هام جدا للخبراء في البيجو405 الرجاء الدخول

[amin3]

باجماعه انا معايا بيجو 405 موديل 94 كاربرتير 1600 سي سي
عندي كام سوال كده مهمين جدا جدا جدا وياريت كل خبراء البيجو يحاولوا يجاوبوني عليهم لاني خلاص قربت اتجنن:-
1) ماهي الحراره العاديه او الطبيعيه لسيارتي؟ يعني اقصي حراره طبيعيه توصل لكام وتكون عادي مفيش مشكله خالص ؟
2) هل عادي ان انا بعد كل مشوار ازود مياه الرداتير لانها بتنقص كتير؟ ام انا عندي مشكله في سيارتي وماهي؟
3)ما هو انسب زيت ماتور لسيارتي ؟
4)هل لو انا لاغي التكييف هل ده معناه ان مروحه واحده بس هي اللي بتكون شغاله (اللي ناحيه السائق ) والثانيه لأ ؟ لان الثانيه خاصه بالتكييف ام ان هذا كلام غير صحيح ولا هناك مشكله في توصيل المرواح عندي ؟ لانهم الاثنين لسه شاريهم استيراد ومتجربين انهم شغالين ؟
الرجاء الرد سريعا
وشكرا لكم جميعا مقدما

[amin3]

هو المنتدي ده ليه مبيسعفش حد ؟ الموضوع مهم جدا ومحدش معبرني
الناس بتدخل المنتدي كل شهر ولا ايه؟ النشاط ليه ضعيف كده في قسم البيجو ؟
وفين المشرفين ؟

[the-hero]

1. الحرارة الطبيعية بتبقي من 70 الى 90 المهم متزيدش عن ال 90 خالص ولو بشرطة وده طبعا بيختلف على حسب اليونت الخاص بسرعات المراوح البترون فيه منه انواع بس لحد ال 90 عادى جدا لو عاوز تخليها على ال 75 هتغير البترون ده بواحد أصفر لان اللى عندك الاحمر او الابيض
2. العربية مفروض متنقص ميتها خالص غير بعد كل اسبوع تقريبا ولو بتنقص معاك هتلاقى الدورة وخده هوا او فيها تسريب والهوا ده بيرفع حرارة العربية وممكن يكون غطا الريداتير بينفس
3.انسب زيت للعربية دية الشيل الاصفر بيقعد من 3000 الى 5000 ك وسعرة من فترة صغيرة كان ب 98 جنية
4. التكيف سواء شغال او ملغى فلازم المروحتين يشتغلوا لأن ليهم سرعتين بطئ وده للتبريد العادى والسريع بتاع لما الحرارة تزيد عن ال 90 ولما التكييف يشتغل
واللى بينظم القصة دية وحدة البترون بتاعت المراوح وساعة الحرارة وحساس البطئ وعشان تتأكد ان المراوح شغاله كويس لازم الاتنين يشتغلوا على البطي فى حالة ارتفاع الحرارة وميفصلوش لحد ما الحرارة تنزل حتى لو بطلت العربية يفضلوا شغالين اوتو ماتك ويفصلوا لوحديهم
واى استفسار تانى انا معاك

[amin3]

يا باشا ربنا يخليك دايما استاذ وليك مشاركات ممتازه وبتساعد الكل
اولا : المشكله ان كانت حراره العربيه بتزيد جامد تصل 110 وكنت بخاف علي السلندر والجوان وبقف وابطلها وبعدين اكتشفت ان غطاء الرداتير بينفس فغيرته بواحد اصلي بس المشكله دلوقتي ان الحراره بتصل الي حوالي 92 في عز الحر والمشكله الاكبر ان مياه الرداتير مش بلاقيها خالص بعد تزويدها بنص ساعه بس مشي بالعربيه واضطر ازودها كها ثاني جركن كامل( واخد هواء للعربيه علشان الهواء اللي في الموتور يخرج من البلف) مش عارف مياه الرداتير بتروح فين حاجه تجنن العربيه بتاكل ميه ولا ايه ؟ و لا يكون الرداتير مخروم ولا دوره التبريد كلها عايزه تتسلك مش عارف ؟
ثانيا : انا ركبت المروحتين الاستيراد بس الكهربائي الظاهر انه معرفش يشغل الاثنين مع بعض لانه مش كهربائي بيجو فياريت حضرتك تدلني علي كهربائي بيجو قريب من شبرا او في وسط البلد يكون فاهم في 405
ولك مني الف شكر علي ردك السريع ربنا يجعله في ميزان حسناتك ان شاء الله

[the-hero]

بالنسبة للصنايعية فانا اساس من الزقازيق وكل اللى بتعامل معاهم هناك ومعنديش خلفية كبيرة عن صنايعية القاهرة
أعرف الحرفيين بس
على العموم راجع الموضوع ده وانتظر فى اعضاء كتيييير هيسعدوك برضوا

http://www.nilemotors.net/Nile/24198-a-5.html

[م.احمد زكريا]

انا راي الشخصي بعد الف والتدوير والبهدلة عند الكهربائية

أنا انصحك انك تروح مركز خدمه معتمد لبيجو زي مودرن سيرفيس (مصر الجديدة) وخصوصا لحل مشكلة المراوح لان الموضوع معقد وفيه عجن كتيير

[mamado405]

نفس المشكله

انا عندى نفس مشكله نقص المياه يا ريت لو وصلت لحل تفيدنا و جبت المروحتين بكام

[ahmed2y]

فى كهربائى كويس جدا اسمة زكاريا فى مساكن الزاوية الحمرا مش عاوز اقولكو احسن واحد فى مصر بس هو كدة فعلا هو بيشتغل فى التوكيل الصيح وبيفتح من الساعة 4 العصر ممكن تروحلة وتشف موضوع المراوح دة عندة وباريت تقولى عملت اية فى موضوع المياة الى بتنقص لان التسريب دة حصل معايا برضو والحمد لله بقت تمام

[the-hero]

او ممكن الريداتير عاوز يتسلك فبيسخن العربية او دورة التبريد فيها عطل

[amin3]

انا اشتريت المروحتين استيراد من الحرفين ب 280 جنيه
وركبتهم عند ربيع سرفيس اللي في امبابه بس علي فكره منصحش بيه لان حراق نار
وغيرت طلمبه المياه باخري استيراد ب 70 جنيه
وسلكت الرداتير
وغيرت غظاء الرداتير باصلي مش معدن لكن فيبر الاصلي الخاص ب 1600 كاربرتير جديد من مجلس الامه ب 40 جنيه
وغيرت خرطوم مياه الرداتير باخر استيراد ب 60 جنيه
وبقيت اغير زيت ب شل الاصفر لان زيت الموتور عليه نسبه لا تقل عن 75% من تقليل سخونه السياره
والحراره مظبوطه الان يعني لا تزيد عن 90 الي 95 بالكتير
كان نقص المياه من تسريب في طلمبه المياه و غطاء الرداتير و خرطوم الرداتير السفلي
ارجو ان اكون قد افدتكم
وانا في الخدمه بالنسبه لاي سوال

[the-hero]

انا اشتريت المروحتين استيراد من الحرفين ب 280 جنيه
وركبتهم عند ربيع سرفيس اللي في امبابه بس علي فكره منصحش بيه لان حراق نار
وغيرت طلمبه المياه باخري استيراد ب 70 جنيه
وسلكت الرداتير
وغيرت غظاء الرداتير باصلي مش معدن لكن فيبر الاصلي الخاص ب 1600 كاربرتير جديد من مجلس الامه ب 40 جنيه
وغيرت خرطوم مياه الرداتير باخر استيراد ب 60 جنيه
وبقيت اغير زيت ب شل الاصفر لان زيت الموتور عليه نسبه لا تقل عن 75% من تقليل سخونه السياره
والحراره مظبوطه الان يعني لا تزيد عن 90 الي 95 بالكتير
كان نقص المياه من تسريب في طلمبه المياه و غطاء الرداتير و خرطوم الرداتير السفلي
ارجو ان اكون قد افدتكم
وانا في الخدمه بالنسبه لاي سوال

تسلم الأيادى وإلى الأمام