استفسار عن سعر بيجو 405 موديلات 1990 و 1991

[amin3]

بعد اذنكم عايز اعرف سعر البيجو 405 1600 سي سي موديلات1990 و 1991 و 1992 الفرنساوي الاصلي سعرهم كام دلوقتي لو هي تكييف وباور وزجاج وسنتر وبحاله جيده تعمل كام بالضبط ياريت يكون من حد فاصل في السوق او حد لسه سائل قريبا عنها او حد لسه شاريها قريبا ؟؟؟؟؟
ولكم جزيل الشكر

[amin3]

معقوله محدش رد خالص من خبراء البيجو وفي منتدي البيجو !!!!!
هي حاجه صعبه اوي كده !!
ده انا قلت اول ماهكتب للمنتدي علي طول هلاقي السعر مكتوب بعدها بثواني !!!؟؟؟؟
فين الناس
فين الاجابات؟

[amin3]

يا ناس حد يفيدني لو سمحتوا !!

[the-hero]

بتعمل من 33 الى 37 على حسب الحالة والمصاريف اللى هتحتاجها واهم حاجة تكون اساساتها سليمة
وانصحك تجيب عربية متنكش محتاجة مصاريف وشد وصاحبها معتنى بيها

[amin3]

ياباشا الف الف شكر علي ردك الجميل وذوق حضرتك ومجهودك الملحوظ في منتدي البيجو
بس ياريت حضرتك تقولي رينج كل موديل في السنوات 90 و91 و92 علي حدا يعلي مثلا 90 لو حالتها كويسه هتبدا من كذا ..الي كذا ..و91 هتبدا من كذا.. الي كدا ..وهكذا وهكون شاكر فضلك جدا

[amin3]

ياباشا الف الف شكر علي ردك الجميل وذوق حضرتك ومجهودك الملحوظ في منتدي البيجو
بس ياريت حضرتك تقولي رينج كل موديل في السنوات 90 و91 و92 علي حدا يعلي مثلا 90 لو حالتها كويسه هتبدا من كذا ..الي كذا ..و91 هتبدا من كذا.. الي كدا ..وهكذا وهكون شاكر فضلك جدا

[the-hero]

كلو الشكل القديم من 1988 الى 1992سواء حالة وحشة وهتتشد من الالف للياء مش هتقل عن 30 الف عشان يتصرف عليها فى حدود 5-7 تلاف تبقى جامدة جدا بس تكون دواخلها واساساتها سليمة
ولو عليت برضوا مهما تعلى 37 ال 38 الف بالكتيير او تبقي حاله شاذة

[amin3]

ياباشا انا نزلت السوق واتضح لي ان الاسعار اللي حضرتك كتبتها دي مبالغ فيها اوي
يعني انا اشتريك خلاص موديل 95 وحالته جيده جدا ب35 الف جنيه وكان معايا سمكري وميكانيكي شاطرين كمان
وكان كمان قدامي موديلات اعلي من كده بنفس السعر بس حالتها مش كويسه
وشكرا

[tamer_a7]

هو اداك سقف الاسعار والاخ الكريم برده تفضل وقال انه في اسعار بتبدا من 30
علي العموم حقيقه حاليا الاسعا في حدود 33 لو حاله نظيفه بالنسبه للموديلات اللي قلت عليها