افضل موديل لل 405

[ENG_KHALED]

اعزائي
دي اول مشاركة ليا في قسم البيجو واحب اعرفكم بنفسي اولا
اخوكم خالد مهندس ميكانيكا 2005 متزوج ومعايا عمر
و إن شأء الله أنا ناوي اشتري بيجو في حدود من 40 الي 45 وكان عندي سؤالين
1- ايه افضل موديل في البيجو 1600 سي سي
2- هو البيجو الفرنساوي اخره موديل كام
واخيرا تنصحوني بايه يعني بيجو موديل كام
ارجو الافادة

[Dr_Xefo]

فى البداية أهلا بيك فى منتدى الأسود انا وليد
ال 405 هى وحش الطريق بحق و الفرنساوى فى مصر لغاية 95 و يوجد بعد كده استيراد و مصرى لغاية 2003 و من اول 93 لغاية 2003 نفس الشكل و المواصفات بالنسبة ل 1600 سى سى المبلغ اللى معاك يجيب عربية كويسة جدا بس المهم تكشف على كبس الموتور و تتاكد ان مفيش بارومة او مشاكل فى العفشة او تكون نصين و ملحومة

[ENG_KHALED]

شكرا يا وليد علي المعلومات دي
بس برده عايز اعرف اشتري موديل كام ؟ بعد ال95 ولا ايه ؟

[Dr_Xefo]

مش هتفرق معاك فى الأمكانيات المهم الحالة

[ENG_KHALED]

يا باشا ده معناه اني الفرنساوي زي التجميع المصري؟؟؟
بعني اشتري تجميع مصري موديل اعلي من ال 95 لغاية 2003 وعلي ضمانتك ولا اخليني في الفرنساوي هاااا
حد تاني يقدر ينصحني ..وليد باشا مشكورا تعب مني
انا عارف اني رخم بس بامانه مش عايز ادبس في حاجة مش كويسة
اكيد كلكم كنتوا محتاريين زي وانتوا بتشتروا

[atamim]

و عليكم السلام ورحمه الله و بركاته

مش شرط الموديل

الشرط الحالة انك تحس فعلا ان العربية مش متهانه و عربية بيتى فعلا و اساسياتها كلها نظيفة

[the-hero]

اهلا بيك ونورت المنتدى
وبهيك على اختيارك طبعا ال 405 من افضل ااأختيارات فى فئة ال 40 الف
عندك الفرنساوى من 88 الى 95
بيتميز بتقفيل وخامات اعلى شوية وشوية حجات الوكيل المصرى وجيه اباظا طبعا مقلب العربيات بتعاتة وشايلها
بس المشكلى انك صعب تلاقى حالة جيدة فى السوق نادرة شوية
عندك بقى الموديلات الحديثة اللى بيقول عليها مصري
هى تقفيل مصرى لكن فرنساوى برضة
يعيبها بقى ردائة فى الخاكمات مقارنة بالأفرنساوى بس جييد برضوا
عندك اختلافات جوهرية بسيطة تحس انها متقلبة بفعل فاعل
طبعا مش معنى كدا ان المصرى وحش لأ جيد برضوا
بس الفرنساوى الأصلى لا يعلى علية
تقفيل وجية اباظا بقي لزم يكون عربية حالة ممتازة
اول حاجه وقفة العربية على الأرض لزم تحس ان ليها شمخة كدا مش فطسانة
الأساسات اهم حاجة حوض وقوايم وشنطة والعربية من تحت والبرومة
حالة الماتور
اكبس بيه لازم تخلى التالت يجيب 120 على الأقل
الرفايع فى الصالون وحالة الصالون طبعا بتدل على مدى محافظة صاحبها عليها
ولو احتجت اى حاجة كلنا معاك وهنسعدك بس انت اتجرء وتوكل على الله

[ahmed2y]

اهلا بيك ونورت المنتدى
وبهيك على اختيارك طبعا ال 405 من افضل ااأختيارات فى فئة ال 40 الف
عندك الفرنساوى من 88 الى 95
بيتميز بتقفيل وخامات اعلى شوية وشوية حجات الوكيل المصرى وجيه اباظا طبعا مقلب العربيات بتعاتة وشايلها
بس المشكلى انك صعب تلاقى حالة جيدة فى السوق نادرة شوية
عندك بقى الموديلات الحديثة اللى بيقول عليها مصري
هى تقفيل مصرى لكن فرنساوى برضة
يعيبها بقى ردائة فى الخاكمات مقارنة بالأفرنساوى بس جييد برضوا
عندك اختلافات جوهرية بسيطة تحس انها متقلبة بفعل فاعل
طبعا مش معنى كدا ان المصرى وحش لأ جيد برضوا
بس الفرنساوى الأصلى لا يعلى علية
تقفيل وجية اباظا بقي لزم يكون عربية حالة ممتازة
اول حاجه وقفة العربية على الأرض لزم تحس ان ليها شمخة كدا مش فطسانة
الأساسات اهم حاجة حوض وقوايم وشنطة والعربية من تحت والبرومة
حالة الماتور
اكبس بيه لازم تخلى التالت يجيب 120 على الأقل
الرفايع فى الصالون وحالة الصالون طبعا بتدل على مدى محافظة صاحبها عليها
ولو احتجت اى حاجة كلنا معاك وهنسعدك بس انت اتجرء وتوكل على الله

انا كنت منتظر اسمع ردك يا هيرو

[amr mokhtar]

طيب ممكن أعرف إيه الفروق الجوهرية ما بين المصرى و الفرنساوى؟
و هل فيه إختلاف فى كماليات العربية؟

معلش انا بستغل المواضيع اللى فيها أسئلة عشان أعرف أكتر
انا مازلت بيجوهاتى برضه

[ahmed2y]

احد الفروقات الكراسى او الصالون الفرتساوى مريح اكتر ويا سلام بقى لو الجلد الاصلى مالوش حل

[ENG_KHALED]

ايه الحلاوه دي شكرا ياهيرو انا شوفت مشاركاتك في المنتدي وكان فعلا نفسي ترد عليا انت وبعض الزملاء زي "فلاي" و "بلاتين" وغيركم كتير
علي العموم معلومات جامدة و انا انشاء الله ناوي اشتري وربنا ان شاء الله يكرمني بحاجه كويسة
بس انا حساس اني 120 كتير قوي علي التالت
(التالت عندي في ال 128 بيجيب 70 بالعافيه )
طيب العافشة جامدة زي الفرنساوي؟
حاجة كمان ينفع احط بنزين 80 ولا غلط علي العربيه
وبعدين ايه الموديلات اللي بكاربراتير وايه انجيكشن ( ويفضل ايه )
كمان هو التجميع المصري (وجيه باشا) لحد سنة كام

بخصوص الكماليات
اقصي كماليات في 405 1600 ايه
مثلا 4 زجاج كهربا ولا 2 بس / فتح التانك والشنطة من جوه ولا من بره
من الاخر هحس اني راكب عربية قريبة من العربيات الزيرو من ناحية الكماليات ولا ايه ؟؟

[mohamedadelemam]

السلام عليكم..أنا معايا 405 تقفيل مصرى أقل فئة..الحمد لله والدتى كانت جايباها من الزيرو..وبعد كده جابت ميجان...والله بشهادتها هى زى الميجان ولا تقل عنها...هى كانت بس مشكلة الفرش وتركيب ماكينات الزجاج الأمامى الكهرباء...غير كده فهى عربية فوق الرائع والله...والحمد لله لحد الآن حتى مغيرتش ظبطة الكهرباء بتاعة الفابريقة وكل المشاكل بس بتبقى فى تسليك كاربيراتير والكلام الفاضى دا...والتكيف بس دا للأسف شكله عيب صناعة...وأنا على فكرة ركبت الفرنساوى كتير غير إن والدى معاة 605...من الداخل لا تشعر بفرق غير فى خامات فرش الباب..ربنا يوفقك وتلاقى واحدة..أنا فكرت أبيع بس رجعت فى كلامى بسرعة بعد ما جربت عربيات كتير جديدة لغاية الفكترا ومش لاقى حاجة زيها

[Nour_Peugeot]

الفرنساوي والله لغايه انهرده جلد التابلوه و الدركسوين بملعته و طري جدا و الفرش نفس الكلام و احس ان كل حاجه في مكنها مظبوطه

انا عربيه والدي 405 موديل 90 عيز يبعها بس متردد

و كمان احنا حطينا فيها موتور البرستيج

و بقيت زي الفل والله لما بركبها و بركب المصري بحس بفرق والله

[waleedabbas]

ايه الحلاوه دي شكرا ياهيرو انا شوفت مشاركاتك في المنتدي وكان فعلا نفسي ترد عليا انت وبعض الزملاء زي "فلاي" و "بلاتين" وغيركم كتير

علي العموم معلومات جامدة و انا انشاء الله ناوي اشتري وربنا ان شاء الله يكرمني بحاجه كويسة
بس انا حساس اني 120 كتير قوي علي التالت
(التالت عندي في ال 128 بيجيب 70 بالعافيه )
طيب العافشة جامدة زي الفرنساوي؟
حاجة كمان ينفع احط بنزين 80 ولا غلط علي العربيه
وبعدين ايه الموديلات اللي بكاربراتير وايه انجيكشن ( ويفضل ايه )
كمان هو التجميع المصري (وجيه باشا) لحد سنة كام

بخصوص الكماليات
اقصي كماليات في 405 1600 ايه
مثلا 4 زجاج كهربا ولا 2 بس / فتح التانك والشنطة من جوه ولا من بره

من الاخر هحس اني راكب عربية قريبة من العربيات الزيرو من ناحية الكماليات ولا ايه ؟؟

المصرى لا يقل فى الكفاءة عن الفرنسى فروق بسيطة فى الفرش والصالون وكمان المصرى لغاية موديل 2001 معظم مكوناته فرنسى وبعد كده فى مكونات مصرى اكتر بس برضه حاجات بسيطة ونضيفة زى الزجاج والفوانيس
اما بالنسبة لل120 على التالت دى حضرتك فهمت غلط هى 120 على التانى مش على التالت ولو قرصت شوية تبقى 140 على التانى بس طبعا بتكون دخلت فى الخطر على الموتور
اقصى كماليات فى ال 1600 كربراتير 2 زجاج كهربا وباور وسنتر والتنك والشنطة من الخارج ولكن الاتنين بيفتحوا ويقفلوا مع السنتر ودى ميزة مش فى عربيات كتير
اما طبعا البرستيج الانجيكشن فيها كماليات اكتر زى 4 زجاج كهرباء وفى منها اوتوماتيك ومرايات كهرباء
وياريت بلاش تحط بنزين 80 هى هتمشى عادى بس البيجو مواتير محترمة مش بتحب المعاملة دىبلاش تزعلها

[ENG_KHALED]

شكرا يا جماعة علي كل الردود دي
وادعوا لي اجيب حاجة كويسة ويكون لي الشرف وابقي واحد منكم

اما بالنسبة لل120 على التالت دى حضرتك فهمت غلط هى 120 على التانى مش على التالت ولو قرصت شوية تبقى 140 على التانى بس طبعا بتكون دخلت فى الخطر على الموتور

انت شكلك بتهزر يا وليد باشا
انا بسوق مرسيدس 230 سى سى واخر التاني 80