الحرارة جابتلي استبحس

[م.احمد زكريا]

شوفوا يا رجالة انا هاتجنن خلاص

1- منظومة المراوح تعمل بكفائة عالية وزي الفل والحمد لله ( بطيء - سريع )

2- سربنتينة التكييف والردياتير مغسولين وانظف من الصيني

3- دورة التبريد مغسولة ومتسلكة وبتقلب زي الفل ومافيش نقص في الميه تقريبا ( خلال اسبوع)

4- تم تغيير جوان وش السلندر بعد انتهاء عمره الافتراضي على 290000 كيلو متر والحياة وردي

نيجي للمشكلة

بدون تكييف : الحرارة تصل لـ 95 - 100 عند الدوس على الموتور او زيادة السرعة او الكبس او مطالع شديدة

بالتكييف : الحرارة ثابتة على الـ 90 - وفي الكبس على الموتور بتوصل لـ 95 ( مراوح السرعة العالية شغالة )

............ أريد حلاً ........*.

[ahmed_khalil]

الكتاوتات اللى ورا الشبكه
خلى كهربائى فاهم فى البيجو يبص عليهم

[م.احمد زكريا]

الكتاوتات اللى ورا الشبكه
خلى كهربائى فاهم فى البيجو يبص عليهم

يا باشا الف شكر على ردك السريع

بس لو في مشكلة في الكتاوت كانت المراوح ما اشتغلتش

كمان حساس البطيء في الحوض شغال وبيشغل المراوح عند 65 - 70 على السرعة البطيئة

[ahmed_khalil]

بيفرقوا من بعض ال 3
ممكن يكون فيه منهم متركبم مكان بعض او واحد فيهم اتغير بواحد مش من نفس النوع

[م.احمد زكريا]

والله يا باشا اراجع واشوف مع اني مركبهم اخر مرة في التوكيل ( مودرن سيرفيس)

[jojooo]

اخبار الشكمان اية عمرة قد اية علشان ممكن يكون مسدود انا بتكلم على علبة البيئة او العلبة الخلفية اذا مكنش عندك علبة البيئة روج اعند اى حد بتاع شكمان يكشف علية اذا كان مسدود مش يكشف على التسريب زى ما معظم بتوع الشكمانات بيعملو

[ahmed_khalil]

والله يا باشا اراجع واشوف مع اني مركبهم اخر مرة في التوكيل ( مودرن سيرفيس)

برضه يانا التوكيل بيغلط شوف كدا يا باشا و قولنا

[the-hero]

ممكن يكون الريداتير واخد هوا
او طرمبة المية فيها حاجة
او وجود اى تسريب سواء للمية او للهوا

[م.احمد زكريا]

اخبار الشكمان اية عمرة قد اية علشان ممكن يكون مسدود انا بتكلم على علبة البيئة او العلبة الخلفية اذا مكنش عندك علبة البيئة روج اعند اى حد بتاع شكمان يكشف علية اذا كان مسدود مش يكشف على التسريب زى ما معظم بتوع الشكمانات بيعملو

والله يا باشا هو الشكمان عمرة من عمر العربية (1996) وبرضة نجرب لاني ماكشفتش عليه خالص

برضه يانا التوكيل بيغلط شوف كدا يا باشا و قولنا

[color="rgb(46, 139, 87)"]طيب إيه الصح بتعها عشان أراجع عليه بنفسي ... لأني لما سألت عرفت ان الـ 3 كتاوت زي بعض مافيش إختلاف بينهم

[/color]

ممكن يكون الريداتير واخد هوا
او طرمبة المية فيها حاجة
او وجود اى تسريب سواء للمية او للهوا

[color="rgb(46, 139, 87)"]يا ابو حميد مفيش اي تسريب بدليل عدم نقصان المياه
وراجعت على الطرنبة وانا باغسل دورة التبريد الراجل قاللي انها بتقلب كويس[/color]


من الحاجات البتضحك ان لما العربية تكون مرفوعة من قدام في كل المطالع مهما كان درجة ميله العربية حرارتها ترتفع و أول ما تميل لقدام يعني في اي منزل تبدا الحرارة تنزل على طول

طبعا ده غير انا بتزيد مع الكبس على الموتور في الطوالي وعلى السرعات العالية

[the-hero]

ده ممكن يكون من ساعة الحرارة نفسها او العداد

[م.احمد زكريا]

ده ممكن يكون من ساعة الحرارة نفسها او العداد

ودول ممكن اكشف عليهم ازاي ؟؟؟؟؟؟؟

ولا اغيرهم واشوف ؟؟؟؟

[the-hero]

ودول ممكن اكشف عليهم ازاي ؟؟؟؟؟؟؟

ولا اغيرهم واشوف ؟؟؟؟

عاوزة كهربائى محترف

[khaledloda]

السلام عليكم وعلى كل الناس الجميلة اللي نفسها تساعد في اي مشكلة كتر الف خيرهم
شوف يا سيدي هو من كلام حضرتك اللي تكرمت وقلته ان في المطالع ترتفع درجة المحرك اكثر وتزيد المشكلة وفي المنازل تقل درجة الحرارة فمن المحتمل ان مضخة الزيت يسهل أو يصعب عليها السحب مع الميل ومع افتراض ان منظومة التبريد سليمة وتعمل بكفائة

فيظهر بقوة احتمال نقصان مستوى الزيت أو انهيار في خصائص الزيت ويحتاج للاستبدال

فوظيفة تبريد المحرك والتخلص من الحرارة غير المرغوب فيها يشترك فيها دورتا التزييت والتبريد وأيضا منظومة العادم واذا حدث اختلال في اي نظام ترتفع درجة الحرارة

فياريت تتأكد من مستوى الزيت في الكارتيرة والمحرك مبطل ويستحسن يكون بقاله ربع ساعة مبطل لو امكن عشان يكون اغلب كمية الزيت الموجودة تجمعت في الاسفل في حوض الزيت فتكون قراءتك لمستوى الزيت غير خادعة

واذا كان مضى على الزيت الموجود ((لو عادي مش تخليقي ))في عربيتك 5000 كيلومتر أو 6 شهور بغض النظر عن المسافة فيجب تغييره ويفضل بشدة مع الفلتر المناسب لعربيتك

يعني بكل بساطة ممكن يطلع حل المشكلة في تغيير زيت وفلتر ان شاء الله


ارجو ان يساهم هذا في حل المشكلة لو كان العيب مش من سبب اخر وألف سلامة عالاسد بتاع حضرتك

تحياتي يا بشمهندس احمد

[م.احمد زكريا]

السلام عليكم وعلى كل الناس الجميلة اللي نفسها تساعد في اي مشكلة كتر الف خيرهم
شوف يا سيدي هو من كلام حضرتك اللي تكرمت وقلته ان في المطالع ترتفع درجة المحرك اكثر وتزيد المشكلة وفي المنازل تقل درجة الحرارة فمن المحتمل ان مضخة الزيت يسهل أو يصعب عليها السحب مع الميل ومع افتراض ان منظومة التبريد سليمة وتعمل بكفائة

فيظهر بقوة احتمال نقصان مستوى الزيت أو انهيار في خصائص الزيت ويحتاج للاستبدال

فوظيفة تبريد المحرك والتخلص من الحرارة غير المرغوب فيها يشترك فيها دورتا التزييت والتبريد وأيضا منظومة العادم واذا حدث اختلال في اي نظام ترتفع درجة الحرارة

فياريت تتأكد من مستوى الزيت في الكارتيرة والمحرك مبطل ويستحسن يكون بقاله ربع ساعة مبطل لو امكن عشان يكون اغلب كمية الزيت الموجودة تجمعت في الاسفل في حوض الزيت فتكون قراءتك لمستوى الزيت غير خادعة

واذا كان مضى على الزيت الموجود ((لو عادي مش تخليقي ))في عربيتك 5000 كيلومتر أو 6 شهور بغض النظر عن المسافة فيجب تغييره ويفضل بشدة مع الفلتر المناسب لعربيتك

يعني بكل بساطة ممكن يطلع حل المشكلة في تغيير زيت وفلتر ان شاء الله


ارجو ان يساهم هذا في حل المشكلة لو كان العيب مش من سبب اخر وألف سلامة عالاسد بتاع حضرتك

تحياتي يا بشمهندس احمد

يا باشا الف شكر لرد سعادتك الجميل

بس أنا بأغير الزيت كل 4000 كيلو (شل الاصفر ) ولسة مغير الفلتر بفلتر اصلي من حوالي 700 كيلو من اسبوعين

اما بالنسبة للطرمبة فيتم اضافتها لقائمة Check List حول هذا الموضوع

بس حاصل حاجة غريبة من ساعة مالجو بقى ربيع بعد يوم الحر المريع

العربية حرارتها لا تزيد عن 80 في عز الظهر بدون تكييف ومن 85 الى 90 بالتكييق انا خلاص

هايجيلي هسهس