اخيرا انضميت الي الاسود

[mmd3]

اشتريت من حوالي يومين كدة اسد صغير علي قدي اسمة 305 وبصراحة عربية جميلة في حاجات و مش حلوة في حاجات تانية
بس انا كان معايا قبلها 128 ولو حبيت اني اعمل مقارنة اقولوكو انة فرق السما والارض بين العربيتين
يعني مفيش حتي وجة تشابة بينهم غير انهم 4 ابواب و 4كاوتشات و شنطة وكبوت هو دة اللي مشتركين فية وبس

العربية موديل 1979
فبريكة دواخل
فرش جلد وعلية كمان كسوة علشان ميتخربش ولا يتجرح
لونها احمر
الكاوتش حالتة جيدة
مفيهاش تكييف ولا زجاج كهربا ولا سنتر ولا انذار ولا باور
مفيهاش بارومة فعلا
نفس رقم الموتور هو هو رقم الشاسية

بكام ........12000 جنية
سعرها كدة كويس ولا غالي شوية

مميزات العربية
تسارع اعلي بمراحل عن ال 128
ثبات حتي ال120 كم /ساعة
اوسع بكتيييييييييييير عن ال128
الكبوت بيتفتح عكس ال128
لو فيها 6 اشخاص او شخص واحد هو هو عزم العربية مش بيقل
مبتسخنش الا لو قرصت جامد علي الموتور
الشنطة واسعة بمراحل عن ال 128
سواقتها مريحة و تحس انك واخد راحتك علي الكرسي
عفشة جميلة

عيوب العربية

بتاكل بنزين جامد
قطع غيارها غالية ومش عند اي حد
لو الموتور باظ مبيتعملوش عمرة بيتغير كلة
الجنوط لو باظت هدوخ عليها علشان 3 مسمار


هودة تقييمي للعربية من اول يومين وهقولوكو علي اللي هيحصل فيها اول باول

عايز مساعدتكم بقي علشان اوضبها و اخليها شكلها حلو

[amadjoo]

الف مبروك عليك...وربنا يديلك خيرها ويكفيك شرها
متهيألى موضوع أكل البنزين ده مرتبط بسواقتك وقرصك على العربية ويمكن لما تتعود عليها يتظبط معاك الموضوع ده...عموما بصراحة أبا معرفش كتير عن ال305 بس مادام بيجو يبقى إن شاء الله هاتبقى خير رفيق لك فى السنوات القادمة وربنا يكرمك

[boody504]

الف مبروك وربنا يديك خيرها ويكفيك شرها بس خليك حنين عليها علشان تحبك

[amrfox2002eg]

اشتريت من حوالي يومين كدة اسد صغير علي قدي اسمة 305 وبصراحة عربية جميلة في حاجات و مش حلوة في حاجات تانية
بس انا كان معايا قبلها 128 ولو حبيت اني اعمل مقارنة اقولوكو انة فرق السما والارض بين العربيتين
يعني مفيش حتي وجة تشابة بينهم غير انهم 4 ابواب و 4كاوتشات و شنطة وكبوت هو دة اللي مشتركين فية وبس

العربية موديل 1979
فبريكة دواخل
فرش جلد وعلية كمان كسوة علشان ميتخربش ولا يتجرح
لونها احمر
الكاوتش حالتة جيدة
مفيهاش تكييف ولا زجاج كهربا ولا سنتر ولا انذار ولا باور
مفيهاش بارومة فعلا
نفس رقم الموتور هو هو رقم الشاسية

بكام ........12000 جنية
سعرها كدة كويس ولا غالي شوية

مميزات العربية
تسارع اعلي بمراحل عن ال 128
ثبات حتي ال120 كم /ساعة
اوسع بكتيييييييييييير عن ال128
الكبوت بيتفتح عكس ال128
لو فيها 6 اشخاص او شخص واحد هو هو عزم العربية مش بيقل
مبتسخنش الا لو قرصت جامد علي الموتور
الشنطة واسعة بمراحل عن ال 128
سواقتها مريحة و تحس انك واخد راحتك علي الكرسي
عفشة جميلة

عيوب العربية

بتاكل بنزين جامد
قطع غيارها غالية ومش عند اي حد
لو الموتور باظ مبيتعملوش عمرة بيتغير كلة
الجنوط لو باظت هدوخ عليها علشان 3 مسمار


هودة تقييمي للعربية من اول يومين وهقولوكو علي اللي هيحصل فيها اول باول

عايز مساعدتكم بقي علشان اوضبها و اخليها شكلها حلو

الف مبروك عليك وعلينا بيجوهاتى جديد
1-فعلا زى ما قال الاخوة استهلاك البنزين الى حد ما يعتمد عليك وعلى سواقتك، انا لسه مبتدئ فى السواقة وعربيتى بيجو 305 موديل 79 والماتور لسه جايبه استيراد من حوالى شهرين وظبط الكاربراتير استهلاك البنزين عند 160 كيلو/الصفيحة (واكرر ان انا لسه مبتدئ فى السواقة)
2-قطع الغيار غالية شوية بس مش غالية قوى ياعنى وفعلا مش هاتلاقيها عند اى حد وبما انك فى السويس اعقتد لو عايز تجيب حاجة كبيرة هاتيجى مشوار القاهرة ومادمت نزلت القاهرة يبقى مشكلة مكان الشراء اتحلت هاتنزل الوكالة وهاتلاقى اللى انت عاوزه
وفى حاجة كمان لو عوزت تسال على حاجة قبل ما تشتريها تقولنا هنا فى المنتدى وانا هاحاول اسالك عليها واقولك السعر كمان ولو الظروف كويسة وتمام اشتريهالك وابعتهالك السويس فانا ليا صديق بينزل السويس مرة اسبوعيا وهاتبقى العملية سهلة
3-الماتور البايظ بيتعمله عمرة زيه زى اى عربية بس برضه مش بتتعمل عند اى حد هاتعملها هنا فى القاهرة او هاتشترى ماتور ستيراد وريان يعينك
4-الجنوط موجودة عند المشاهير اللى هنا فى مصر زى اشرفكو اى فرع راجع موضوعاتى هاتلاقى تقييم لأحد فروع اشرفكو
اخوانك اليجوهاتية اللى فى القاهرة هنا فى خدمتك لتعويض النقص فى الخدمة وانا اولهم
شكرا

[mmd3]

يا جماعة بعد الترحيب دة كلة انا مش عارف اقولوكو اية غير اني مبسوط فعلا علشان جبت بيجو
ولو عشان مشكلة اكل البنزين يمكن لما اخد عليها تتطلع هي دي طبيعتها
اما بالنسبة لقطع الغيار فتقريبا كدة اتحلت لانة عمر بيقول كل حاجتها موجودة في الوكالة وانا لو احتجت قطعة مش موجودة في السويس هسالكو عليها منين وبكام وانزل القاهرة اجيبها
وفعلا اطمنت لما عرفت انة الموتور ممكن يتعمر عادي بس عند حد مخصوص
والجنوط كمان موجودة بس لو حصلها حاجة هدوخ علي اشرفكو دة او ابقي اسالكو قبل ما انزل القاهرة
كدة تقريبا كل مشاكل العربية اتحلت والحمد للة
ولو احتجت اي حاجة او حصلت اي حاجة في العربية هقولكو علي طول

1000000000000000000 شكر لكل البيجوهاتية اللي في المنتدي

[gsober]

لو عاوز اى حاجه انا معاك على طول الخط
اخوك عندوا 304 بنت عم عربيتك او تقدر تقول هى هى بس الفرق فى الشكل
اهم حاجه فى العربيه دى عدم القرص عليها يعنى مشيها على 140 بس ابدا معاها تاته تاته يعنى متكبسش عليها سايسها
وبالنسبه للجنوط موجوده بتعمل 125 حتى 150 جنيه للجنط استيراد من الوكاله ولما تحب تجيب حاجه ليها قولى وانا اقولك تجيبها من عند مين فى الوكاله عشان النصب هاناك كتيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييير
و الوتور بيتعمله عمره عادى جدا
بس مش عند اى حد لو عاوز ميكانيكى كويس فى القاهره انا ممكن ادلك عليه
و متقلقش من اقوال المحبطين واوعى حد يكرهك فى عربيتك معاك عربيه جميله بس للى يحبها ويقدرها صح
ربنا يديلك خيرها ويكفيك شرها يارب العالمين وتكون وشها حلو عليك وعلى اهل بيتك قادر ياكريم

[meemo the beast]

اشتريت من حوالي يومين كدة اسد صغير علي قدي اسمة 305 وبصراحة عربية جميلة في حاجات و مش حلوة في حاجات تانية
بس انا كان معايا قبلها 128 ولو حبيت اني اعمل مقارنة اقولوكو انة فرق السما والارض بين العربيتين
يعني مفيش حتي وجة تشابة بينهم غير انهم 4 ابواب و 4كاوتشات و شنطة وكبوت هو دة اللي مشتركين فية وبس

العربية موديل 1979
فبريكة دواخل
فرش جلد وعلية كمان كسوة علشان ميتخربش ولا يتجرح
لونها احمر
الكاوتش حالتة جيدة
مفيهاش تكييف ولا زجاج كهربا ولا سنتر ولا انذار ولا باور
مفيهاش بارومة فعلا
نفس رقم الموتور هو هو رقم الشاسية

بكام ........12000 جنية
سعرها كدة كويس ولا غالي شوية

مميزات العربية
تسارع اعلي بمراحل عن ال 128
ثبات حتي ال120 كم /ساعة
اوسع بكتيييييييييييير عن ال128
الكبوت بيتفتح عكس ال128
لو فيها 6 اشخاص او شخص واحد هو هو عزم العربية مش بيقل
مبتسخنش الا لو قرصت جامد علي الموتور
الشنطة واسعة بمراحل عن ال 128
سواقتها مريحة و تحس انك واخد راحتك علي الكرسي
عفشة جميلة

عيوب العربية

بتاكل بنزين جامد
قطع غيارها غالية ومش عند اي حد
لو الموتور باظ مبيتعملوش عمرة بيتغير كلة
الجنوط لو باظت هدوخ عليها علشان 3 مسمار


هودة تقييمي للعربية من اول يومين وهقولوكو علي اللي هيحصل فيها اول باول

عايز مساعدتكم بقي علشان اوضبها و اخليها شكلها حلو

1000 1000 مبروك

أخوك معاه 305 من سنة 2003و من خلال نلك الفترة الطويلة أحب أقولك انها لا تقارن باي فيات مش 128 بس و كمان العيوب اللي حضرتك بتتكلم عنها دي مش موجودة الا يمكن بعض قطع الغيار لكن موضوه البنزين واضح ان هتاك خلل ما عندك لأن من أهم مميزات ال305 النعومة الشديدة و توفير البنزين الذي يصل الى 220 الى 230 في الصفيحة
شوف كاربرتيرك و صباباتك و تاكيهاتك لأن كلمة 160 قي الصفيحة مستحيلة حتي في البيجو 504 و 505 لو العربية مظبوطة و ده اللي بيميز البيجو عن الفيات
انا بقى مشكلتي اتي اشتريت موتور جديد و مش عارف ارخصه أني مش عارف اوصل لرقم الموتور حتى بتوع الفحص و الميكانيكي لو حد يقدر يساعدني يبقى جزاه الله كل خير

و ربنا يباركلك فيها و يكفيك شرها

[amrfox2002eg]

1000 1000 مبروك

أخوك معاه 305 من سنة 2003و من خلال نلك الفترة الطويلة أحب أقولك انها لا تقارن باي فيات مش 128 بس و كمان العيوب اللي حضرتك بتتكلم عنها دي مش موجودة الا يمكن بعض قطع الغيار لكن موضوه البنزين واضح ان هتاك خلل ما عندك لأن من أهم مميزات ال305 النعومة الشديدة و توفير البنزين الذي يصل الى 220 الى 230 في الصفيحة
شوف كاربرتيرك و صباباتك و تاكيهاتك لأن كلمة 160 قي الصفيحة مستحيلة حتي في البيجو 504 و 505 لو العربية مظبوطة و ده اللي بيميز البيجو عن الفيات
انا بقى مشكلتي اتي اشتريت موتور جديد و مش عارف ارخصه أني مش عارف اوصل لرقم الموتور حتى بتوع الفحص و الميكانيكي لو حد يقدر يساعدني يبقى جزاه الله كل خير

و ربنا يباركلك فيها و يكفيك شرها

اخى العزيز اللنك التالى فيه صورة للماتور بتاع ال 305 وفيها المكانين المحتمل فيهم رقم الماتور ومش هايخرج عنه ابدا
4shared.com - photo sharing - download image XR_engine.jpg

[marwan_147]

الف مبروك ياباشا

[the-hero]

أولا اهلا وسهلا بحضرتك وسطينا هنا فى المنتدى وده مكسب لينا اننا هنتعرف على عضو واضح من كلامة الاحترام والتقدير
ثانيا الف مبروك العربية الجديدة...وربنا يرزقك خيرها ويكفيك شرها
طبعا لامجال للمقارنة بين البيجو بشكل عام والفيات لأن الفرق شاسع
اينعم قطع الغيار غالية نسبيا بس بتعيش أضعاف أضعاف الفيات وان اللى كسبان
نصحتى ليك انك تدور على واحد ميكانيكى متخصص خصوصا فى البيجو لأن مش اى حد يفهم فيه لنه بيعتبر بالنسبلهم معقد وصعب
لكن الميكانيكى الشاطر ولا تفرق معاه
أهم حاجه تنسي بقي كل اساليب صيانة الفيات من ناحية التصليح والافتكاسات والتاليف بتاع الصنيعية حاجة باظت اوعى تصلح شيل وهات غيرها سواء جديد او استيراد ايهما افضل لآن البيجو بذات مش بتاعت تأليف لأن كل شئ فيها محسوب وعلى اعلى مستوى
وبالتوفيق ان شاء الله

[mmd3]

النهاردة العربية بينت وجهها الاخر
ذهبت اغير زيت عادي وحطيت ايسو علشان لمحت مكتوب علي الحوض انها مصممة للايسو
المهم الراجل قالي مفيش مقاس الفلتر بتاع الزيت دة عندي روح هاتة من محل تاني
والمفاجاة سالت عند حوالي 6 محلات وملقيتش الفلتر ... اتصلت بواحد صاحبي معاة زيها قالي انة الفلتر بتاع 304 ممكن يشتغل معاك وفعلا ذهبت ادور علي بتاع ال304 وبردو مش لاقية
المهم فيييييين وفيييييين لما لقيت الفلتر عند بتوع قطع الغيار مش بتوع الزيت والموضوع مش بالسهولة دي دة قالي اخلع الزور اللي واصل من مكان الفلتر في الموتور للفلتر علشان اجرب علي المقاس والحمد للة اتركب علية واحد من عندة

تاني حاجة

الواير بتاع عداد السرعة اتقطع ومش لاقية خالص في السويس علشان كدة ان شاء اللة انا نازل التوفيقية بكرة او بعدة بالكتير وكمان الميكانيكي قال انة الساعة اللي فيها ترس السرعه باظت ودي طبعا مش موجودة في السويس
واهو بالمرة اجيبلها طاسات وشوية اكسسوارات من التوفيقية

بس دة ميمنعش انة العربية جميلة وشغالة معايا كويس..... بس الوش التاني دة يارب مشفهوش كتير

[amrfox2002eg]

مشاكل بسيطة ان شاء الله وتتحل وما فيش عربيى تخلا من بعض المشاكل البسيطة

[Nour_Peugeot]

الف مبرووك و ربنا يبركلك فيها

[mmd3]

يا جماعة ملقيتش الواير بتاع السرعة في التوفيقية
اجيبة منيييييييييييين

[amrfox2002eg]

انزل ش مجلس الشعب عند ميدان لاظوغلى خلف ش القصر العينى بالتحرير بتوع قطع غيار البيجو هناك كلهم ولو انت فى مصر بكره حاول تبعتلى رقم محمولك واحاول اكلمك ونتقابل ونشوف مع بعض ولو انت مش فى مصر قولى برضع علشان اظبطها معاك واجبهولك وابعتهولك