مساعدة من أصحاب الخبرة 405

[TOLDO]

السلام عليكم و رحمة الله

انا كنت عايز اسأل اصحاب الخبرة في اسعار شوية حاجات

انا بفكر اظبط البيجو 405 بتاعتي و كنت شوفت شوية صور حلوة ليها و عجبتني شوية افكار

1- الموتور t16 انا سمعت انو 200 حصان الكلام دا صح ؟؟ و هوة بكام و اقجر اجيبو منين و اعرف ازاي انو t16 علشان انتوا طبعا عارفين الشعب المصري لما يشوف شب عايز يظبط يركبلو موتور خلاط و يقولو اوعى وشك المهم

2- لو عايز اصمم body kits من قدام و من ورا تتعمل فين و تجيلها كام

3- كنت مرة بالصدفة اتقابلت مع واحد مظبط البيجو 405 بتاعتوا و كان حاطط عليها spoiler جاحد مشاء الله و كنت سألتو قالي انها جابها من الحرفيين طلبية من برة و كان قالي سعرها 900 جنية بس للأسم نمرتوا ضاعت مني
فا ممكن اعمل الحوار دا؟؟

4- عايز اسأل عن vertical doors الابواب الي بتتفتح ليفوق انا سمعت ارقام خرافيه بس مش عارف هية بكام بس انا سمعت الباب على 5000 صح الكلام دا ولا افتكاسة
5- المساعدين عايز اركب مساعدين اسبورت ؟؟

6- الجنوط ممكن يركب على العربية جنوط 18 و سعرها كام

يا ريت لو سمحتوا تساعدوني لاني ناوي فالصيف باذن الله اعمل فالبيجو شغل حلو اشرفكو بيه

[the-hero]

ماتور ال تي 16 نادر جدا بس ممكن تتفق مع تاجر قطع غيار يجبهولك مخصوص بس هيخشلة فى 9-10 الاف وادى صورته

[the-hero]

وممكن تجيب ماتور ام أى 160 حصان وتركبله تيربوا ودبرياج رياضى وبوجهات وطقم كهربا رياضى هيبقي تمام برضوا
بدي كيت بقي عندك بتوع الفبر والفيبر فى الحرفيين كتييييييييييييييييير اشهرهم سيد حواجب وهو برضوا هيظبط لك أسبويلر
بالنسبة للأبواب اهم حاجة المفصلات ونوعيتها ومتوصلش لحد ده يأخى
جيب مساعدين منروا من توكيلهم فى شارع دمشق
جنط ال 17 يركب ال 18 مش عارف بس اعتقد هيكون كبير اوى

[TOLDO]

هيرو شكرا يا جميل على المساعدات بس لو يبقى في اسعار لو حتى تقريبية!!

[TOLDO]

و بعدين هيرو بيه انا ناوي اقلب العربية اتوماتيك
الميكانيكي بتاعي قالي الليله كلها بي 4000 صح الكلام دا
و معلش المتور الي قلتيلي عليه يجيلو كام و منين

[the-hero]

يعنى الفتيس الاوتو ماتك ب4000 ليه ده اغلى من تمن ماتور برستيج كامل بفتيسه الاوتو ماتيك وضفيرته واليونت كمان كل ده ب 3000 ج
ده الفتيس اخرة 1200 استيراد ومصنعية فك وتركيب 150 ج

[TOLDO]

مش بقولك بيتنصب عليا
المهم شكرا هيرو على المساعدة بس كنت بردو عايز اعرف موتور ال ام اي بكام و شفت موضوع ليك عن موتور 2000 دا انت بتقول انو اخف من ال ام اي فهل هوة احسن ؟؟

[saeed85]

خليها علي ابوها عشان الفلوس الي هتصرف مبترجعش

[د.محمود صلاح]

اضبط التكييف اهم حاجة في الوقت الحالي والحرارة الشديدة

[the-hero]

مش بقولك بيتنصب عليا
المهم شكرا هيرو على المساعدة بس كنت بردو عايز اعرف موتور ال ام اي بكام و شفت موضوع ليك عن موتور 2000 دا انت بتقول انو اخف من ال ام اي فهل هوة احسن ؟؟

اه ماتور البرستيج ال 2000 سي سي واحد كامة
الماتور بالفتيس بالضفيرة واليونت كامل من 3000 الى 3500
الامى اى يعمل من 4.5 الى 6 الاف

[the-hero]

خليها علي ابوها عشان الفلوس الي هتصرف مبترجعش

وجه نظر صحيحه طبعا انك تخليها على باباها وعلى فكرة كله حكمة كان ديما يخطر على بالى وخصوصا ان الفلوس هتروح فى الفاضى
بس للاسف متديكش اداء رياضى
الراجل شباب بقي وعاوزز شد وجرى وسرعات لآزم يروشها ويظبها بس فى حدود المعقول برضوا
مش معنى كدا انها منغير اى حاجه وحشة
لأ دى ممتازة

[the-hero]

اضبط التكييف اهم حاجة في الوقت الحالي والحرارة الشديدة

فعلا مهم جدا جدا

[TOLDO]

موضوع بابا انا سايبها على ابوها فترة حلوة اوي و بعد ما حسيت ان العربية دي ممكن تديني اكتر قولت اظبطها و دا بالعكس مش عيب فيها دا علشان مميزاتها ناس كتير قالتلي الفلوس الي انت بتصرفها على العربية تخليك تجيب واحدة تانية زيرو زي الفل بس انا رافض تماما اغير العربية الي اتعلمت عليها السواقة و الي قديت معايا احلى ايام عمري و الي بيها علمت والحمد لله على 95% من الشباب الي بيشدوا معايا (غرز) انا ماتوري 1.8 بس بردو مش هيجي زي الجديد
التكييف الحمد لله بررررررررررد الصبح و بليل مش بستحملو

شفت بقى يا هيرو باشا مش قلتلك بيتنصب عليا والله ميكانيكي حرامي
انا مسقط الموتور دا 1.8 بي 4000 جنيه
و عايز يقلبهالي اتوماتيك على نفس الموتر بي 4000 جنيه تانيين
بس بقى عرفت انا الحقيقة

[TOLDO]

يجي الصيف المولع دا انشاء الله و هعمل موضوع عن تظبيط عربيتي و انشاء الله هاحط فيه الصور كلها من طأطأ لي سلامو عليكو و بردو يا هيرو هتلاقيني برخم عليك معلش بشوية اسأله كدة علشان موضوع النصب دا لو مكنش يضايقك

[the-hero]

موضوع بابا انا سايبها على ابوها فترة حلوة اوي و بعد ما حسيت ان العربية دي ممكن تديني اكتر قولت اظبطها و دا بالعكس مش عيب فيها دا علشان مميزاتها ناس كتير قالتلي الفلوس الي انت بتصرفها على العربية تخليك تجيب واحدة تانية زيرو زي الفل بس انا رافض تماما اغير العربية الي اتعلمت عليها السواقة و الي قديت معايا احلى ايام عمري و الي بيها علمت والحمد لله على 95% من الشباب الي بيشدوا معايا (غرز) انا ماتوري 1.8 بس بردو مش هيجي زي الجديد
التكييف الحمد لله بررررررررررد الصبح و بليل مش بستحملو

شفت بقى يا هيرو باشا مش قلتلك بيتنصب عليا والله ميكانيكي حرامي
انا مسقط الموتور دا 1.8 بي 4000 جنيه
و عايز يقلبهالي اتوماتيك على نفس الموتر بي 4000 جنيه تانيين
بس بقى عرفت انا الحقيقة

انت طبعا بالنسبة له زبون سوقع