سرعات المراوح 405

[gigo]

السلام عليكم
انا كان عندى الترموستات اللى بيسخن العربيه ده راكب و الكهربائى شالو لان العربيه كانت بتسخن جدا و فعلا بفضل الله من بعد ما شالو و العربيه ما بقتش بتسخن

لكن يبقى مع التكييف الحراره بتوصل لل 100 و السبب اعتقد ان المروحه السرعه العاليه مش بتشتغل غير لما الحراره توصل لل 100 يعنى مش مع التكييف و المشكله انها بردو لما بتشتغل مش بتنزل الحراره لانها بتشتغل ثوانى و تفصل و ما بتكونش الحراره نزلت

عاوز اعملها تشتغل مباشره مع تشغيل التكييف .

[Doush_csf]

يا جماعة موضوع ترموستات الضغط العالى دا مش نافع فى مصر..يعنى إيه الحرارة تبقى من 80 إلى 90...فى بلد حارة جدا زى مصر ومعرض أى خلل فى نظام التبريد إن السيارة تسخن جدا غير الضغط اللى بيحصل ودا بردو بيأثر على سبيكة الموتور...صديق ألمانى ليا مهندس سيارات قال لى إن الترموستات دى مش للبلاد الحارة إطلاقا...هى بتنزل فى كل السيارات وبعد كدا المفروض تتشال على حسب البلد..حتى خير دليل ال128 لما كانت بتنزل هنا من شركة نصر بالترموستات دى ومع أول يون تسخن وفى شركة نصر كان المهندسين بيشيلوها فى ساعتها...وغير كدا ضغط سائل التبريد فى درجة الحرحة فى مصر لما بتعدى ال40..بيبقى جبار جدا وكافى إنه بيوظ جوان وش السلندر.....

أولا, مع فائق الاحترام, مستحيل مهندس يقول كده . اللي ممكن يقول كده هم صنف الصنايعية بتوعنا.
ثانيا, ال 128 مش مثال خالص و لا تقارن بالبيجو.
أنا عن نفسي جربت الحياة من غيره في ال 504 وال 505 و قلبت عليه الدنيا لغاية مالقيته و مش قادر احكيلك على احساسي.
و بعدين ما هو محطوط في العربيات الجديدة كلها و مفيش منه مشاكل و موجود عندنا في ال 405 وال 605 بقاله 16 و 18 سنة على الترتيب و برده مفيش منه مشاكل.
لو نظام التبريد 100% يبقى انسى إنه يعمل مشكلة إنما الصنايعية بدل مايتعبوا نفسهم و يدوروا علي العيب بيقولك نشيل الثرموستات يا باشا يعني هو اللي مصنع العربية هيفهم أحسن مننا ... دحنا اللي دهنا الهوا دوكو

[mohamedadelemam]

السلام عليكم...حضرتك أحييك على مشاركتك ولكن حبيت أنقل لحضرتك ما قاله ليا المهندس الألمانى غير حضرتك عن تجربتى فى سيارتى بيجو 405 وسيارة والدى 605 وشيفورليه شيفيت كانت بتاعة والدى أيضا