يا جماعة الي عندو بيجو 106 يدخل هنا

[AMIRB11S]

أنا عندى 106 و بحب العربية دي جدا بس المشكلة أنها مش موجودة كتير في مصر و قطع الغيار بتعتها غالية...ياريت أصحاب 106 يفيدونى عشان عندى أسألة كتيرة أوى عنها.........

[asht]

السلام عليكم
ممكن اسئل سؤال
ما الفرق بين السيارة البيجو Gl , Gr

[Xpert]

جي ال و جي ار بتفرق في الكماليات و الفرش و العدادات .. علي ما اعتقد يعني ..
المهم .. ال106 انا كنت سمعت ان واحد في بوررسعيد منزل واحده قطع غيار .. مستعمل يعني ..
تتقدر تتصل بيه و رد عليا ..
0127029449 اسال علي غطاس و قوله من طرف بيشو بتاع بني سويف .. اسال مش هاتغرم غير دقيقه يمكن ربنا يكرمك و تلاقي اللي انت عاوزه ..

[FLYINGPEUGEOT]

فى واحد فى الوكاله عندو
106 gti
نصين بالموتور ال s16
بتاع الرالى
ومش نقصه أشايه

[Xpert]

باقولك يا فلايينج بيجو .. اللي عنده الاس 16 ده .. المكنه دي حلوه ؟ و تسقط علي ال 205 ولا لاء ؟ ..
قدامي ام اي 16 ... و العربيه ان شاء الله 205 .. الاحسن يتسقط الام اي 16 ولا الاس 16 ؟ (مش الاس 16 ده التيربو ؟)
و لو امكن رقم التليفون بتاع الراجل
ثانك يو

[FLYINGPEUGEOT]

بص يا xpert باشا
ال ٍs16 فى منو انواع كتير
فى s16 1600cc
وهو ده اللى بينزل فى ال106 ال gti
عشان الحوض بتاعها صغير هو موتور جميل بس حوالى 110 h.p
حلو بالنسبه لحجم العربيه ال106
اما بالنسبه لل205
فى نوعين من s16
واحد s16 2000cc
حوالى 160 حصان
والتانى اسمو gti-6
ودا حوالى 170 حصان بش مش هتلائيه خالص
وهو بيكون من غير تيربو
الموتور البيجو التيربو نوعين
واحد 150 حصان 2000cc
8v
وده نزل فى البيجو ال406وال 605
والنوع التانى
الاسطوره اللى قلب موازين الرالى واسمو
t16
2000cc
16v
220 h.p
وده نزل فى البيجو ال205 وال405 الt16
بس دا تنساه خالص عشان بيجو معملتش فى العالم كلو غير حوالى 400 موتور t16
وعلى فكره فى واحد فى مصر معاه الموتور ده بس طالب فيه 35 الف جنيه !!!!!!!!!
دلوئتى بالنسبه لعربية حضرتك
فى 3 اختيارات
s16 2000 cc
mi 16 1905 cc
605 turbo 2000cc 8v
كلهم تقريبا فى نفس القوه
بس الs16 عامل زى الرزيه وهايبئى تئيل شويه فى ال205
الmi 16 مناسب عندك جدا وهيتسأط من غير مشاكل ان شاء الله
ووزنو اخف كتير من s16
ال2000cc التيربو
اخف من الاتنين هو صحيح 150 h.p
يعنى اقل فى الهورس باور من ال mi ,s16
بس احمى منهم بكييييييييييييييييييييييييييييييييييييير
يعنى لو جبت 3 عربيات 205
كل وحده فيها موتور من المواتير دى
1-التيربو هتسبء التنين بفرء كبير
2- ال mi 16
3 -ال s16
ودا مش معناه ان ال s16 2000cc
وحشه دى مكنه جامده جدا بس هى هتبئى تئيله فى ال205 عشان وزنها
ولحضرتك الاختيار
واسف لو طولت عليك اصلى بحب البيجو جدا وبفرح لما الاءى حد مهتم بيها بالذات لو عايز يسءط ويعدل وانا موجود لو عوزت اى معلومه او اىخدمه انت تؤمر يا باشا;):)

[Xpert]

يا باشا الله يخليك .. انا بقي البيجو مابحبش فيه غير ال 504 و ال505 و ال205 و خلاص علي كده ,, و ممكن ال 405 لو عربيه فرنساوي و حلوه هه

[FLYINGPEUGEOT]

انت فين يا أمير باشا ومشاركتش معانا ليه غى الاحصاء

[Mzeid]

إزيك يا FLYINGPEUGEOT .. بقول لك إيه واضح إنك فاهم في البيجو كويس أوي .. بس كنت عايز أطلب منك طلب .. لو تقدر تعمل THREAD عن الحاجات اللي عملتها في عربيتك علشان أنا نفسي أعرف أنت عملت إيه فيها .. ممكن .. ؟!

[FLYINGPEUGEOT]

عامل يا كامارو يا ابنى جهجهجهجه اصل اسمو (محمد هانى)

انا كنت عامل توبيك قبل كده....بس ان شاء الله اخللص على خير...وانزل صور
وخطوات المشروع...والتعديلات كمان

[Mzeid]

بابا حبيبي .. :p:p مستنيك تخلص يا باب و أبقى قول لي عملت إيه .. ؟!
و سيب ماما في حالها مش كل شوية تتخانقوا بقى زز الله .. :D:D

[FLYINGPEUGEOT]

جهجهجهجهجهجهجهجهججه
والله انتو الاتنين جننتونى......جهجهججهججهجهجه
:D:D:D:D:D


وهخللص العربيه يابنى واعرفك كل حاجه...عشان انت اللى هتاخدها من بعدى
هو انا يعنى بعمل كل دا لمين...ماهو عشان خاطرك ياآخر العنقود
جهجهجهجهجهجهجهجهجهجهجه
:D:D:D:D:D:D

بس حاسب من عمامك بعد ما اموت ...لا يكلوها عليك :D
......
الا صحيح...اشمعنى دايما فى الافلام...العمام...بيطلعو زئاب بشريه؟؟!!!!

[Mzeid]

بقول لك إيه متعرفش سم كويس و يكون فعال علشان في واحد اسمه FLYINGPEUGEOT .. أيوة هو أبويا هيديني العربية بتاعته بعد ما يموت .. أيوة بعد ما يموت .. أيوة عليييك نور أنا هحطله السم في الأكل علشان يموت و أخلص بقى و آخد العربية الطلقة بتاعته :D:D:D:D:D:D
عارف ليه العمام بيطلعوا ذئلب بشرية .. لأن الخال والد .. و العم عم .. إيه لأ يا عم عبده مش بنتكلم عليك و لا حاجة خلص شغلك أنت بس .. المهم عرفت ليه العم بيطلع ذئب بشري نيهههههههههه يا اما إلحقوني عمي بيجري ورايا و عايز ياكلني يمااااااااااااااااااااا
:D:D:D:D

[AMIRB11S]

m3lsh ya flyingpeugeot ana sa2lt so2al w meshit b3diha bas asli mod3 ani a3mel 7aga fil 106 shaklaha kda hatet2agl fatra toila 3ashan el 3rbia fiha mashakel ktiiir awi w 3iza tetzabat w kda da 7ata lssa darbet m3ia wesh cylinder ambar7 :S
w kont ba2li fatra kbira awi mad5ltsh 3ala site bas wallhi ana astafad ktir awi menak w makontsh a3rf an el s16 bitb3 hna fi masr kont bal3b biha bas fil games w mara tania shokran 3ala kol eli rad 3lia ...... :)