مهم جدا لمالكي بيجو 308

[samomodrek]

ياريت كل واحد معاه بيجو 308 يقولنا هي عامله ايه معاه من حيث..............
الثبات-العفشة-التكييف-الوسع-الموتور-السحب-الفتيس-وعلوها عن الارض وكل حاجة؟؟؟؟

[samomodrek]

متابع يا اخوانا الموضوع ده ضروري علشان انا ناوي اشتريها

[ilavm]

للأسف انا عايز برضو عن العربية دي
بس مفيش موضوعات عنها خالص ياريت اللي يعرف يقول

[hasoki]

والله نفسي حد يرد عليك عشان عايز اعرف

[abodza]

انا عملت المشاركة دي قبل كده في موضوع تاني بس مفيش حد تواصل معايا خالص

المميزات

بدايتا موتور ال 308 هو نفس موتور ال minicoper بالتعاون مع BMW و gearbox برده الماني
1(ثبات ممتاز
2)سحبها حلو بالنسبة للانسر البومة
3)واسعة من جوة
4)عزل صوت ممتاز
5)والعفشة متوسطة(بين الناشفة والناعمة)
6)كرسي السواق مريح وواسع مقارنة بBRAVO وال ASTRA HB القديمة 2007-2010
7)واسعة من جوة

العيوب:

1)الدركسيون تقيل
2)التكييف مش اد كده
3)بتجيب 170 بسهولة بس عشان اوصل ل 190 بطلع عيني

قطع الغيار:

غالية طبعا(بس لو هتقارنها بالعمر الافتراضي بتاعها برضو هتلاقيها غالية :D) يعني على سبيل المثال:
1)سير الدينمو ب 280 جنيه و بيتغير كل 80 الف كيلو(بس للامانة بقيت السيور التانية كلها جنزير مبتتغيرش خالص )
2فلتر التكييف كان بحوالي 150 جنيه
3)للامانة كل قطع الغيار بقت متوفرة بعد الراجل (مش فاكر اسمه ايه) اللي دخل شريك في التوكيل

التوكيل:

بعد طول لف و دوران في التوكيلات كانت الخلاصة كما يلي:
Auto Service اللي ورا نادي السكة الحديد فيه مهندسة هناك اسمها شيرين ممتازة و حفظة ال 308 صم (لانها ركبة 308)
2) التوكيل اللي فتح جديد في ابورواش انا مرحتوش بس كل الناس بتقول عليه ممتاز و كبير قوي

الخلاصة:

1)من خلال وجهة نظري المتواضعة ان 308 احسن من ASTRA الشيب القديم والبرافو
2)اللي بيفكر يجيب 308 يحاول يجبها الاول مستعملة لان الفرنساوي مستعمله واقع طبعا واي سؤال انا تحت امركم

[tksy1260]

2)اللي بيفكر يجيب 308 يحاول يجبها الاول مستعملة لان الفرنساوي مستعمله واقع طبعا واي سؤال انا تحت امركم[/quote]
أنا عايز أفهم العبارة الأخيرة دي معناها ايه لأني بقارن حاليا بين الـ 308 والجولف ولكني أميل إلي البيجو لأني أعشق الفرنسي وعلي فكرة أنا عندي سيفيك وهبعها علشان أجيب البيجو

[Unendlich]

2)اللي بيفكر يجيب 308 يحاول يجبها الاول مستعملة لان الفرنساوي مستعمله واقع طبعا واي سؤال انا تحت امركم

كل الأوروبي المستعمل بتاعه بيقع جامد مش البيجو بس
و أكتر عربية سعر المستعمل فيها بينهار ال bmw انما ده لا يعني إنها عربية وحشة

[abodza]

كل الأوروبي المستعمل بتاعه بيقع جامد مش البيجو بس
و أكتر عربية سعر المستعمل فيها بينهار ال bmw انما ده لا يعني إنها عربية وحشة

هو انت طبعا كلام حضرتك مظبوط بنسبة 70% لان في الماني سعر المستعمل بتاعه عالي زي المرسيدس والفولكس فاجن

[Unendlich]

هو انت طبعا كلام حضرتك مظبوط بنسبة 70% لان في الماني سعر المستعمل بتاعه عالي زي المرسيدس والفولكس فاجن

المرسيدس ماشي انما الفولكس بينهار
شوف حضرتك اسعار الباسات والجيتا والجولف المستعمل

[ahmouda2009]

يا ريت يا جماعة حد يقولنا المواصفات بتاعت البيجو ٣٠٨sw هي فعلا ٧ راكب واية الاوبشنز وسعرها الانوفئاتها المتعددة برجاء الرد مع الشكر

[snipermomo]

يا جماعة في ناس كتير بيقولو العربية دي فيها مشكله في الجير بوكس
هل الكلام ده فعلا صحيح و لا ايه ؟
انا بفكر اجيب العربيه دي و يا ريت اي حد معاه العربيه دي يحكلنا عنها

[mohaismail]

اخبار استهلاك البنزين بتاعها ايه
وهل ارتفاعها عن الارض مناسب ولا بتحك فى المطبات
والعربية مصفحة من اسفل ؟

[الريس حميدو]

ارتفاع السيارة مناسب جدا
نزلت بيجو موديل جديد منها هذه السنة وهي 308 allur بمحرك ديزل 112 حصان يمون بتوربو HDI بدلا من المحركات السابقة ابو ال 110 حصان وال 90 حصان مع مجموعة واسعة من التجهيزات كالسقف البانورامي و الرادجار الخلفي

[mohaismail]

دى نزلت فى مصر ؟

[AHMEDOOF]

أستاذ abodza... تسلم إيدك... بس هي العربية كام راكب .. يعني بتنزل بالكرسيين الإضافيين و لا لأ ؟ و إيه حجمهم؟؟