العربيه اللى حيلتى باظت

[zomybebo]

السلام عليكم ورحمة الله وبركاته
امبارح و انا ماشى بالعربية (405 مو 94) لقيت الحرارة عدت ال100
نزلت لقيت المراوح شغاله و الميه فى الرادياتير عاديه رغم ان علامة نقص الميه منوره
زودت بنزين لقيت الميه فى الردياتير بتقل قعدت ازود ميه لقيتها اخدت اكتر من 4 لتر ولما ابطل ازود بنزين الاقى الميه بترجع لبره من الردياتير
رحت للميكانيكى لقى البوجيه الرابع جايب ميه
قللى كده غالبا جوان وش سلندر و هنحل و نشوف
يا ترى كلامه ده مظبوط؟
جوان وش السلندر بكام؟
عايز ميكانيكى كويس قريب من حدائق القبه او السواح؟
فى حد قاللى انه فيه واحد كويس جنب صلاح بيجو وحذرونى اوى من اسعار الاخير
يا ريت اللى عنده فكره يساعدنى بسرعة

[ENG_KHALED]

السلام عليكم
اسمحولي ارد علي السؤال ده وتقريبا دي اول مشاركة ليه في الرد علي الاسئلة الخاصة بالبيجو لاني خبرتي بسيطة وعلي أدي بس بحكم اللي شوفته وعيشته مع العربية في الفترة الاخيرة انا ممكن اقولك علي ميكانيكي كويس
اولا: يا باشا انشاء الله ولا باظت ولا حاجة الموضوع باذن الله بسيط وقدر الله وماشاء فعل
ثانيا: احتمال كبير يكون الكلام ده صح عشان الميه بتنقص وده كمان هتعرفه لان ببساطة المية اللي بتزودها بتروح فين ؟؟
بتخش علي الموتور ولو بصيت علي زيت الموتور كمان هتلقيه بقي عامل زي الطحينة يعن ميه علي زيت المهم فيه ميكانيكي قريب من الويلي اسمه محمد كمال ده شاطر وكان شغال في التوكيل وانا عرفته عن طريق نور بيجو اللي معانا في المنتدي
الميكانيكي ده هيجبلك من الاخر ممكن تظبط معاه ويخلصلك القصة دي في نص يوم بالكتير
العنوان شارع محطة الانابيب اللي قبل الوايلي وانت جاي من السواح تخش فيه يمين في شمال في يمين الشارع اللي قبل الجامع امشي فيه علي طول وبعدين اسال علي ميكانيكي البيجو هو مشهور جدا رقم التليفون 0105479786
وربنا يوفقك انشاء الله

[ahmed_khalil]

السلام عليكم
اسمحولي ارد علي السؤال ده وتقريبا دي اول مشاركة ليه في الرد علي الاسئلة الخاصة بالبيجو لاني خبرتي بسيطة وعلي أدي بس بحكم اللي شوفته وعيشته مع العربية في الفترة الاخيرة انا ممكن اقولك علي ميكانيكي كويس
اولا: يا باشا انشاء الله ولا باظت ولا حاجة الموضوع باذن الله بسيط وقدر الله وماشاء فعل
ثانيا: احتمال كبير يكون الكلام ده صح عشان الميه بتنقص وده كمان هتعرفه لان ببساطة المية اللي بتزودها بتروح فين ؟؟
بتخش علي الموتور ولو بصيت علي زيت الموتور كمان هتلقيه بقي عامل زي الطحينة يعن ميه علي زيت المهم فيه ميكانيكي قريب من الويلي اسمه محمد كمال ده شاطر وكان شغال في التوكيل وانا عرفته عن طريق نور بيجو اللي معانا في المنتدي
الميكانيكي ده هيجبلك من الاخر ممكن تظبط معاه ويخلصلك القصة دي في نص يوم بالكتير
العنوان شارع محطة الانابيب اللي قبل الوايلي وانت جاي من السواح تخش فيه يمين في شمال في يمين الشارع اللي قبل الجامع امشي فيه علي طول وبعدين اسال علي ميكانيكي البيجو هو مشهور جدا رقم التليفون 0105479786
وربنا يوفقك انشاء الله

استاذ خالد
قل ان شاء الله ولا تقل انشاء الله
باشا انا بقول تروح لواحد تانى لانى حاسس انها مش وش سلندر
ال405 جامده جدا فى الموضوع ده

[the-hero]

استاذ خالد
قل ان شاء الله ولا تقل انشاء الله
باشا انا بقول تروح لواحد تانى لانى حاسس انها مش وش سلندر
ال405 جامده جدا فى الموضوع ده

[ENG_KHALED]

ان شاء الله
ماهو الراجل ده حد تاني

[ahmed_khalil]

ان شاء الله
ماهو الراجل ده حد تاني

يبقى حد تالت

[the-hero]

قدام بتاكل مية منغير متختلط بالزيت يبقي مجبتش جوان والراجل بيشتغلة ممكن يكون فعلا موضوع بسيط
لكن لو الزيت بيختلط بالمية يبقي جوان رسمى

[ahmed_khalil]

مش عارف ليه حاسس انها الجلده اللى بتبقى فى بلوكة الموتور اتقطعت و هيا اللى بتسرب الميا
جلده صغيره عامله زى غطا الازازه كدا

[zomybebo]

متشكر ليكم جميعا
النهاده رحت لواحد تانى فى شبرا اسمه اشرف
و فعلا اتضح انه وش سلندر لانها كانت جايبه طحينه فعلا لدرجة انى كنت هجيب رغيفين و اغمس
وعملهالى و الحمد لله هى دلوقت كويسه
بس عايز اعرف هو طول ما التكييف شغال تبقى المروحة على السرعه العالية؟؟؟
و شكرا ليكم مرة تانيه

[otefa]

متشكر ليكم جميعا
النهاده رحت لواحد تانى فى شبرا اسمه اشرف
و فعلا اتضح انه وش سلندر لانها كانت جايبه طحينه فعلا لدرجة انى كنت هجيب رغيفين و اغمس
وعملهالى و الحمد لله هى دلوقت كويسه
بس عايز اعرف هو طول ما التكييف شغال تبقى المروحة على السرعه العالية؟؟؟
و شكرا ليكم مرة تانيه

لما التكيف يشتغل بتشتغل مروحة علي السرعة الواطية...........لما حرارة العربية تزيد فوق المعدل المراوح تشتغل علي السرعة العالية لغاية مالحرارة تنزل للمعدل الصح تشتغل تاني علي السرعة الواطية.

[ahmed_khalil]

متشكر ليكم جميعا
النهاده رحت لواحد تانى فى شبرا اسمه اشرف
و فعلا اتضح انه وش سلندر لانها كانت جايبه طحينه فعلا لدرجة انى كنت هجيب رغيفين و اغمس
وعملهالى و الحمد لله هى دلوقت كويسه
بس عايز اعرف هو طول ما التكييف شغال تبقى المروحة على السرعه العالية؟؟؟
و شكرا ليكم مرة تانيه

اه بس مادام عملت عمره يا ريت ماتشغلوش فى اول 1000 كيلو
و حمد لله على سلامة العربيه

[ENG_KHALED]

متشكر ليكم جميعا
النهاده رحت لواحد تانى فى شبرا اسمه اشرف
و فعلا اتضح انه وش سلندر لانها كانت جايبه طحينه فعلا لدرجة انى كنت هجيب رغيفين و اغمس
وعملهالى و الحمد لله هى دلوقت كويسه
بس عايز اعرف هو طول ما التكييف شغال تبقى المروحة على السرعه العالية؟؟؟
و شكرا ليكم مرة تانيه

الحمد لله يا باشا
بس قولنا بقي التفاصيل وتجربتك مع الميكانيكي بقي
يعني الموضوع كلف كام وخد اد ايه وقت والمصنعية و............ عشان كلنا ان شاء الله نستفيد
وكمان فين اشرف ده هو بتاع بيجو بس ولا ايه يعني ميانيكي شاطر ؟؟
اصل انا من شبرا وكنت عايز اعرف مكانه يمكن يكون قريب مني

[amin3]

ياريت تقولنا اشرف ده ميكانيكي بيجو ؟ وشاطر ولا لا؟ ومكانه وان امكن عنوانه في شبرا فين بالضبط علشان انا من شبرا برضو
وعايز اعرف ميكانيكي بيجو كويس في شبرا وجزاك الله خيرا مقدما

[zomybebo]

هو في شارع على بهلول متفرع من ابو الفرج, روض الفرج
هو شغال بيجو بس , اغلب العربيات 504
كلف المصنعيه 120 بس البضاعه من عنده
الموضوع اخد حوالى 5 ساعات
دى كانت اول مره اتعامل معاه