مساعدة في 406

[الريس]

في البداية السلام عليكم و شكرا مقدما

في عربية بيجو 406 موديل 2002 سماوي معروضة في كونتاكت كارز
ماشية 125 الف
طبقا لكلام صاحبها اللي هقابله ان شاء الله بكرة انها راشة باب يمين فقط
و صياناته و تغيير زيت فتيس في التوكيل
و العربية بتاعة مراته و المشاوير جوه مدينة نصر
و الاستاذ خالد (صاحبها) بيقول انه اول يد
المطلوب 73 الف
و معروضة بقالها اسبوعين في كونتكت

ايه رأيكم
انا اصلا بحب العربية دي و ركبتها برة فترة بسيطة (5 ايام ) و وقعت في غرامها
بس معرفش اي حاجة عن بيجو في مصر و لا الاسعار في السوق و لا التوكيل و خلافه

ممكن حد يفيدنا بقى و له جزيل الشكر و دعوتين في الحرم اصلي رايح اعمل عمرة ان شاء الله

[monamor_kill]

سيارة ممتازة ولكن حاول تبعد عنها بسبب قلة انتشارها فطبعا قطع الغيار شحيحة جدا فطبعا غاليه نار وغير متوفرة الا بالتوكيل وبالنسبه للصيانه مكلفة جدا لأن مافيش حد بيفهم فيها كتير وطبعا التوكيل بتاعها حرامى واحد صاحبى راح يظبط العفشه اخزوا منه 6 الاف جنيه على ايه مش عارف غير انها معظم شغلها على حساسات كمبيوتر للاسف تكنولوجياعاليه جدا ولكن احنا شعب بسيط وغلبان عايز موتور على فردتين شاسيه واربع عجلات لزلك تجد السيارات القويه مثل اوبل ورينو وسوبارو والفا رميو غير منتشرة مثل الصفيح لانوس ولانسر وكورولا وغيرهم تاخد مطب ما تطلعش منه سليم والخلاصة العربيه تحفه ولكن فكر كويس والله الموفق

[waleedabbas]

سيارة ممتازة ولكن حاول تبعد عنها بسبب قلة انتشارها فطبعا قطع الغيار شحيحة جدا فطبعا غاليه نار وغير متوفرة الا بالتوكيل وبالنسبه للصيانه مكلفة جدا لأن مافيش حد بيفهم فيها كتير وطبعا التوكيل بتاعها حرامى واحد صاحبى راح يظبط العفشه اخزوا منه 6 الاف جنيه على ايه مش عارف غير انها معظم شغلها على حساسات كمبيوتر للاسف تكنولوجياعاليه جدا ولكن احنا شعب بسيط وغلبان عايز موتور على فردتين شاسيه واربع عجلات لزلك تجد السيارات القويه مثل اوبل ورينو وسوبارو والفا رميو غير منتشرة مثل الصفيح لانوس ولانسر وكورولا وغيرهم تاخد مطب ما تطلعش منه سليم والخلاصة العربيه تحفه ولكن فكر كويس والله الموفق

مش عارف ليه يا باشا حاسس انك بتتكلم عن عربية تانية خالص صحيح العربية فيها تكنولوجيا معقولة وف وقتها كانت متطورة جدا طبعا لكن بالنسبة للعربيات دلوقتى تعتبر تكنولوجيا معقولة مش مبالغ فيها ولو ان انا الحمد لله مش من اعداء التكنولوجيا او من الناس ال بتخاف تجيب عربية فيها تكنولوجيا لكن العربية مش معقدة وكل مراكز الصيانة المعتمدة بتشتغل فيها ماهو مش معقول هتجيب عربية محترمة وتروح بيها لميكانيكى عادى اكيد هيقولك دى زبالة وفيها وفيها
المهم العربية انتشارها كويس مش قليلة ولا حاجة بالنسبة لفئتها وسعرها كمان وهى جديدة فضلت تنافس وتبيع لسنين كتير وفى نفس الوقت مش منتشرة اوى زى العربيات ال الواحد بيزهق من كتر ما بيشوفها ودى حاجة مش حلوة الا فى انتشار قطع الغيار
اما بالنسبة لقطع الغيار فهى متوفرة جدا وف كل مكان سواء الاستيراد او الجديد وبره التوكيل فى كل حتة واسعارها معقولة جدا واقل من عربيات حديثة كتير وارخص من عربيات يابانى وكورى كمان
اهم حاجة بس تكشف عليها فى التوكيل او فى مركز المهندس محمد صلاح فى شارع المطرية وهو يطمنك عليها وعلى الفتيس وبعد كده طبعا انت عارف العربية بجد همش هتندم

[الريس]

سيارة ممتازة ولكن حاول تبعد عنها بسبب قلة انتشارها فطبعا قطع الغيار شحيحة جدا فطبعا غاليه نار وغير متوفرة الا بالتوكيل وبالنسبه للصيانه مكلفة جدا لأن مافيش حد بيفهم فيها كتير وطبعا التوكيل بتاعها حرامى واحد صاحبى راح يظبط العفشه اخزوا منه 6 الاف جنيه على ايه مش عارف غير انها معظم شغلها على حساسات كمبيوتر للاسف تكنولوجياعاليه جدا ولكن احنا شعب بسيط وغلبان عايز موتور على فردتين شاسيه واربع عجلات لزلك تجد السيارات القويه مثل اوبل ورينو وسوبارو والفا رميو غير منتشرة مثل الصفيح لانوس ولانسر وكورولا وغيرهم تاخد مطب ما تطلعش منه سليم والخلاصة العربيه تحفه ولكن فكر كويس والله الموفق

اشكر اهتمامك بالرد
و لكن
في عربية اوروبي 2000 سي سي و بالجمال ده و المواصفات دي و السعر ده
لا اعتقد
و انا معايا ماتريكس و صني و العربيات دي تقدر تقول انها عربيات استهلاكية مش ركوبة يعني
و حابب اغير
بس مش عاوز البس في الحيط
و شكرا مرة تانية

[الريس]

مش عارف ليه يا باشا حاسس انك بتتكلم عن عربية تانية خالص صحيح العربية فيها تكنولوجيا معقولة وف وقتها كانت متطورة جدا طبعا لكن بالنسبة للعربيات دلوقتى تعتبر تكنولوجيا معقولة مش مبالغ فيها ولو ان انا الحمد لله مش من اعداء التكنولوجيا او من الناس ال بتخاف تجيب عربية فيها تكنولوجيا لكن العربية مش معقدة وكل مراكز الصيانة المعتمدة بتشتغل فيها ماهو مش معقول هتجيب عربية محترمة وتروح بيها لميكانيكى عادى اكيد هيقولك دى زبالة وفيها وفيها
المهم العربية انتشارها كويس مش قليلة ولا حاجة بالنسبة لفئتها وسعرها كمان وهى جديدة فضلت تنافس وتبيع لسنين كتير وفى نفس الوقت مش منتشرة اوى زى العربيات ال الواحد بيزهق من كتر ما بيشوفها ودى حاجة مش حلوة الا فى انتشار قطع الغيار
اما بالنسبة لقطع الغيار فهى متوفرة جدا وف كل مكان سواء الاستيراد او الجديد وبره التوكيل فى كل حتة واسعارها معقولة جدا واقل من عربيات حديثة كتير وارخص من عربيات يابانى وكورى كمان
اهم حاجة بس تكشف عليها فى التوكيل او فى مركز المهندس محمد صلاح فى شارع المطرية وهو يطمنك عليها وعلى الفتيس وبعد كده طبعا انت عارف العربية بجد همش هتندم

شكرا لاهتمامك
انا فعلا يا استا وليد دورت في مشاركات اصحاب بيجو و لقيتك كاتب تليفون و عنوان استا صلاح
و كلمته و غالبا لو هاكشف هاكشف عنده تجنبا لزحمة التوكيل و احتمال وجود علاقات او تظبيط في التوكيل

بس سؤالي
يا ترى السعر ده غالي
و لا كويس
و الكيلو متر ده كتير و لا ايه
و شكرا مرة تانية

[monamor_kill]

على فكرة انا قولت العربيه محترمة ولكن الاخ اللى بيقول انا بتكلم على عربيه تانيه ممكن تقول لى اى سعر لقطع غيارها المستهلكة وممكن تقولى فيه اى حد كاتب اى اسعار لقطع غيارها على المنتدى انا غير متحيز لأننى سألت عليها لأنى كنت بصدد شراء واحدة بس غيرت رأيي لما سألت عليها والحمد لله جبت مرسيدس زلاموكة ولو عايز بيجو فكر فى 405 لأنها بالنسبه للأنتشار رهيب وقطع الغيار منتشرة جدا والدليل فى المنتدى وشوف ها تلاقى 405كل حاجه عنها موجودة واى ميكانيكى بيشتغل فيها وده مجرد رأى حيادى واقصد به النصيحة لوجه الله وشكرا

[waleedabbas]

اعتقد يا باشا انا وجهت كلامى لحضرتك مباشرة من غير الاخ ومن غير الاسلوب ده فى التجاهل ولما اتكلمت ماقصدتش انتقاد حضرتك بالعكس ايدتك بدليل انى اخدت اقتباس لكلامك لكن ال استغربته هو ال حطيته باللون الاحمر وكلامى كان بصيغة محترمة وباسلوب هزار مش سخرية طبعا وطبعا لازم استغرب جدا لان حضرتك بتقول قطع الغيار شحيحة جدا فطبعا الاسعار نار وللاسف ان قطع الغيار متوفرة جدا زى ال 405 واسعارها مش نار ولا حاجة اسعارها معقولة فى رنج معظم العربيات الحديثة واقل من عربيات كتير وانا قارنت قبل كده بعض اسعار قطع الغيار مع عربيات يابانى زى اللانسر مثلا وكانت ال 406 ارخص وهقولك اى سعر لقطع غيارها المستهلكة زى ايه مثلا ؟
تيل فرامل اورجينال 250 جنيه الاسبانى 110 وفى انواع تانية ب 70 جنيه مثلا
الفانوس الكريستال الاصلى استيراد بيعمل 250 جنيه

اما بالنسبة للحيادية ف الحمد لله انا او غيرى من الاخوة هنا بنقول راينا بحيادية وعمرى ماهرضى انى ادبس حد فى حاجة وحشة او اقول معلومة غلط

[waleedabbas]

شكرا لاهتمامك
انا فعلا يا استا وليد دورت في مشاركات اصحاب بيجو و لقيتك كاتب تليفون و عنوان استا صلاح
و كلمته و غالبا لو هاكشف هاكشف عنده تجنبا لزحمة التوكيل و احتمال وجود علاقات او تظبيط في التوكيل

بس سؤالي
يا ترى السعر ده غالي
و لا كويس
و الكيلو متر ده كتير و لا ايه
و شكرا مرة تانية

عفوا يا باشا
بالنسبة للسعر انا مش متابع بصراحة اسعار السوق بس اعتقد انه كويس لكن هو بالنسبة للسعر من سنة مثلا حلو جدا واعتقد انه مناسب ولو العربية نضيفة وتستاهل مش خسارة فيها هى تستاهل كل جنية يدفع فيها حتى لما كانت ب 240 الف زيرو كانت تستاهل تمنها
بالنسبة للكيلو متر يا باشا انت بتتكلم فى بيجو يعنى ان شاء الله معاك لغاية المليون لما تفكر تعمر ولو استهلاك قاسى كمان مش قبل 500 الف على ما تفتح شغل فى الموتور طالما بتعمل الصيانات فى مواعيدها وبالنسبة للفتيس بس اطمن انه كان بيغير الزيت فى مواعيده وبيحط الزيت الاصلى وبرضه لازم تكشف عليه

[monamor_kill]

والله لما اقول اخ ما فيش مشكله انا مش قصدى ما فهمته من تجاهل العظمه لله يا استاز وليد يا ريت لو تملك 406 تحاول ترفق بعض اسعار قطع الغيار لأن ما شفتش حد عامل عليها موضوعات زى 405 وبعدين ممكن تبقى العربيه حلوة وتكرهها بسبب الصنايعيه ولما تروح توكيل وتحس انه بيشتغلك وللاسف ما تقدرش تتكلم وبعدين العربيه دى لو حبيت تبيعها لازم تدلل عليها وانا رأى ان ممكن تجيب كورولا او لانسر بالسعر ده وده مش تقليل من 406 بس عايز رفاهيه وراحه واكسسوارات متوفرة هو ده طريقك والله 406 دى عربيه معقدة وابسطها واحد بيقولى العربيه مبطلها بالليل زى الفل جاى ادورها الصبح بيفتح الكونتاك ولا كأنه فاتحة وشويه راحت شغاله لوحدها واحد تانى قال له الكمبيوتر مهنج لسوء استخدام معين طب انا اجيب عربيه احسس عليها ولا استمتع بيها وبعدين الصيف بقى وحش عندنا وطبعا من غير تكييف ها تتخنق وتكييف البيجو لو عطل ها تكره تصلحه لأنه مكلف جدا وما بيرجعش زى الاول وأسأل عنها كويس وده مجرد رأى شخصى يعبر عن وجهة نظرى وليس وجهة نظر الجميع وقد اكون مخطىء لزلك مش عايز حد يقول انى مش عارف فيها

[الريس]

عفوا يا باشا
بالنسبة للسعر انا مش متابع بصراحة اسعار السوق بس اعتقد انه كويس لكن هو بالنسبة للسعر من سنة مثلا حلو جدا واعتقد انه مناسب ولو العربية نضيفة وتستاهل مش خسارة فيها هى تستاهل كل جنية يدفع فيها حتى لما كانت ب 240 الف زيرو كانت تستاهل تمنها
بالنسبة للكيلو متر يا باشا انت بتتكلم فى بيجو يعنى ان شاء الله معاك لغاية المليون لما تفكر تعمر ولو استهلاك قاسى كمان مش قبل 500 الف على ما تفتح شغل فى الموتور طالما بتعمل الصيانات فى مواعيدها وبالنسبة للفتيس بس اطمن انه كان بيغير الزيت فى مواعيده وبيحط الزيت الاصلى وبرضه لازم تكشف عليه

بص يا سيدي

انا رحت و قابلت الاستاذ خالد و هو راجل محترم جدا و شفت العربية

العربية من جوة و برة و صالون فبريكة

و العربية مصري مش فرنساوي

الكشف هو اخدني المكان اللي بيعمل فيه صياناته (بيجو اللي ورا نادي السكة بمدينة نصر) و انا وافقت علشان انا كنت مستعجل و كمان علشان ادي نفسي فرصة قبل الرد النهائي و قلت له نعمل هنا وهناك كشف

الاستاذ خالد قاللي ان العربية غيرت طقم بلوف للفتيس في ال100000 في التوكيل
و غيرت طبة مياه في الموتور

غير كده مفيش

المهم
رحنا التوكيل طبعولنا تقرير بصيانات العربية و فعلا الراجل مداوم على كافة الصيانات

و عملفنا كشف كمبيوتر عليها و كله تمام (طبقا لكلامهم)

و سقت العربية و الشيء الوحيد اللي جذب انتباهي هو وجود تكة بسيطة مع الدوسه على الاكسلاتير و ده غالبا قاعدة موتور بس مش متأكد

اخر حاجة السعر النهائي 70 الف و الرخصة حتى شهر 10

هل من نصيحة

بالمناسبة استا> وليد يشرفني لو اتعرف عليك او اعرف رقمك
عموما انا رقمي 0107979000

[powerofhelll]

دي عربيه ممتازه ملهاش حل اهم حاجه تكون حاله ممتازه و تكشف عليها كويس جدا
الف مبروك مقدما

[الريس]

دي عربيه ممتازه ملهاش حل اهم حاجه تكون حاله ممتازه و تكشف عليها كويس جدا
الف مبروك مقدما

الف شكر لاهتمامك

[Mahmoud_405]

السلام عليكم

ال 406 عربيه وهم وخيال بجد.
موتور 2000 سي سي 133 حصان.
شكل جميل جدا ولحد دلوقتي بحس انها موديل 2010
صالون واسع وقاعده مريحه
عفشه جميله جدا.
كماليات عربيه موديل السنه دي : ايه بي اس ايرباج كاسيت سي دي كمبيوتر رحلات
انا لماركبت العربيه دي قولت ماتقرنشي غير بال بي ام والمرسيدس حتي بقول انها اعلي من الفولكس فاكن باسات

عيوب:
تكاليف الصيانه مرتفعه جدا مفقارنه بالكوري

تيل فرامل اورجينال 250 جنيه الاسبانى 110 وفى انواع تانية ب 70 جنيه مثلا
الفانوس الكريستال الاصلى استيراد بيعمل 250 جنيه

متاكد ياستاذ وليد من الاسعار دي ده التيل بتاع405 البرستيج ب 370 جنييه الاصلي والكشاف الخلفي بتاع ال 405 ب 275 جنيه

التيل بتاع ال 406 اعتقد انه ب 400 جنيه ولو اني مش متاكد

صوت الموتور عالي شويه
الضريبه عاليه حتدفع حوالي 1400 جنيه في السنه انا عربيتي 2000 سي سي موديل 98 وبتدفع 1000 جنيه غي السنه
الفتيس عايز معامله خاصه واوعي تغير زيت بره التوكيل لانه لازم تحط زيت بيجو مش ابو 22 حنيه التر ( زيت الفتيس الاصلي ب 175 جنيه التر).

علي العموم عربيه كويسه جدا ويارب تكون من نصيبك

[waleedabbas]

بص يا سيدي

انا رحت و قابلت الاستاذ خالد و هو راجل محترم جدا و شفت العربية

العربية من جوة و برة و صالون فبريكة

و العربية مصري مش فرنساوي

الكشف هو اخدني المكان اللي بيعمل فيه صياناته (بيجو اللي ورا نادي السكة بمدينة نصر) و انا وافقت علشان انا كنت مستعجل و كمان علشان ادي نفسي فرصة قبل الرد النهائي و قلت له نعمل هنا وهناك كشف

الاستاذ خالد قاللي ان العربية غيرت طقم بلوف للفتيس في ال100000 في التوكيل
و غيرت طبة مياه في الموتور

غير كده مفيش

المهم
رحنا التوكيل طبعولنا تقرير بصيانات العربية و فعلا الراجل مداوم على كافة الصيانات

و عملفنا كشف كمبيوتر عليها و كله تمام (طبقا لكلامهم)

و سقت العربية و الشيء الوحيد اللي جذب انتباهي هو وجود تكة بسيطة مع الدوسه على الاكسلاتير و ده غالبا قاعدة موتور بس مش متأكد

اخر حاجة السعر النهائي 70 الف و الرخصة حتى شهر 10

هل من نصيحة

بالمناسبة استا> وليد يشرفني لو اتعرف عليك او اعرف رقمك
عموما انا رقمي 0107979000

تمام يا باشا ربنا يوفقك ويباركلك فيها لو من نصيبك انت رحت اوتو سرفيس هما تمام ومحترمين برضه ولو انى مش عارف ليه ماستريحتش لما تعاملت معاهم يمكن عشان سعرهم اغلى شوية
طبعا يشرفنى نتعرف ولو احتجت اى مساعدة انا معاك يا باشا

[waleedabbas]

السلام عليكم

ال 406 عربيه وهم وخيال بجد.
موتور 2000 سي سي 133 حصان.
شكل جميل جدا ولحد دلوقتي بحس انها موديل 2010
صالون واسع وقاعده مريحه
عفشه جميله جدا.
كماليات عربيه موديل السنه دي : ايه بي اس ايرباج كاسيت سي دي كمبيوتر رحلات
انا لماركبت العربيه دي قولت ماتقرنشي غير بال بي ام والمرسيدس حتي بقول انها اعلي من الفولكس فاكن باسات

عيوب:
تكاليف الصيانه مرتفعه جدا مفقارنه بالكوري


متاكد ياستاذ وليد من الاسعار دي ده التيل بتاع405 البرستيج ب 370 جنييه الاصلي والكشاف الخلفي بتاع ال 405 ب 275 جنيه

التيل بتاع ال 406 اعتقد انه ب 400 جنيه ولو اني مش متاكد

صوت الموتور عالي شويه
الضريبه عاليه حتدفع حوالي 1400 جنيه في السنه انا عربيتي 2000 سي سي موديل 98 وبتدفع 1000 جنيه غي السنه
الفتيس عايز معامله خاصه واوعي تغير زيت بره التوكيل لانه لازم تحط زيت بيجو مش ابو 22 حنيه التر ( زيت الفتيس الاصلي ب 175 جنيه التر).

علي العموم عربيه كويسه جدا ويارب تكون من نصيبك

ازيك يا حودة باشا
بالنسبة للتيل انا متاكد بس السعر ده من شارع دمشق مش من التوكيل يمكن البرستيج عشان مش منتشرة اوى والتجار بيتنكوا شوية فى قطع غيارها والفانوس موجود بالسعر ده فى الوكالة وف الحرفيين وحتى لو 400 ده سعر كويس جدا ده تيل اللانسر كريستالة موديل 1999 ب 450 جنية ومن برة التوكيل برضه
اما صوت الموتور هو مش عالى اوى لو العربية مظبوطة بيكون تقريبا مش باين اخف من ال 405 وماتنساش انه 2000 سى سى
هى المشكلة الوحيدة فعلا الفتيس عايز معاملة خاصة فعلا ولازم كل 20000 كيلو متر تغيرة
بالنسبة للكماليات زود كمان Ebd و esp غير سنسور المريات وسنسور المساحات وتكييف تاتش بيشتغل اوتوماتيك مع رجة الحرارة وترمومتر لدرجة حرارة الجو مرايات كهرباء طبعا وبعد 2003 مرايات ضم كهرباء كمان . مفتاح مشفر وده من احسن وسائل الحماية والامان ضد السرقة , economy mode عشان لونزلت ونسيت الكاسيت مفتوح او اى نور شغال بيفصل لوحده بعد فترة وبكده يحافظ على البطارية ماترجعش تلاقيها نايمة
الموتور فى موتور 135 حصان والموتور الاحدث 145 حصان دول ال منتشرين فى مصر فى اعلى من كده طبعا بس قليل وبكون جاى من برة
الضريبة ان شاء الله مش هتوصل 1000 جنية ماتنساش يا باشا انا كل سنة فاتت بتقل 50 جنية يعنى موديل 2002 هتكون 600 وبالتامين وباقى المصاريف هتعمل حوالى 900 جنيه مثلا ده سعر اى عربية 2000 سى سى مالوش دعوة بالماركة