بيجو 104

[H.ibrahim]

السلام عليكم ورحمة الله وبركاته
انا عضو جديد معكم اتمنى استفيد من خبراتكم فى مجال السيارات وخاصة البيجو لانى عندى عربية 104 تقريبا غيرت فيها كل حاجة هى موديل 78 بس حاسس انى غلطت و ماشتريتش 128 لان فرق قطع الغيار يعمل عربية جديدة و مش عارف اذ كان ده راى انا بس ولاراى كل اللى معه البيجو خاصة القديمة لدرجة ان سعر الموتور الاستيراد بتاع 504 ثمنه من 7500الى8000 جنيه و كمان مش موجود المشكلة الثانية عدم توافر قطع الغيار و المشكلة الثالثة عدم وجود فنى او صنايعى بالفعل يكون فاهم فى العيوب والمشاكل اللى بتواجهنا فيها و يفضل يفتى واحنا ندفع - اسف انى طولت عليكم بس اتمنى انكم تساعدونى وجزاكم الله خير .

[محمد ابراهيم 1]

104 ولا 504

[sokasoon]

104 ولا 504

504يا ديدوو علشان هو اكيد غلط بدل ما يكتب 504 كتب 104

خد بالك من الجملة ديه وانت تتأكد : لدرجة ان سعر الموتور الاستيراد

بتاع 504 ثمنه من 7500الى8000 جنيه

[alaaaboelata]

السلام عليكم ورحمة الله وبركاته
انا عضو جديد معكم اتمنى استفيد من خبراتكم فى مجال السيارات وخاصة البيجو لانى عندى عربية 104فيها تقريبا غيرت كل حاجة هى موديل 78 بس حاسس انى غلطت و ماشتريتش 128 لان فرق قطع الغيار يعمل عربية جديدة و مش عارف اذ كان ده راى انا بس ولاراى كل اللى معه البيجو خاصة القديمة

وعليكم السلام ورحمة الله وبركاتة
اولا احب ارحب بحضرتك فى منتدانا الجميل ونرجو ان انت تستفاد من هذا المنتدى ونكون عند حسن ظنك بنا
ثانيا : حضرتك تقصد 504 ......؟
ثالثا : انا معايا 504 موديل 79 وبصراحة رأيي غير كدة خالص دة يمكن علشان انا بالنسبالى الوضع مختلف شوية لأن انا من بلقاس وبلقاس دى مش عايز اقولك انها هى البلد الأصلية للبيجو مش فرنسا هههههههههه واسعه شوية مش كدة ؟
لا بجد والله فعلا هنا فى بلقاس ابر واكتر كمية بيجو ممكن تشوفها فى حياتك وبردة اكتر واحسن وافهم صنايعية فى البيجو فى الجمهورية كلها دة كلام فعلا حقيقى ومش عايز اقولك ان قطع الغيار هنا مرمية وبالتالى مش غالية زى ماحضرتك بتقول وموجود هنا عندنا كل ماتتخيل من قطع غيار الات جر - صاج - قطع غيار استيراد - كل حاجة تخص البيجو وانا عن نفسى انا معنديش اى خبرة فى السيارات غير فى البيجو بس . يعنى انا وعيت على الدنيا لقيت والدى بيتاجر فى البيجو وعندنا ورشة ميكانيا للبيجو معلش انا عارف انى طولت عليك جدا بس انا حبيت اديلكصورة على البيجو عندنا هنا يمكن دة هو اللى خلانى زى مابيقولو بلغة السوق عارفلها ومش عايز اقولك انى مبرتاحش فى عربية تانية غيرها انا عارف انى ناس هتستغرب هو صحيح انا مركبتش زيرو بس عندى اصحابى كتير جدا وشايف معانتهم فى قطع الغيار والصيانة ومتهيألى انا وضحتلك الصورة بالنسبة لقطع الغيار وصيانة البيجو هنا عندنا فعلشان كدة انا مش بعانى منها فى اى اى حاجة

اسف على الإطاله
اصل العربية دى عشرة عمر ههههههههههههه
وانا تحت امر حضرتك لو حبيت انى اساعدك فى اى حاجة
شكرا

[H.ibrahim]

اشكركم جميعا اخوانى بس انا فعلا عندى 104 مش 504 انما حبيت ادى مثال بالسيارة الاكثر انتشار كمثال فقط ليس الا و ان حقيقى مصدق ان بلقاس فعلا مركز البيجو فى مصر بس انامن القاهرة و مش معقول كل ماحتاج حاجة اجيبها من بلقاس مش كده ولا ايهههههههههههههههههههههههههههههههههههههه.

[sokasoon]

اشكركم جميعا اخوانى بس انا فعلا عندى 104 مش 504 انما حبيت ادى مثال بالسيارة الاكثر انتشار كمثال فقط ليس الا و ان حقيقى مصدق ان بلقاس فعلا مركز البيجو فى مصر بس انامن القاهرة و مش معقول كل ماحتاج حاجة اجيبها من بلقاس مش كده ولا ايهههههههههههههههههههههههههههههههههههههه.

بيجو 104 :shock: :shock: دى شكلها ايه :mrgreen: :lol:

[mohamed yousry]

شكل ال104

شكل ال 104 عربية هاتشباك تشبة ال127 بس اعلى على الارض منها فوانيسها من قدام تشبة الى حد كبير ال128 ومن الخلف فانوس مربع اضغر من بتاع ال128 ...لكنها اقل فى الشياكة من 128 او حتى 127......ودى فعلا عربية مش حلوة وال128 احسن منها او حتى ال127 ...العربية دى بتعمل 10 تلاف بالكتير قوى عند التجار وملهاش سوق...فى اخر فترة السبعينات بيجو معملتش عربية محترمة غير ال 504 .....الباقى ترمية فى الزبالة سواء كان 305 او 104 او غيرة....وميغركش اسم بيجو المكتوب عليها.....

[H.ibrahim]

اشكرك على اهتمامك ياsokasoon ويمكن يكون عندك انت الحل ياسيدى و حمارتك العارجة تغنيك عن سوال اللئيم

[sokasoon]

الحقيقة يا استاذ اكسبورد انا معنديش اى معلومات عن البيجو 104

انا حتى ماكنتش اعرف شكلها غير لما شوفتها فى الصور

لو اى حد من الاعضاء عندوو معلومات عنها يقدر يفيدك فى سؤالك

[H.ibrahim]

عاجل جدا معقولة ياجماعة مفيش حد عنده فكرة عنها مع انى لقيت عربيات كتير منها بشوفها طيب ممكن حد من مهندسينا يقولى الفرامل عندى فيه مشكلة مع انى غيرت تيل خلفى و امامى وبرضه لسه حاسس انى لما بدوس فرامل العربية مش بتوقف معى من اول مرة بالرغم منى انى وديتها لمركز متخصص فى الفرامل ( فراملكو ) مصر القديمة ارجو سرعة الرد من الاخوة الاعزاء . وشكرا مسبقا

[حسام كرم]

]الزميل الفاضل / محمديسرى قال

لكنها اقل فى الشياكة من 128 او حتى

عربية مش حلوة

وال128 احسن منها او حتى ال127

وملهاش سوق

بيجو معملتش عربية محترمة غير ال 504

الباقى ترمية فى الزبالة

وميغركش اسم بيجو المكتوب عليها

عزيزى محمد يسرى
زميلنا الجديد بيقول انة معاه عربية بيجو 104
مش بياخد راينا عشان يشترى البيجو 104
فرفقاً بة انت عقدة فى حياتة ويتهيالى هو الان بيدور على اعلى كوبرى عشان يرمى من فوقة العربية
او ذهب يشترى 10 لتر بنزين عشان يولع فيها
فلكل شخص لة امكانياتة فهناك من يشترى الرولس رويس وهناك من يتشعبط فى الاتوبيس وكل منهم يرى انة ملك زمانة ويرى ميزة فيما يمتلكة قد لايراها غيرة
والى الزميل الجديد EXPORT
اقول لك ربنا يبارك لك فيها فالبيجو عموماً سيارة جيدة ولها وزن بين اعظم منتجى السيارات فى العالم
الا ان هذة السيارة يعيبها انها قد انتجت لفترة قصيرة جدا مما ادى الى ان قطع غيارها لم تنتج بالقدر الكافى وهى بالفعل غير متوفرة بالسوق وهناك سبب ايضا لسوء حالة الموجود منها الان وهو ان هذة السيارة فى بداية نزولها مصر كانت مخصصة للشرطة وتم رفعها تدريجيا من الخدمة بعد ذلك وتم بيعها فى المزادات واللوطات لذا من الصعب ان تجد واحدة منها بحالة جيدة واذا كنت ميال ل128 فتستطيع عرضها للبيع على احد مواقع النت او الذهاب بها للسوق لبيعها لشخص يكون محب لها وقادر على اسعار قطع غيارها وربنا يوسع عليك وتقدر تكمل على ثمنها وتجيب سيارة 128 او اى ماركة اخرى تفضلها
وشكرا جزيلا لكم جميعاً[/size]

[waleedabbas]

104

ياترى هيجى يوم نقول على ال 206 وال207 والتحفة 307 دى عربيات مالهاش لازمة ارمى فى الزبالة وبيجو معملتش عربيات غير ال 607 او ال 407 ؟؟؟
يا جماعة الدنيا بتتطور والبيجو 104 مكنتش فى وقتها عربيات فاشلة كده زى ماحنا فاهمين واكبر دليل انها نزلت للشرطة والمخابرات وده السبب فعلا للاسف اللى خلى معظم حالتها وحشة وعدم توافر قطع الغيار لعدم انتشارها لكن هى عربية لو حالتها سليمة مش هتبقى وحشة بالعكس العربية ناعمة وقوية مقارنة بعربيات كتير من نفس الفئة فى نفس الوقت اللى نزلت فيه واساسياتها وصاجها قوى جدا.
عيوبها دلوقتى ان مالهاش سوق بسبب عدم توافر قطع الغيار وكمان الميكانيكا بتاعتها معقدة شوية محدش بيحب يشتغل فيها .
بالنسبة للاخ الفاضل صاحب ال 104 مش هقولك ان العربية حلوة واحسن من ال 127 او ال 128 لا طبعا لو لسه هتشترى هقولك طبعا اشترى 128 او 127 للاسباب المعروفة .
لكن دلوقتى الراجل معاه العربية وخلاص هو فى امر واقع هى كعربية مش وحشة ومش حمارة عارجة ولا حاجة ممكن بشوية مصاريف واهتمام هتبقى زى الفل بس انت شوف ميكانيكى متخصص بيجو بس يكون عنده ضمير هيظبطلك كل حاجة فيها لان مش اى حد بيشتغل فيها وبالنسبة لقطع الغيار ان اعرف واحد بيشتغل فى موديلات البيجو القديمة ومنها 104 وهو اسمه رضا عشماوى فى شارع بورسعيد فى السواح (ليه فرع فى دمشق بس مش بيشتغل فى القديم ) ان شاء الله تلاقى عنده معظم حاجتها وده رقم تليفونة لو تحب تساله على حاجة قبل ماتروح
2574333
ويوم ماتياس خالص من الموتور ومش عايز تبيع العربية هتشيله وتركب موتور 205 او ستريون ax او رينو 5 او اى موديل تانى احدث شوية وتبقى مشكلة قطع الغيار اتحلت.
المهم انك تهتم بالعربية طالما مش هتبيع لانك فى الغالب هتخسر لو بعت انما لو شدتها وعملتها صح هتمشى معاك زى الفل.

[memoo305]

نصيحة يا باشا . تخلص من هذة السيارة فوراً . لأن إستمرارها معاك معناه إستمرار لأستنزاف مواردك المالية . الكلام ده ياجماعة عن تجربة.
في البيجو بالذات ما تشتريش في القديم غير 504&505 .باقي الموديلات حالتها لوشافنها في الطريق هتلايقها مشرحة و لاتقارن بـــ504&505

[ahmed1981]

بالنسبة لمشكلة الفرامل لو بتهرب منك من أول مرة والمرة الثانية تمسك يعني تدوس فرامل الدواسة تنزل لتحت ومتمسكش فرامل وبعدين تشيل رجلك وتدوس تاني تمسك معاك وزيت الفرامل مش ناقص ومبينقصش
ده اللي أنا فهمته من كلامك
في الحالة دي فقط يبقى ماستر الفرامل الرئيسي جلبه باظت وخربت ولازم تغيره بالكامل وتجيب واحد تاني جديد أصلي
طبعا انت بتقول قطع الغيار غير موجودة طب إيه الحل؟؟؟؟؟؟؟؟؟؟؟؟؟؟؟؟؟؟؟؟؟؟؟
ممكن تركب ماستر رئيسي بتاع عربية تانية قريب في الشكل والحجم بس جديد برضه

لكن لو المشكلة أن الفرامل ضعيفة في جميع الأوقات بس مبتهربش يعني لما تدوس تلاقي فرمله بس ضعيفة
في الحالة دي مش عيب ماستر رئيسي ممكن الهوا عايز يتاخد من الأربع مساتر فرعية في العجل ويمكن التيل عايز يتغير
ويمكن المساتر الفرعية عايزة تتغير ويمكن السرفو إذا كان فيه سرفو خرطومه فاصل أو عايز طقم إصلاح

ولو زيت الفرامل بينقص تبقى مشكلة تالته خالص
والله أعلم
م/أحمد :D

[el3awaam]

والله يا جماعة انا بقيد وليد عباس فى كلامة العربية زى الفل بس الزميل الجديد export للأسف معاه عربية ميعرفش قيمتها و أى حد بيتكلم على العربية دى ميعرفش حاجة و أنى له ان يعرف لأنة مركبهاش هو بيشوفها كدة عربية صغيرة عاملة زى السيات لكنة مركبش و شاف سحب العربية و نعومة الموتور فياريت محدش يتكلم على العربية كدة من غير مايعرفها و ييأس الراجل منها على فكرة انا عندى 104 و هى كانت شغالة مع ابويا الله يرحمه بقالها 18 سنة و ماقالتش كفاية و هى زى اى بنى أدم لما بيتعب بيروح للدكتور و يبقى زى الفل انا مش عاوز اقولكم ان العربية دى انا كنت بشد بيها على الطريق اما عربيات حديثة والناس اللى راكبه العربياتن دى كانت بتستغرب واللى انتو بقى هتستغربولو ان المكنة بتاعتها خفيفة يعنى الموتور شبه مفوت من الاخر عشان مطولش عليكو محدش يتكلم على عربية مركبهاش وشاف امكانياتها
و جزاكم الله خيرا