عطل فى بيجو 405

[aymansman]

السلام عليكم ورحمة الله
سيارتى بيجو 405 glx ، عندى مشكلة فى ادارة الموتور (بدأ ادارة الموتور فقط), تظهر هذه المشكلة على فترات متباعدة كل شهر أوكل شهرين مرة اومرتين ,فأحيانا اركن العربية بالاربع وخمس ايام او اسبوع واجى ادورها تدور على طول , واحيانا اخرج بيها عدة مشاوير يوميا وتدور بلا اى مشاكل ,, ولكن على فترات طويلة (كل شهر تقريبا) اخرج بيها مشوار وبمجرد ما ابطل الموتور تحلف ما تدور تانى وبحاول كذا مرة .. البطارية كويسة والمرش شغال بس العربية مش عايزة تدور. وافضل اشغل المرش عدة مرات وافتح الكبوت وبيكون الموتور سخن عادى وبعد تقريبا ربع ساعة من المحاولات لتشغيل المارش بتدور وبيكون فى الاول اكن العربية باردة وهتبطل تانى وبعد كدة بتدور وكأن شيئا لم يكن واذا بطلت الموتور ودورت بتدور تانى عادى وممكن الموضوع دة يتكرر بعد شهر تقريبا . فى المرة الاخيرة لما عملت كدة معايا ومرديتش تدور وكنت مستعجل اديت العربية الغيار الأول ودوست سنه دبرياج ودوست مرش يعنى طلعت العربية على المرش ودوست بنزين دارت العربية ومن ساعتها وهى بتبطل وتدور عادى من 3 أيام
فارجو من الاخوه الأفاضل تفسير هذا العطل ؟ وشكرا جزيلا

[mohamedadelemam]

ممكن مديول

[hic]

ملهاش تفسبر غير ان مشط الكهربا فيه حاجه و برده نسمع راى اخوانا فى المنتدى

[the-hero]

هو المشط الالكترونى لما العربية تسخن بيفصل
امشى بيها واول متقف جيب قماشة مبلولة ميه وبرد المشط بيها وبعد كدا دور هتلاقيها دارت فى الحالة دية لازم تغييرة عشان بيلفظ انفاسةه الاخيرة
وممكن تركبة انت بكل سهولة بيبقى فوق الاسبراتير لو مش عارف السبراتير امشى مع سلوك البوجيهات هتلقيهم كلهم بيتجمعوا فى مكان واحد هو ده الاسبراتير اللى المكانيكي بيظبط منه العربية لفوق وتحت هتلاقى عليه المشط بلاستيك كدا وداخل فيه الفيشة هتفك المسمارين بنوعة والفيشة وتشيلة وتركب التانى وتربط المسمارين وتحط الفيشة تانى بس خلى بلك الفيشة ليها كلبسة حديد حاول تسلكها الاولعشان تفك معاك

[hic]

هو المشط الالكترونى لما العربية تسخن بيفصل
امشى بيها واول متقف جيب قماشة مبلولة ميه وبرد المشط بيها وبعد كدا دور هتلاقيها دارت فى الحالة دية لازم تغييرة عشان بيلفظ انفاسةه الاخيرة
وممكن تركبة انت بكل سهولة بيبقى فوق الاسبراتير لو مش عارف السبراتير امشى مع سلوك البوجيهات هتلقيهم كلهم بيتجمعوا فى مكان واحد هو ده الاسبراتير اللى المكانيكي بيظبط منه العربية لفوق وتحت هتلاقى عليه المشط بلاستيك كدا وداخل فيه الفيشة هتفك المسمارين بنوعة والفيشة وتشيلة وتركب التانى وتربط المسمارين وتحط الفيشة تانى بس خلى بلك الفيشة ليها كلبسة حديد حاول تسلكها الاولعشان تفك معاك

استاذ

[the-hero]

استاذ

انت اللى برنس

[aymansman]

الف شكر لكم جميعا . وشكرا لشرحك الوافى جدا يا hero
ولكن العربية طالما دايرة بتفضل دايرة ما بتبطلش حتى لو سخنت توصل ل80 وبعدين تبرد تانى وتنزل ل 70 , يعنى لو المشط الالكترونى مش المفروض يعنى يبطل العربية بردو طالما هى سخنت ؟
الغريب فعلا ان العربية طالما دايرة بتفضل دايرة وابطل وادور .. وابطل وادور..شغالة تمام ومفيش مشاكل ..وهى مرة ابطل العربية واجى ادور بعد شويه تحصل المشكلة . حتى الميكانيكى اما قلتلة ماعملش فيها حاجه خالص هو شايف العربية شغالة قدامة وابطل وادور تشتغل .قالى مفيش حاجة دى زى الفل ممكن يكون سوكت معلق

وتانى مرة شكرا لكم جميعا

[the-hero]

الف شكر لكم جميعا . وشكرا لشرحك الوافى جدا يا hero
ولكن العربية طالما دايرة بتفضل دايرة ما بتبطلش حتى لو سخنت توصل ل80 وبعدين تبرد تانى وتنزل ل 70 , يعنى لو المشط الالكترونى مش المفروض يعنى يبطل العربية بردو طالما هى سخنت ؟
الغريب فعلا ان العربية طالما دايرة بتفضل دايرة وابطل وادور .. وابطل وادور..شغالة تمام ومفيش مشاكل ..وهى مرة ابطل العربية واجى ادور بعد شويه تحصل المشكلة . حتى الميكانيكى اما قلتلة ماعملش فيها حاجه خالص هو شايف العربية شغالة قدامة وابطل وادور تشتغل .قالى مفيش حاجة دى زى الفل ممكن يكون سوكت معلق

وتانى مرة شكرا لكم جميعا

هو المشط كانت بتعمل معايا نفس الحركة ديه لحد مفصلت خالص بعديها بمدة
جرب ابقي برده كدا زى مقولتلك عشان تتاكد
وعلى فكرة ملهاش علاقة بالحرارة الداخلية للماتور

[Dr_Xefo]

المشكلة عندكهنلاقيها فى انوماتيك المارش لو عندك كهربائى كويس هيفك المارش و يغسله كويس و يقوى نقط الأتصال اللى فى المارش او تغير المارش كله هو استراد بحوالى 150 جنيه

[the-hero]

المشكلة عندكهنلاقيها فى انوماتيك المارش لو عندك كهربائى كويس هيفك المارش و يغسله كويس و يقوى نقط الأتصال اللى فى المارش او تغير المارش كله هو استراد بحوالى 150 جنيه

لا ياباشا ملهاش علاقة بالمرش المرش اعطاله معروفه

[Dr_Xefo]

المشكلة دى حصلت معايا قبل كده و لما لفيت لقيت ان ده هو السبب يا هيرو و ده نتيجة ان سخونة المحرك بتاثر على اتوماتيك المارش

[the-hero]

المشكلة دى حصلت معايا قبل كده و لما لفيت لقيت ان ده هو السبب يا هيرو و ده نتيجة ان سخونة المحرك بتاثر على اتوماتيك المارش

لو المارش فيه اى حاجة سواء الأوتوماتيك او الترس او المارش نفسة بيعمل صوت بيقعد يتك والعربية مبدورش اساسا ولو دار بيبقي ضعيف وتقيل وده بيبان
لكن لو الماتور بيدور بعزم لكن الماتور مش لقط من المرش يبقي مشط الكترونى على طول

[aymansman]

انا متابع
ومتشكر جدا للاهتمام

[shady10061]

مساء الخير عليكو بص ياباشا الموضوع دة ممكن يكون غالبا من الموبينة الللى بطلع الكهربة للاسبراتير لان فى مباين لما بتسخن بتفصل كهربة او لما يكون عمرها الافتراضى بيخلص ومعتقدش فى سبب تانى غير كدة وللامان بردة تمم على سلوكها كويس وعلى المقاومة بتاعتها لان لو مش متوصلة بتدى كهربة زيادة او مش مظبوطة وانا حصلت معايا كتير تبقة العربية شغالة زى الفل وتبطلها مترضاش تدور تانى غير بعد شوية او هيا وظروفها واشاء اللة لما تغير الموبينة هتنظبت وتدعيلى

[harphosh]

أنا أؤيد كلام hero وكلام شادى العطل فى الغالب إما من المشط أو الموبينة وكمان أحب أضيف احتمال يكون الكتاوت الموجود فى علبة على يمين السيارة فوق المساعد اليمين أحياناً يعلق ويدى المارش كهربا عادى بس الجزء الخاص بالدوارة ما بيكملش بسببه لأن الكتاوت ليه نقطتين توصيل وده حصل معايا شخصيا إكشف على الكتاوت بالمرة