بجد نفسى حد يقولي اشتري ماتور استيراد ولا أعمل عامرة لـ 405

[emoemo]

انا عندي عربية 405 موديل 96 مشكلتها انها دلوقتي بقت تأكل زيت بطريقة غريبة ممكن نقول فى 1000 كيلو بتاكل حوالي 3 كيلو كاملين ومش بلاقي فيها غير يجي كيلو ونص المهم وبطلع دخنة بيضاء
انا حاولت اروح لمكانيكى علشان يعملهالي قالي انا ممكن اعملهالك بـ حوالي 1200 جنية بصراحة انا خايف .. لاني الماتور الأستيراد بحوالي 250 من غير التكييف .. وهو قالي بلاش احسن استيراد علشان بيبقى زي البطيخة ممكن يكون مش حلو ..
اعمل ايه اجيب ماتور وخلاص وال اسيب نفسى للمكانيكى واخليه يعيش .

[Mahmoud_405]

لا طبعا استيراد لانه بيجي علي التجربه ولو وحش حيبان في اول شهر وبترجع تاني للراجل الي انت جبت منه مشكله العمره ان العربيه عمرها مابترجع ذي الاول

[atamim]

طيب لو العمرة اتعملت فى التوكيل هل حتكلفك نفس ثمن الماتور الاستيراد ؟؟؟؟

اسئل و شوف يمكن نفس الثمن او ارخص

كمان ممكن يكون حاجة بسيطة جوان مثلا بيسرب يعنى اكشف عليها فى التوكيل احسن

[the-hero]

ماتور استيراد احسن بكتير وهيوفرلك قطع غيار كتير اوى لأنة بيجى كامل بالضفيرة مكيف ب 2500-3000 ج وانت الكسبان والقديم بيتباع

[د.محمود صلاح]

المشكلة فعلاً ان العمرة مابتبقاش بالصورة المتوقعة

[Ellawai]

انا كنت عند تاجر زميل من فتره قريبه اسمه عماد المصري في الدقي و كنت شفت عنده مواتير 405 .. ممكن تساله عليها هوه شغله نضيف و مضمون .
0114441344

[Dr_Xefo]

ممكن عمره و ممكن ماتور

هقوللك على الحل انت تروح الزقازيق للحاج راضى الميكانيكى هو راجل كويس جدا و هو هيقولك ايه المطلوب وايه الحل الأسهل عمره و لا ماتور جديد و لو عايز ماتور عندك وليد بتاع الأستيراد و على فكرة راضى لسه عامل ل 405 بتاعتى طقم شنبر و هو راجل أستاذ
و على فكرة الفضل فى معرفة الناس دى يرجع للأخ العزيز Hero

[Nour_Peugeot]

انا عملت زي حضرتك بظبت قولت اعمل طقم شنبر ولا اغير مكنه

عملت طقم شنبر اقسم بالله مكملش معايا سنه

و بعديها عدلت العربيه كلها برستيج بقاله كده معايا يجي 6 شهور الموتور بيقولي اديني طريق و انا ادغدغ اي حد

[harphosh]

شوف ياسيدى
انسى تماماً عمرة الموتور فى التوكيل عارف ليه ؟
لأن أحمد عمارة وهو أحد الوكلاء المعتمدين للبيجو من سنة حدد سعر عمرة بـ 12 ألف جنيه وده ليا أنا شخصياً مش حد قالى .
ثانياً : عمرة البيجو مش مكلفة خالص للأن بيجيلها كرتونة كاملة للعمرة بحوالى 1000 جنيه بس المهم الصنايعى اللى يشتغل صح .
ثالثاً والأهم الاستيراد مالى الدنيا كلها وببلاش أرخص من موتور الـ 128 الفيات
هات موتور من الزقازيق وريح نفسك .

[nour2007]

شوف ياسيدى
انسى تماماً عمرة الموتور فى التوكيل عارف ليه ؟
لأن أحمد عمارة وهو أحد الوكلاء المعتمدين للبيجو من سنة حدد سعر عمرة بـ 12 ألف جنيه وده ليا أنا شخصياً مش حد قالى .
ثانياً : عمرة البيجو مش مكلفة خالص للأن بيجيلها كرتونة كاملة للعمرة بحوالى 1000 جنيه بس المهم الصنايعى اللى يشتغل صح .
ثالثاً والأهم الاستيراد مالى الدنيا كلها وببلاش أرخص من موتور الـ 128 الفيات
هات موتور من الزقازيق وريح نفسك .

كلام مضبوط والموتور الاستيراد بييجي علي تجربه وكمان لو معاك صنيعي بيفهم يهرف حالته لما بيدور وهو علي الارض
اشتري نفسك من افتكاسات الصنايعيه

[the-hero]

متحيرش نفسك
ماتور استيراد انت كسبان كسبان وهيريح دماغك من حجات كتير