فين ثيرموستات الردياتير في ال 405 ؟؟

[Omar_H]

السلام عليكم يا رجالة ... أنا كنت عايز أسأل لو حد يعرف فين ثيرموستات الردياتير في ال 405 ال مصري مش الفرنساوي لإن أنا عندي العربية بردا قوي على طول وعمرها مابتسخن وطبعا سحبها كده قليل وفي الشتاء خصوصا بتبقى مقرفة الصبح ... أنا كان فيه زميل من المنتدى هنا قال لي إنه ورا الشبكة اللي قدام بس ده في عربيته الفرنساوي فأنا أما دورت عندي معرفتش الاقيه ... فـلو حد يعرف مكانه فين وهل اعرف أنا اظبطو بنفسي ولا لازم أوديه لحد ؟؟؟ وبالمرة حد يقولي شكله عامل إزاي يمكن أنا مش عارف الاقيه عشان متخيل شكله حاجة غلط مع إني معرفتش ألاقي حاجة عند الرادياتير شكلها يوحي إنها ثيرموستات !!!
وشكرا لكم

[the-hero]

عندك كل مايخص التبريد كتاوت المرواح ورا شبكة الامامية فى الصدر واعطالها المرواح متشتغلش او تشتغل على طول +كتاوت تنظيم حركة المراوح ورا الفانوس الشمال تحت علبة الفلتر الهوا ديه وظيفتها التحكم فى سرعات المراوح سريع وبطئ+كوعة الثرموستات فى الماتور منعلى الشمال وواصلة بالرداتير بكوعة كبيرة كاوتش وفيها مسمار تفريغ هوا
فانت لو العربية مبتسخنش فاعتقد ان المراوح شغاله على السرعة الكبيرة على طول وده بيخليها باردة جدا
فراجع كل اللى قلت لك عليه لوحدك وبعد كدا برضوا على ايد الكهربائى

[Omar_H]

عندك كل مايخص التبريد كتاوت المرواح ورا شبكة الامامية فى الصدر واعطالها المرواح متشتغلش او تشتغل على طول +كتاوت تنظيم حركة المراوح ورا الفانوس الشمال تحت علبة الفلتر الهوا ديه وظيفتها التحكم فى سرعات المراوح سريع وبطئ+كوعة الثرموستات فى الماتور منعلى الشمال وواصلة بالرداتير بكوعة كبيرة كاوتش وفيها مسمار تفريغ هوا
فانت لو العربية مبتسخنش فاعتقد ان المراوح شغاله على السرعة الكبيرة على طول وده بيخليها باردة جدا
فراجع كل اللى قلت لك عليه لوحدك وبعد كدا برضوا على ايد الكهربائى

الصراحة يا باشا مش عارف أقولك إيه ... ماسبتش كبيرة ولا صغيرة إلا أما قلتها و بكرة إن شاء الله أبقى أشوف الحاجات دي وارجع عليها ... بس أنا كنت عايز أسألك مش هو ممكن الثيرمستات يكون مظبوط على درجة حرارة واطية زي مثلا ماتظبط التلاجة على درجة حرارة واطية فـدايما تسقع ؟؟؟ فـيعني يكون بس محتاج إني اظبته على درجة حرارة اسخن شوية ؟؟؟ لإن أنا متهيألي المروحة مبتبقاش شغالة على طول يعني عادية مفيهاش مشكلة أنا حاسس إن المشكلة إن الثيرمستات من ساعة ماوالدي مرة وداها لواحد بتاع رادياتيرات ينضف الرادياتير باين وهيا بقت دايما مابتسخنش كده ... فأنا حاسس إنه كان واحد حمار ولعب في الثيرمستات ووطاه ... ده العربية يا راجل ساعات بعمل مشواري كله وعدد الحرارة ميوصلش 70 حتى يبقى قبلها بشوية

[ahmed_khalil]

الصراحة يا باشا مش عارف أقولك إيه ... ماسبتش كبيرة ولا صغيرة إلا أما قلتها :s_thum1[1]: و بكرة إن شاء الله أبقى أشوف الحاجات دي وارجع عليها ... بس أنا كنت عايز أسألك مش هو ممكن الثيرمستات يكون مظبوط على درجة حرارة واطية زي مثلا ماتظبط التلاجة على درجة حرارة واطية فـدايما تسقع ؟؟؟ فـيعني يكون بس محتاج إني اظبته على درجة حرارة اسخن شوية ؟؟؟ لإن أنا متهيألي المروحة مبتبقاش شغالة على طول يعني عادية مفيهاش مشكلة أنا حاسس إن المشكلة إن الثيرمستات من ساعة ماوالدي مرة وداها لواحد بتاع رادياتيرات ينضف الرادياتير باين وهيا بقت دايما مابتسخنش كده ... فأنا حاسس إنه كان واحد حمار ولعب في الثيرمستات ووطاه ... ده العربية يا راجل ساعات بعمل مشواري كله وعدد الحرارة ميوصلش 70 حتى يبقى قبلها بشوية :b4_556:

من كلامك كده حد ركب تيرموستات عالى او بدل الترموستات الواطى بالعالى و واحد منهم ببتاع التكييف

[the-hero]

عادى جدا ان العربية تبقى من قبل السبعين بدرجة خفيفة ل 85 ده بيبقى على حسب دورة التبريد وممكن يكون لغا خراطيم الدفاية وبكدا التبريد بتاع المياه زاد ودرجة الحرارة قلت على العموم ده شئ كويس
بعد فترة من التسخين صباحا افتح الكابوت وشوف هل الريداتير سخن بالخراطيم وراقب حركة المراوح
وانت لو ختها مشوار محترم اكيد هتسخن
انا كانت عربيتى كدا برضوا الحرارة لايمكن تيجى على ال70 دايما قبلها
لكن لما فتحت خراطيم الدفاية لأن كانت ملغية ومسدودة الحرارة بقت 75
بس شكلى هرجع اسدها تانى والغى الدفاية