504 معشوقتي

[atefadel]

كنت بسأل هل ينفع تركيب تكيف علي بيجو 504
لاني بحب العربية دي قوي و بروح الشغل كل يوم بيها
و الحر قادم
وهل في حد ركيبة انا سمعت ان التكلفة حوالى3000
بس هل كويس ولا كل شوية يبوض

[mmelg]

بعد احترامي لحضرتك في دلوقتي 405و406 بصراحة انصحك تحدث بس بصراحة ال 504 جميلة طبعا بس هتتعبك لو ركبت تكييف لان مهما كان موتورها قديم يعني لو ماشي بطئ في زحمة العربية هتولع حرارة لان ماتورها اكيد مش هيستحمل لو 505 موديل عالي يعني اخر 88 او 89 ممكن شوية انما منصحكش تغامر بالتكيف فيها واتمني اكون مضيقتكش

[boody504]

بص انا كانت معايا 504 ولو عايز تركب ممكن وبتكاليف اققل من كده كتير بس هيقرفك في الحر جامد والعربيه هتسخن جامد وهتتضطر تقفله علشان السخونيه ومش هيديلك الاداء اللي انت عايزه نصيحه هات 405 احسن لو مفيش امكانيه دلوقتي هات اي عربيه مكيفه

[amrelsaqqa]

مفيش تكييف الكمبريسور بتاعه كهربا ( مش واخد سير من الموتور ) زي اللى موجود في العربيات الامريكى ؟

[atefadel]

شكرا علي ردودكم المحترمة
علشان كدة انا بحب اسأل قبل ما اعمل حاجة:b4_007:

[د.محمود صلاح]

هل فيه مكان في الحوض ؟ هل العربية معزولة جيداً ؟ هل التابلوه في مكان فتحات تكييف ومروحة لدفع الهواء ؟

[atefadel]

هل فيه مكان في الحوض ؟ هل العربية معزولة جيداً ؟ هل التابلوه في مكان فتحات تكييف ومروحة لدفع الهواء ؟

الحوض واسع
العزل يعني
الفتحات بيركب وحدة منفصلة فيها زراير التحكم و 4 و حدات لخروج الهواء

[mr_sameh]

انا شوفت ناس كتير مركبين التكييف في 504 بس الاداء تعبان والتجربه كانت فاشله

[amrelsaqqa]

هو ليه بيضعف الاداء كدة والموتور 2000 سي سي وبتاع 100 ولا 90 ولا حتى 80 حصان ؟؟؟؟؟؟


في حين في عربيات 1100 سي سي ومكيفة و زي الفل

عاوز اعرف بجد ؟
وعايز سبب تانى غير وزن العربية لان لو عربية مثلا فكترا 1600جديدة و 76 حصان وتقيلة زيها ويمكن اتقل و برغم كدة تلاقى التكييف فيها شغال ومش وحش

[sakrquraish]

ممكن يركبلها. خالي كان عنده 504 موديل 1977 gl كانت تكيف و باور و فتحة سقف و زجاج كهرباء . نزل بيها من المانيا سنة 1980

[mostafa_aqsa]

انا عمى مركب تكيف لعربيته و مافيش مشاكل خالص و لا بتسخن و كمان احنا فى الصعيد يعنى الحر حر بجد .

[Abdo_Eldesokey]

راكب عند واحد قريبي في بيجو موديل 79 والتكييف عبارة عن وحدة مستقلة أسفل الكاسيت ، وهو نوع ياباني بس مش فاكر اسمه

والأداء ممتاز وملوش أي عيوب

[Doush_csf]

تركيب التكيف يعتمد أهم من كل شيء على حالة الموتور وكفاءة نظام التبريد . بمعنى, هل العربية ميالة للسخونية ولا مبتفرقش معاها الحر الشديد.
لو الموتور تعبان والعربية بتميل إنها تسخن والمية بتنقص وكده يبقى بلاش منه.
وهذا مجرد رأي

راكب عند واحد قريبي في بيجو موديل 79 والتكييف عبارة عن وحدة مستقلة أسفل الكاسيت ، وهو نوع ياباني بس مش فاكر اسمه

والأداء ممتاز وملوش أي عيوب

أعتقد حضرتك تقصد بالياباني ال sanden
مش كده ؟

[Abdo_Eldesokey]

أعتقد حضرتك تقصد بالياباني ال sanden
مش كده ؟

تمام .. هوا ده

[pop504]

بص ياسيدى انا عندى 504 موديل 80 كنت نازل بيها من الكويت مكيفة اصلى فابيريقا ..مكونات المكيف للاسف صعب جدا تلاقيها والاصعب انك تضيفها لسيارتك لندرتها وعدم وجود فنى محترف بيفهم؟؟ لانك لازم تعدل فى دورة التبريد والكهرباء و الكربراتير كمان ؟؟ فنصيحة لوجة الله لا تفكر اضافة مكيف لها ومتصدقش كلام الصنايعية ..لان انا عندى التكيف الاصلى وعارف بقولك اية..وربنا يوفق..