اخوكو فى 405

[abomenahamonah]

السلام عليكم
انا لسه جايب 405 فرنساوى موديل92 وعايز اعرف امتىاظبط تاكيهات وهل مرتبط بوقت ولا بحاجة الاحظها فى العربية وهل فى منظف للكاربريتير يوفر عناء الفك

[mamado405]

مبروك يا باشا

الف مبروك بالنسبه للمنظف فيه نوعين امريكانى arbo اوgunkبحوالى 20 جنيه استخدامه سهل جدا.ربنا يباركلك فيها

[abomenahamonah]

الف مبروك بالنسبه للمنظف فيه نوعين امريكانى arbo اوgunkبحوالى 20 جنيه استخدامه سهل جدا.ربنا يباركلك فيها

الف شكرا مامادو باشا موضوع التاكيهات ايه رأيك فبه

[mamado405]

لو معدل استهلاك البنزين كويس تبقى التاكيهات مظبوطه يعنى مش اقل من 170كم فى الصفيحه داخل المدينه.على العموم طالما لسه شاريها المفروض تروح لميكانيكى يشيك على كل شىء كذلك الكهربائى وتغير زيت موتور على الاقل عشان تبدا تحسب انته وتسال اللى انتا شارى منه العربيه امته غير سير الكاتينه وزيت الفتيس لان دول بيتغيروا كل عدد معين من الكيلوات ناس تقول 20 الف كيلو وناس تقول 40 الف كيلو والموقع دا هتلاقى عليه الكتالوج بتاع العربيه هيفيدك كتيير printfu.orgولو اع حاجه اسال فيه ناس كتيير محترمه في المنتدى

[the-hero]

التكهيات بتبان والعربية على السلانسية بتلاقة صوت تكتكة خفيفة للماتور يبقى بكدا عاوز ضبط اما لو صوت الماتور طبيعى يبقى تمام
وخلى بالك تكهيات ال 405 مش اى حد يظبطها عاوزة واحد بروفيشنال لأنها على طباق وضغط زيت وقصة
الكربراتير بقي عشان تريح دماغك لآزم يتفك ويتنضف حته حته خصوصا البيكات والفونى
غير كدا بتبقى تنضيفة اونطة

[Nour_Peugeot]

لتكهات عموما لو مش مظبوطه كمان مش هتفرق جامد غير في السلانسيه

و الكلبتير علي فكره بسيط جدا مش معقد خالص و معا الوقت حضرتك هتفكه بنفسك تنضفه

[abomenahamonah]

سعدت جدا بهذا الاهتمام كم انتممحترمون واتمنى ان يديم الله عليكم الصحة والعافية
انا مش لسه شارى قريب العربية بقالها سنه ونص معايا بس موضوع التاكيهات ده اثير مع الزملاء اكثر من مرة
صوت العربية كان عالى اليومين دول بس انا رحت جبت فلتر البنزين الاصلى وظبط الكهرباء و راح الصوت العالىوالمكنة هديت بس المارش مش خفيف العربية مرات تدورسهل ومرات تعتل وفجاة تدور مع انى لسه مصينه مغير شاربون ومنضف الكوليكتور ومفلجة وعايد على لحامات الاطراف

[the-hero]

والله انت اللى راجل محترم واحنا سعدنا اكتر بمعرفتك

[د.محمود صلاح]

اللى اعرفه بعد إذنكم انه توجد ظبطتين للتاكيهات صيفا وشتاء ؟ صح ؟؟ وانها لو مش مظبوطة بتسخن العربية ؟ صح ؟؟

[Nour_Peugeot]

صح ده المفرووض

بس الناس بظبته علي الوسط و في ناس سيباه زي الفبريكا

و المارش لو بيتاخر في التدوير ممكن يكون حاجه من 2 ملهومش 3

1- اوتوماتيك مارش بيودع

2- كتاوت تقويه للمارش و كده انسي كل مشاكل المارش

[abomenahamonah]

السلام عليكم
المارش قطع خالص رحت لكهربائى تانى الناس بتشكر فيه
تخيل لقى ايه الشاربون مكسر لان الباشمهندس الاولانى نسى يركب سوستة من الاربعةواللحمات كلها طايره والجلب مبوشة
على فكرة انامعايا شهادتين هندسة كهروميكانيكا وكيمياء خاص
لقيت كلامه مظبوط المهم عملت الجلب عند خراط وغيرت الشربون واعدت اللحمات والحمد لله العربية بقت بدور لما تشوف المفتاح
ياريت كل واحد يقف على ايد الصنايعى لان البعض منهم بيسيب ضميره
فى البيت

[abomenahamonah]

الفلتر الثلاثى مهم جدا للعربية دى اسمه فى دليل الصيانة منظم الوقود
fuell regulator بس خلى بالك اللى موجود فى السوق لازم يركب
على طلمبة بنزين كهرباء ضغطها كبير لو الطلمبة عاده لازم توسع الفلتر
من فتحة الخروج بمسمار اومفك رفيع

[ahmed_khalil]

السلام عليكم
المارش قطع خالص رحت لكهربائى تانى الناس بتشكر فيه
تخيل لقى ايه الشاربون مكسر لان الباشمهندس الاولانى نسى يركب سوستة من الاربعةواللحمات كلها طايره والجلب مبوشة
على فكرة انامعايا شهادتين هندسة كهروميكانيكا وكيمياء خاص
لقيت كلامه مظبوط المهم عملت الجلب عند خراط وغيرت الشربون واعدت اللحمات والحمد لله العربية بقت بدور لما تشوف المفتاح
ياريت كل واحد يقف على ايد الصنايعى لان البعض منهم بيسيب ضميره
فى البيت

الفلتر الثلاثى مهم جدا للعربية دى اسمه فى دليل الصيانة منظم الوقود
fuell regulator بس خلى بالك اللى موجود فى السوق لازم يركب
على طلمبة بنزين كهرباء ضغطها كبير لو الطلمبة عاده لازم توسع الفلتر
من فتحة الخروج بمسمار اومفك رفيع

يا ريت يا باشا تعمل كل موضوع بالتفصيل و فى موضوع مختلف عشان الناس تستفيد
مشكور يا باشا

[mmmaaa]

يا جماعة أنا عايز أشتري بيجو 405
في حدود 34 ألف جنيه
وتكون حالتها كويسه مش محتاجه مصاريف
ياريت بعد إذنكم لو حد يعرف يقولي علشان أنا تعبت وعايزها بسرعة بعد إذنكم يا جماعة
ورقم تليفوني 0113530903