حد شاف العربيه سمند

[dr_3eshoo]

في عربيه نزلت اسمها سمند تبع بجو و الوكيل اباظه
رحت شفتها في هيبر وان
لو حد شاف العربيه دي يا ريت يقولي ضروري لان كنت عاوز اعرف الاراء عنها علشان عاوز اعرف رايي صح ولا لا

[fahd_628]

رأى الشخصى بلاش لأنى بجد عمرى ما شفتها ماشية فى الشارع و شكلها كدة مش حتنجح فى مصر بس الأخ Sameh.acc كان عامل ليها تست درايف و بيشكر فيها بس المشكلة انها متباعتش ( انا بتكلم فى الأسكندرية )

[amr mokhtar]

انا شفتها فى قاعة العرض بتاع مركز الصيانة اللى على الطريق الصحراوى... بصراحة انا مش شايف انها عربية سيئة ابدآ كفاية ان فيها موتور 307 1600 سى سى و عفشة 405 بالكامل و بالتالى مفيش كلام لا فى الموتور و لا فى العفشة... و صجها يعتبر كويس جدآ يعنى زى البيجو و الفولكس فاجن و أتقل من الكورولا و العربيات الكورى .. و بالنسبة للدواخل انا شايف انها فخمة التابلوه فيه ابانوس و فرش الكراسى جميل جدآ بس هى فيها عيب ان لوحة المفاتيح بتاعة التكييف شكلها قديم و المفاتيح بتاعة الزجاج الكهرباء و التكييف شكلها من خامات مش قد كده

انا معرفش إيه مدى توافر قطع غيارها حاليآ...

بشكل عام العربية شكلها جميل جدآ و تحس انها قوية لكن المشكلة انك متعرفش مستقبلها إيه فى مصر ... و ربنا يسهل و نشوف عربية زيها بس تكون مصرية .... طبعآ فى المشمش

[SaLM!Na]

heya el semnd di msh chinese????????
walla eih??

[sokasoon]

heya el semnd di msh chinese????????
walla eih??

nooooooooooooooooooooooooooooo

سيارة مجمعة فى ايران ومنتشرة فى ايران جدااا

[dr_3eshoo]

انا شكلي طلع رايي غلط
انا شفت العربيه دي ومنكرش اني اشجعت ليها
بس لما سمعت السعر تراجعت
العربيه تمنها 86 الف جنيه و التقفيل مش جيد و حسيت ان العربيه دي عندها استعداد انها تعطل
و حسيت انها هتقع مني و خصوصا اني بسافر كتير
السعر ده يجيب نيسان صني مانول او يجيب لانسر 1300 مانول شكل قديم طبعا
مع احترامي الشديد للبجو فان العربيه دي من وجه نظري سيئه للغايه و مش مشجعه

[sameh.acc]

ياجماعة مش موافقكم فى الرأى خالصصصصصص انا رحت سوقت العربية وماشاء الله تحفففة صاج و اداء وثبات ورخص قطع غيار بس العيب الوحيد ان الشكل كلاسيك شوية بس العربية انتشرت على فكرة شوية عندنا كذا واحد فى الجامعة جايبها منهم دكتورة وانتوا عارفين استخدام الستات والله العربية بقالها شهر ونص او شهرين معاها وشكلها لسة كأنها جديدة ومستحملة العربية على فكرة تمنها 87 بعد اما كانت نازلة ب 90 والفتيس بتاعها مانيوال بس ,, الموتور = بيجو 307 والعفشة= بيجو 307 والفتيس= بيجو 307 والشاسية= بيجو 405 يعنى واخدة احسن حاجات من كل بيجو واللى عايز يجرب يروح شركة الماسة فى شارع النور ( ميشيل بخوم سابقا ) فى الدقى ويعمل تست درايف ووو اللى هتغطى على العربية دية هى البارس لانها هتكون برضة موتور بيجو 307 و عفشة بيجو 405 و شكل بيجو 405 معدل وتشبة 406 يعنى هتكون بيجو 100% بس التقفيل بتاعها هيكون فى مصروهتكون فى نفس رنج السعر بس السمند هتتفوق فى رخص قطع غيارها علشان فرق العلامة هتعمل فرق فى سعر قطع الغيار ,,
ودية اسعار قطع غيار السمند :http://www.nilemotors.net/Nile/showthread.php?t=7771
ودة تقييم شامل للعربية بعد التست درايف :

http://www.nilemotors.net/Nile/showthread.php?t=7507

واى استفسار انا موجود تحت امرك

[nader.elalaily]

حد شاف العربيه سمند >

ردا على السيارة السمند
انا شفت السارة دى فى وكيل بيجو على طريق مرغم فى محطة شل ولفت نظرى قوة السارة من ناحية
تقفيل الصاج و المنظر العام . وجهة نظرى انى من محبى السيارات الكلاسيكية و انها بالفعل ارضت ذوقى شكلا و لكن لم اجربها كقيادة بالفعل و لكن معى كل تفاصيلها فى البروشور و اجد ان بها اوبشن كثيرة جدا و لكن على مستوى جيد لانى افكر بالفعل فى اقتنائها بالرغم انى سألت عن سعرها و قد وصل الى 87000 جم و يمكن افضاها عن البيجو البارس و ذلك لانها سوف تتقفل هنا و اكيد حبايبنا العمال المصريين حينسوا حاجة فى التقفيل كما حصل فى السيارات النيسان اليابانى .
و لذلك افضل السيارة السمند على اساس انها مقفلة فى ايران كلها و بالرغم انى مشفتش فى الاسكندرية غير واحدة فقط و لكن مين يعرف بكرة تنتشر زى زمان كنا بنخاف من اليابانى ثم الكورى و ادى الصينى
اللة و اعلم يمكن يكون دة زمن السيارات الايرانى
و ارجو لو حد اشتراها يقول لنا رأية فيها .

[miahm]

يا جماعه انا عضو جديد معاكم من اسكندريه, محمد ابراهيم ,
انا جبت السمند من ماسا في الدقي, واستلمتها في اسكندريه بقالي دلوقتي شهرين
عمات بيها 2500كم, وسفرت بيها مصر وجربتها في السرعه العاليه, بسم الله ما شاء الله.
الثبات جامد أوي و الاستهلاك يعني معقول حوالي 420كم في ال30لتر.ربنا يبررك فيها.
عايذ اي حد جابها ومشي بيها يقولي عمله معاه ايه. وشكراً!!!!

[miahm]

يا اخ فهد حتشوفها ان شاء الله كتير, تأريبا مفيش غيري جابها في إسكندريه

[dr_3eshoo]

على البركه يا ريس