504 تحفة

[ahmed2y]

ازيكو يا شباب انا النهاردة جاى احكيلكو عن تحفة فنية شوفتها فى سوق العربيات امبارح الجمعة 16/4/2010


كنت بتمشى واتفرج انا والحج كدة على

العربيات البيجو واذ بى اجد عربية 504 مو87 لونها

نبيتى مع واحد صعيدى عارضها وقاعد جنبها العربية

دواخل وخوارج فبريكة مشوفتش فى حياتى زيها

سالتة بكام قالى 55 الف جنية حاجة مشاء الله

تحفة المهم سبتة ومشيت لاننا كنت بنتمشى

عشان هنقابل واحد صاحب الحج راجل صعيدى

وبيتاجر فى العربيات على خفيف كدة المهم قابلناة

وسلامات والذى منة واحنا بنتمشى روحنا عندها

تانى المهم بص للعربية وقام بص لصاحبها وقالة

انت اية الجابك هنا وضحك والذى منة الراجل بقى

اتفضلو وبتاع المهم الراجل طلع معرفة قولتة ما

تفتحلى البابان كدة اتفرج والكبوت انا مش هشترى بس قولت اتفرج عشان ابقى عارف الفبريكة الى بجد شكلها اية والى يا معلم

عربية فى حياتى مشوفتش زيها بوية المصنع جوة

وبرة فرش اصلى زى الجديد بالظبط الارضية من

نفس لون وخامة الكراسى بس خامة اتقل شوية

وتحت الدواسة الجلد دواسة قماش وتحتهم دواسة

فبر قوى جدا بتكون راكبة على الاضية انا اتوهمت

من الشوفتة والله المهم بقول لصاحب ابويا ما تبص

كدة يا حج على العربية قالى ابص على اية ما

كانت معايا من سنة وطلع ليها حكاية كانت بتاعت

واحد جابيها زيرو والراجل توفى واتقسم الميراث

وولادة بقى واحفادة بيقلبو فى الفلا وتنظيف وكدة

لقوها فى الجراج ومكانوش عارفين عنها حاجة

واشتريتها وبعتها لواحد قعدت معاة كام شهر

واشترها الاخ دة قالى مفيهاش الهوا ويمكن حتى

البوجيهات الى فيها بتاعت المصنع لسة وقالى يلا

يلا دا مش هيبها اقل من خمسين الف ساعتها

اتمنيت يبقى معايا تمنها واخدها

[aboelnagah]

لا ياراجل مش للدرجة دى عربية بيجو 504 ب50 الف حرام برده هى اينعم تحفة فنية بس برده مش للدرجة دى يعنى تشترى بال50 الف لانسر كرستاله احلى

بس بصراحة انا برده بعشق ال 504

[boody504]

انا من رائي مفيش حاجه مضمونه في الزمن دا ممكن تكون مغيره نص معموله صح بويه ايه اللي هتعد اكتر من 30 سنه دي مش عارف يمكن في كده

[ahmed2y]

انا من رائي مفيش حاجه مضمونه في الزمن دا ممكن تكون مغيره نص معموله صح بويه ايه اللي هتعد اكتر من 30 سنه دي مش عارف يمكن في كده

المعمول بيبان وانا لما شوفتها انا مش هشتريها طبعا بس حبيت اتفرج عليها لقيتها فرصة اشوف حاجات مش موجودة عشان اعرف الفرق بين الاصلى والمشغول

[ahmed2y]

لا ياراجل مش للدرجة دى عربية بيجو 504 ب50 الف حرام برده هى اينعم تحفة فنية بس برده مش للدرجة دى يعنى تشترى بال50 الف لانسر كرستاله احلى

بس بصراحة انا برده بعشق ال 504

هو فعلا سعر مبالغ فية جدا بس بصرف النظر عن العربية دى بالذات البيجو 504 فى سوق العاشر اسعارة 35 او 40 حاجات زى كدة على اية مش عارف العربية جميلة وكل حاجة بس كتير قوى يعنى حالة غريبة فى مصر مش فى البيجو بس لا فى كل اسعار المستعمل فى مصر