيجو 307 موديل 2007 ولا لأ؟؟

ولو ممكن ياريت أعرف بتتعمل فين وبكام

أرجو الرد ضرورى

شكرا

[amadjoo]

مفيش حد عنده أى معلومة ياجماعة خالص؟؟؟!!!

طب أى حد يدخل يفتى حتى يمكن نستفيد أى حاجة

[M.Mohsen_Saleh]

الموضوع مش مستاهل فتوى، لو عايز تعمل الوصلة، في حل من اتنين، يا تروح لمحل أمبير مدينة نصر، اللى في حسنسن هيكل و هو هيعملك الوصلة و عليها ضمان، بس مغلواني حبتين يعني هياخد منك 100 جنيه بعد الفصال، عشان عندهم أسلوب بايخ، انه بيقيم العربية و على الأساس ده يديلك سعر، يعني لو لانسر قديمة يبقى 80-100 جنيه، لو مرسيدس مثلا يبقى 150 جنيه و ها كذا.
و الحل التاني أشرحلك تعمل الوصلة اذاي بس لازم يبقى عندك جرأة تفك الجهاز بتاعك و تفتحه و تلحم فيه كمان. أنا بأعرف أعمل الوصلة ديه عموما، و نقاء صوت الوصلة ديه زي الأصلي بالضبط.

[sakrouz]

سؤال انا كل ما اجيب شاحن عربية و احاول ادخلع فى فتحة القى الشاحن كبير عندك فكره

[amadjoo]

شكرا على الرد...انا بصراحة بحب الفك والتركيب جدا ومش فارق معايا موضوع اللحامات ده
بس انا كنت سمعت انى لازم بعد ما أركب الوصلة لازم أضبط السوفت وير علشان يقرا الaux فهل الكلام ده صحيح؟؟

[M.Mohsen_Saleh]

لا مش محتاج ظبط سوفت وير، هو أصلا محدش يعرف يلعب في السوفت وير بأي شكل.
أنت مجرد هتقتح الراديو، و أول ما توصل حاجة على الوصلة بتاعتك، صوت الراديو هيختفي و يظهر صوت اللى انته مشغله بكل وضوح. الموضوع معتمد على التيوتر بتاع الجهاز.
بالنسبة لموضوع شاحن العربية، كنت بقابل المشكلة دي في العربيات الألماني، من الاخر اذنقها بورقة و خلاص، و صدقني بتنفع.