المساعدة في ديسك 305 أصلي.... منين؟

[mohanad_youssef]

لو سمحتم يا أهل البيجو ......أنا من إسكندرية و عايزأجيب ديسك 305 مو 80 مش صيني بس كويس ( سعره حلو ) منين ؟؟ و لو في القاهرة منين ؟؟ ياريت تردوا عليا ( العربية حتزعل مني )!!

[AymanPt]

كنت مؤخرا في محل خالد كولومبو ,, ده محل متخصص في قطع غيار البيجو الأصلية ,,
و أشتريت من عنده طقم الدبرياج كامل لعربيتي الـ 205 ,, و سألت عن الطقم عشان واحد صاحبي عنده برضه 305 ,, و لقيته موجود ,,

المحل في القاهرة موجود في شارع أحمد عصمت - عين شمس
مضمون و تعاملت معاه كتير .

طقم الدبرياج الأصلي مش هيزيد عن 500 جنية إن شاء الله
في طقم أخر عنده, مش أصلي , بيتباع بـ 350 جنية .

[mohanad_youssef]

ألف شكر يا باشا ..........لو الطقم طلع إن شاء الله مناسب لموديل العربية ......... أنا و هي حندعيلك كتير.

[AymanPt]

ربنا يوفقك إن شاء الله يا باشا .. :)

[mohanad_youssef]

دعواتك معانا دايما أخي Aymanpt و مشكور جدا

[mbx4e]

بص حضرتك في القاهرة عندك شارع مجلس الامة اللي جنب وزارة الداخلية ورا ميدان التحرير دابيسموه بيت البيجو عندك اكتر من ٣ محلات كبار شغالين في الأصلي الجديد واكتر من ١٠محلات صغيرة بالاضافة ان بعضهم بيتعامل في المستعمل اللي هوا استراد بيجبوه من عند حميدو في الوكالة او سوسو في فيصل في الطوابق وعندك ناس في الجيزه مشمش وجنبه شركة استراد برده لقطع غياربيجو بعد بنزينة موبل قبل نفق الجيزةوانت متجه لشارع الهرم وعند الناحية التانية في شارع ام المصريين في الجيزة حوالين محكمة الجيزةوانت رايح على ساقية مكي كذا محل بردك للبيجو بس اهم حاجة اللي بيشتري يبقى فاهم هو عايز ايه ويسأل في كذا مكان ويشوف ويفاصل

[mohanad_youssef]

ألف شكر يا باشا على الإهتمام الكبير ده و تلاقي دايما ردود على أسئلتك .... تكرم و ححاول أوصلهم و آخذ بالنصيحة.

[ssam]

الحمد لله وجدت من يفهم في البيجو 305
انا انوي شراؤها فما هي النصائح المفيدة واسعارها المناسبة
هذه اول مرة اشتري فيها سيارة وقد وقع اختياري علي البيجو 305 ولا اعرف كيف
انما وجدت اثرة اعلانات عن بيعها بسعر يتراوح بين 13000 و15000
وهو سعر مناسب
المهم ماهي امكانيات السيارة ومزاياها وعيوبها