الي خبراء البيجو 504

[hatemali]

يا كل خبراء البيجو
تحياتي لكم جميعا
انا معجب جدا بنشاط الاعضاء في المنتدي الجميل ده
و علشان كده ده شجعني اني اسال شوية اسئلة
حيث اني جديد علي الاسد الفرنسي
و الحمد لله جبت عربية بيجو 504 موديل 1979
عندي اسئلة كتييييييييييييييييرررررر اوي
اولا : مشكروين لو حد يساعدني و يديني قائمة قطع غيار البيجو 504
ثانيا: حد يقولي هل ممكن احول العربية لحقن الكتروني ؟ و ان كان ينفع يبقي فية سؤال تاني هل الكاربيرتير احسن ولا الحقن
و مين اللي ممكن اعمل عنده اللعبة دي ( بس يكون استاذ)
ثالثا: ايه رأي الخبراء لو حولت العربيه لغاز طبيعي
ارجو الرد من الساده الزملاء

[محمد عز]

تحويل العربيه لحقن الكترونى بدل الكاربيرتير
الحقيقة فكره جديدة جدا
لكن تعال ندرسها واحدة واحده
الحقن الاكترونى هوا تنظيم دخول البنزين عن طريق رشاشات مما يقلل من استهلاك البزين والتكنولوجيا ده ظهرت على حسب معلوماتى مع بدايه التمانينات وهوا خلط البنزين بالهوا وعملت ثورة جديدة من حيث زيادة قدرة المحرك وخفض فى معدل استهلاك البنزين
لكن هل تغيير الكاربيرتير بحقن الكترونى يستوجب كمان تغيير الموتور ولا لا ، الحقيقة لو ينفع تغيره من تغيير الموتو يبقى كويس
ولكنى لا اميل الى اللعب فى ميكانيكة السيارة نظرا لغياب المعرفه الكاملة بالمتغيرات اللازم مراعاته عند تغيير شىء بها

انما تحويل السيارة للعمل بالغاز الطبيعى اظنه شيء كويس وموفر واثبت كفاءة ومحدش اشتكى منه
انما يعيبه قلة محطات الغاز ووجود اذدحام عليها

[ahmedfd]

ولاً ألف مبروك على العربية.
البيجو 504 فيها موديل إنجيكش و هو الـ Ti و موجود في مصر بس قليل.
و أعتقد بنسبة كبيرة إنك مش لازم تغير الموتور بس لازم تتأكد.

[paladin]

you will have to change the cylinder head
and install an electrical fuel pump
too much money for no good reasons

[hatemali]

الســـــــــــــــــــــــــــــــادة الزملاء الافاضل
اولا اود ان اشكر الاعضاء اللي ردوا علي اسفساراتي
و انا بجد سعيد جدا بيهم لاني مكنتش اتوقع سرعة الرد بالشكل اللي شفتة في المنتدي ده
و بيزود احترامي للمنتدي و لكل اعضاءة الكرام
ثانيا:
انا شغال نفسي جدا بموضوع الغاز الطبيعي لان البنزين اسعاره متطمنش حد خالص
و اتوقع انها لازم تزيد في ظل الظروف اللي ماشية اليومين دول
و انا شفت مشاركات فعلا فوق الممتازة هنا في المنتدي بتتكلم عن نفس الموضوع وهو تحويل السيارة للغاز الطبيعي ينم عن ان الاعضاء اللي كتبوها بجد ناس محترمه و ما بتقولش اي كلام وخلاص
اللي ممكن تسمعه من سواق تاكسي ( مع احترامي الكامل لكل سواقين التاكسي) لكن اقصد اقول ان الردود كانت موضوعية مش رد سطحي و السلام
وكانت النفطة الجوهرية اللي تتاخد علي الغاز هي ارتفاع نسبة الكبريت فية دون باقي انواع الوقود الحفري وده بيأثر علي الاجزاء الداخلية للمتور و بالتالي كان السوال بتاعي عن لستة اسعار قطع الغيار للبيجو علشان اقدر اعمل ميزانية و دراسة جدوي لمشروع الغاز الطبيعي للعربية

[Xpert]

ال 504 فيه منه موديل انجكشن .. و برضه في ال 505 فيه اكتر من موديل انجكشن .. قد يكون اشهرهم الموتور ال تي اي . و ده نفس الموتور اللي عندك بس متعدل انجشن .. و ده وش السلندر فيه مختلف تماماً .. و الانجكشن فيه بطلمبه بنزين ميكانيكيه مش كهربائيه .. و ده مش كل الناس بتفهم فيه .. عندك الموديل التاني بقي اسمه 505 جي تي اي .. و دي مكنه 2200سيسي .. و تفرق عن اللي عندك تماماُ كمكنه .. بس هاتركب عندك عادي خالص ..لو هاتقلب غاز طبيعي خليك في الكربراتير احسن .. و مش هايقرفك كتير ..
اني تايم ..