إعادة إحياء عربيتي 504 ، التجربة كاملة

[abo_hosni]

سؤالين بس يا دكتور

لو حد يعرف حد كويس فى القاهرة بيركب الزجاج الكهرباء ومكن كويس ومكان البيع او اى معلومات بس فى القاهرة واسعارة معقولة

2-بتاع ال128 الخبطك عملت فية اية وهو الخلطان مش انت وفى حالة زى دى يتعمل محضر وكدة ولا بيكون اية الظروف ربنا ميوقعنا فى موقف زى دة

بالنسبة لبتاع الزجاج لو ناوي تيجي الزقازيق و آخدك للراجل بتاعنا، شغله ممتاز

بالنسبة للخبطة طبعاً بتاع ال 128 غلطان بنسبة 100% ، و الراجل نزل و كان في نص هدومه و قعد يقول "أنا عارف أن أنا اللي غلطان و اللي انت عايزه تحت أمرك" لكن كعادتي سبته لما شفت عربيته اتخرشمت و مش هيعرف يمشي بيها

[M.Elsheikh]

ربنا يباركلك في العربيه

[احمد فهمى]

والله جامد جدا بس الأسعار الرخيصه دى من عند مين؟؟؟

[abo_hosni]

الأسعار دي في الشرقية. حاجات ال 504 هنا منتشرة جداً جديد و استيراد و كل الرفايع متوفرة في الزقازيق و بلبيس و غيرها

[abo_hosni]

امبارح ركبت مدفع من بتاع السنتر على قفل الشنطة و جربته و كله تمام بس ناقص المفتاح اللي هاركبه في التابلوه عشان الفتح. هاشوف مفتاح مناسب إن شالله زرار بتاع زمارة حتى

ده منظر قفل الشنطة من الأسفل بعد خلعه و واضح الثقب اللي هاركب فيه السلك المعدني اللي هيشد ميكانيزم القفل




المدفع و السلك المعدني بعد تحديد طوله و اتجاهه و ثني نهايته حسب الثقب اللي في قفل الشنطة





ده المنظر بعد تمرير نهاية السلك في الثقب






نظرة نهائية قبل التثبيت النهائي، بعد تجارب فتح و قفل




فتحتين لمسماري التثبيت بالشنيور طبعا

جربت بسلك من البطاربة مباشرة و شغال 100% ، في انتظار مفتاح مناسب أركبه في التابلوه، و ممكن كتاوت و ممكن لأ

[darklights]

كل عام و أنتم بخير
والله أنا حاسس أنى بتفرج على فيلم كله أثارة و تشويق و مستنى الجزء الثانى ( التكييف )
و ربنا يباركلك فيها و يديك خيرها و يكفيك شرها ..
اللهم آمين

[karkor30]

ماشاء الله احسن حاجة عملتها ان ظبط العريبية ومبعتهاش وجبت جديد لان هى دى العربيات بجد انا لسه بايع عربيتى 504 بعد عشرة 15 سنة مع الوالد ومعايا واشتريت لانسر 99 طبعا فرق كبير انك تكون راكب 504 تفوت بيها فى الحديد ولا ييهمك من مطبات ولا حفر ولا جن ازرق وفجاة تلاقى نفسك ماشى بتحسس على الطريق كانك ماشى على قشر بيض خايف يتكسر
انت عملت الصح لان مفيش عربية تانية هاتستحمل الطرق المصرية وما شاء الله ماشاء الله ماشاء الله انت شدينها شده صه ان شاء الله هاتقعد معاك مش اقل من 5 سنين كمان متفكرش تعمل فيها حاجة
ربنا يباركلك فيها ويديك خيرها ويبعد عنك شرها.

[abo_hosni]

كل عام و أنتم بخير
والله أنا حاسس أنى بتفرج على فيلم كله أثارة و تشويق و مستنى الجزء الثانى ( التكييف )
و ربنا يباركلك فيها و يديك خيرها و يكفيك شرها ..
اللهم آمين

إن شاء الله يكون الفيلم عجبك و تدخله تاني ، التكييف ده لازم عشان الواحد اتسلق بصراحة

ماشاء الله احسن حاجة عملتها ان ظبط العريبية ومبعتهاش وجبت جديد لان هى دى العربيات بجد انا لسه بايع عربيتى 504 بعد عشرة 15 سنة مع الوالد ومعايا واشتريت لانسر 99 طبعا فرق كبير انك تكون راكب 504 تفوت بيها فى الحديد ولا ييهمك من مطبات ولا حفر ولا جن ازرق وفجاة تلاقى نفسك ماشى بتحسس على الطريق كانك ماشى على قشر بيض خايف يتكسر
انت عملت الصح لان مفيش عربية تانية هاتستحمل الطرق المصرية وما شاء الله ماشاء الله ماشاء الله انت شدينها شده صه ان شاء الله هاتقعد معاك مش اقل من 5 سنين كمان متفكرش تعمل فيها حاجة
ربنا يباركلك فيها ويديك خيرها ويبعد عنك شرها.

كلامك صح، لأنك لو فكرت تبيع 504 مش هتجيب فلوس تكفي أنك تدخلها لشراء عربية (كويسة)، في نفس الوقت مافيش دافع قوي يخليني أبيعها

[ronadooo]

ماشااااااااااء الله لا قوة الا بالله ربنا يباركلك فيها
بص ياباشا لو ممكن عايز استعين بخبراتك فى التجديد فاياريت اعرف انت فين وانا اجيلك وتظبطلى البيجو ده لو مش هايضيقك وربنا يكرمك وكل سنة وانت طيب

[zago]

باشا انا عندي بارومه في التمبرا بتاعتي عند البطيخه اللي ورا
عايز اسال لما اعملهم حيبقو باينين ولا لا ؟؟؟ وحيرجعو جامدين ومسكين نفسهم زي الأول ولا هما مجرد ترقيع والسلام؟؟؟؟
وعايز رأيك في السمكري اللي عملك الشغل ومكانه فين
وشكرا ليك

[vedodido]

الف مبروك على الشده يابرنس وربنا يحميها ليك

[abo_hosni]

ماشااااااااااء الله لا قوة الا بالله ربنا يباركلك فيها
بص ياباشا لو ممكن عايز استعين بخبراتك فى التجديد فاياريت اعرف انت فين وانا اجيلك وتظبطلى البيجو ده لو مش هايضيقك وربنا يكرمك وكل سنة وانت طيب

باشا انا عندي بارومه في التمبرا بتاعتي عند البطيخه اللي ورا
عايز اسال لما اعملهم حيبقو باينين ولا لا ؟؟؟ وحيرجعو جامدين ومسكين نفسهم زي الأول ولا هما مجرد ترقيع والسلام؟؟؟؟
وعايز رأيك في السمكري اللي عملك الشغل ومكانه فين
وشكرا ليك

معلش عالتأخير، بالنسبة للسمكري فلو بتتكلم عن الشرقية فيها سمكرية خبرة في البيجو 504 بالذات و دول كتير جداً و شغلهم ممتاز. و أنا وديتها للسمكري بتاعنا بنتعامل معاه من يوم ما جبنا العربية
(25 سنة)
بالنسبة للبارومة اللي في البطيخة فاللحام بيبان لو حد خبرة كشف عليه و انت لو عايز تداريه فدي مهمة بتاع الدوكو أكثر، و التقويات و إصلاح البارومة فرقت في تماسك العربية من الخلف لأنها كانت ضايعة عندي بصراحة و أنا اللي حاسس بيها لأني أنا اللي سايق
و أنا رأيي الشغل يتعمل صح عشانك انت مش عشان السوق، و لو عايز تقفل العربية بشغل تجاري عشان تبيع يعني هتلاقي اللي يعمل لك اللي انت عايزه برضه

[3ateef]

من اجمل المواضيع اللى قريتها فى المنتدى...

ربنا يباركلك فيها ويكفيك شرها....

[Khellooo]

رف خلفي للسماعات 15 جنيه

دى العليات ولا حاجة تانية؟ ولا دا اللى هو بتاع العربية أساسا؟

لو غير بتاع العربية ياريت تصوره

[amrfox2002eg]

الف الف مبروك على شدة الاسد الفرنساوى وعقبالنا يارب واكيد هانستعين بيك فى المشوار الجامد ده