ارجو المساعدة فى307sw

[sakrouz]

اريد شراء سيارة 307SW اريد معرفة العيوب من الخبراء وعلى فكرة انا سمعت ان المتور صوتة عالى جدا والسحب ضعيف برجاء افادتى حيث انى دفعت مقدم للحجز ويمكن ابدالة ب OCTAVIA a5

[أبو_حمزة]

بص يا أخى
انا ما عنديش 307 بس اعرف ناس عندهم
العربية عيبها الوحيد الارتفاع الفظيع فى اسعار قطع الغيار و انك لازم تروح التوكيل و طبعا العربية نفسها تمنها غالى حبه
غير كده العربية ناعمة (موتور و عفشة)
و ما شاء الله شياكة داخلية لايعلى عليها و كفاية منظر العدادات اللى يشرح القلب الحزين
لو ما عندكش مشكله فى اسعار الصيانة يبقى مش ها تزعل منها ان شاء الله

اوكتافيا عربية جامده برضة بس ستايل مختلف عن 307
عربية كلاسيك قوى و كواليتى عالية

[أبو عبدالله]

هو فعلا مثلما قال اخونا ابو حمزه بالظبط

لو معندكش مشكله في المصاريف عموما لأن مصاريف التوكيل صعبه جدا خصوصا لو حصل اي شئ غير متوقع منها كعيوب في الصناعه والكلام ده هتندم اشد الندم صدقني لاو تفرق معاك الكلام ده
لو مش هيفرق يبقى خلاص

انا برضه سمعت ان في مشاكل في الاوتوماتيك بتاعها دائما وممكن تنزل الحرفيين وتسأل وتشوف كام واحد بيأتي عندهم يشتري اوتوماتيك للبيجو

وارتفاع درجة حرارة المحرك
وعدم مناسبتها لأجواءنا

وسبق وقال كريم منير ان في واحد قابله كان معاه واحده فتحت الأير باج بتاعتها وكان مطلوب 37 الف جنيه علشان يغير التابلوه كله علشان الأير باج فتح بس

[Hassan Khalil]

زي ما الاخوة قالوا بالضبط ..
العربية اكتر من رائعة .. صالون تحفة .. عدادات جميلة جدا ..صالون مبهر .. وضعية قيادة مريحة جدا .. نعومة مذهلة .. و خامات جيدة ...
كان فيه واحد زميلي حيشتري واحدة 2006 .. وهو بيكشف عليها عند مودرن سيرفيس اللي في النزهة كان معاه فني بيجو قاللو اللي ابو عبدالله و باقي الزملاء قال عليه بالضبط ...
- تكاليف صيانة التوكيل و قطع الغيار تخلي الواحد يبيع هدومه .. و اكيد الواحد مش حيكون مبسوط و هو قاعد في العربية من غير هدوم .
- موضوه الاير باجز لما تفتح .. الراجل قال انهم بيتعملوا بحوالي 30000 .. و ابو عبدالله قال 37000 ..الشاهد اننا بنتكلم في نفس نطاق الفلوس و هو التلاتينات !!!
- الفتيس الاوتوماتيك .. فيه حاجة فيه اسمها القربة .. مش عارف دي بتعمل ايه .. لكن بيقولوا دي اللي بتحصل فيها الاعطال دايما .. و اعطالها متكررة .

من ناحية تانية .. الاوكتافيا برضه مش عربية خالية من المصاريف . و تكاليفها عالية برضه الي حد ما ..لكن انتشارها معقول جدا ..
- استايل تقيل و ذو شخصية قوية .
- العربية نفسها ( خامات و جودة تصنيع ) شخصيا شايف انها افضل من البيجو ..

راي الشخصي ... توكل علي الله في الاوكتافيا A5 اذا كنت ميال ليها .. اما اذا كنت ميال لحاجة تانية .. فالقلب و ما يريد.

[sakrouz]

بجد انا متشكر جدا لكل الى حاول يساعدنى فى الاختيار وربنا يوفق ان شاء وانا عندى سوالى المعرض بيقول ان ال 307 تصنيع فرنسا ومن فرنسا على مصر اما ال Octavia فهى من كذا دول

[sakrouz]

هل شركات التامين لا تغطى تكاليف الاير باجز

[أبو_حمزة]

سكودا اوكتافيا تشيكى مملوكه لvw
التامين يغطى الارباجز لو فتحت نتيجة حادثة أما لو فتحت لوحدها يبقى ما لهومش دعوة (عشان التأمين ضد الحوادث و الرقة مش عيوب الصناعة)

[tutankhamoun]

بجد انا متشكر جدا لكل الى حاول يساعدنى فى الاختيار وربنا يوفق ان شاء وانا عندى سوالى المعرض بيقول ان ال 307 تصنيع فرنسا ومن فرنسا على مصر اما ال Octavia فهى من كذا دول

أولا الأوكتافيا تصنيع تشيكي و هي تكنولوجيا فولكس فاجن
بس حتى لو مصنوعة في دولة تانية غير التشيك أو بتصنع في عدة دول و تأتي من دول مختلفة ....... و حتى لو مصنوعة في مصر أيه المشكلة ؟؟
يا جماعة الناس عندها مفاهيم غلط كتيرة ....... أنت بتشتري منتج ..... أي يكن بلد صناعته
يعني تجيب مثلا منتج فرنسي 100 % و فيه عيوب و ماتشتريش منتج أخر جيد علشان مصنوع في دولة غير معروفة أو غير مشهورة !!!!!!

[Sharky]

يا جماعة الإيرباجز لما يفتح فى أى عربية بيكلف فلوس يعنى مثلا الياريس لما سألت فى التوكيل قالولى مش أقل من 15000 جم تغيير تابلوه فقط من غير إصلاحات الحادثة و الكرولا لا تقل عن 25000 جم

[mhm]

على فكرة الى بتقول علية بالنسبة للفتس ده المقصود بها ال307 الخليجى لانها مختلفة عن المواصفات المصرى و اسال

[sakrouz]

صيانة 307sw

ارجو الافادة عن احسن مكان لصيلنة بيجو علما بان عربيتى 307 Sw خليجى شكرا