عربيتي 305 عملت حادثه و اتدمرت ، محتاج أرائكم

[walids]

السلام عليكم

كل عام و انتم بخير يجماعه مع انها متأخره بس بسبب الظروف اللي حصلت لي

انا عربيتي البيجو 305 عملت حادثه (أسف مش هقدر احكي تفاصيل الحادثه بالظبط لأنه كان فيها خسائر كبيره و انا مش عايز أتذكرها)

خلاصة القول انه العربية ف الحادثه قلبت كذا مره ،
و انا محتاج اظبطها تاني ، فمش عارف هل الأسلم اني اعملها سمكره تاني للحاجات دي ؟
ولا فيه فكره تانيه شخص قالي عليها اني اشتري هيكل عربيه استيراد تاني افضل ، بس مش عارف هيكلف كام


فانتم ايه رأيكم و تنصحوني بأيه ف الحاله اللي زي دي علشان امشي العربيه تاني ؟؟

[hugan]

حضرتك لم تذكر تفاصيل علشان نقدر نساعدك
لكن العربيه لو مدمره تمام الافضل تشتري كورسليه استيراد افضل

[walids]

السلام عليكم

التفاصيل انه الصاج هو اللي اتضطر اكتر حاجه ، يعني الشنطة و الأبواب و الكبوت و الأبواب و الزجاج ، الحاجات الخارجية

لكن الأساسيات يعني سليمه


ايوه بالنسبة للكورسليه ايه المعلومات اللي عند حضرتك بخصوصه ؟؟

[Adham]

الهيكل الاستيراد مش حاييجي حتة واحدة

حاييجي نصفين

و صعب شوية تلاقية

الموتوفر موديلات حديثة

انما بيجو 305 صعب جدا ان تلاقي منها عربية متقطعه عند تاجر

بس لو لقيتة يبقى افضل بكتير طبعاً لأن اكيد السقف اتدمر لما العربية اتقلبت, و دة يبان و يعيبها مهما اتسمكرت و اتدهنت كويس

و ربنا يوفقك

لو محتاج سمكري كويس و متخصص حوادث و شغال شركات تأمين قوللي

و هو ممكن يشوف ان كان ينفع تتشد زراجين بدون ما تشتري سقف و قوايم و للا لأ
و اعتقد ان طبل ابواب و رفارف البيجو متوفرة جديد و رخيصة

[hugan]

الحمد لله انها جت في الصاج
بسيطه
لو تغير رفارف وكبوت وابواب وشنطه والهيكل سليم
زي ادهم ما قال لو السقف مدمر الا فضل تجيب كورسليه استيراد وه فعلا نصفين ويتلحم
لكن هو مو جود في عزبه شلبي
انا كنت هناك من يومين باشتري مكن زجاج للشاهين ولا قيت 305 متقطع

[Adham]

كويس طالما موجود في عزبة شلبي

بس الافضل ان السمكري اللي حايعملها يشوفها الاول و يقولك ان كان محتاج سقف بقوايم و للا اية المطلوب الاول و ينزل معاك و انت بتشترية علشان يختار سقف قطعيتة تناسب الأجزاء المطلوب تغييرها في القوايم

[hesham_shousha]

ربنا معاك
لكن رأيى إن العربيه هتكلفك جامد وهى ماتساويش إلا عشره ألاف جنيه لوحالتها كويسه
وفى حالتها الحاليه أعتقد سعرها هيكون فى حدود خمس ألاف جنيه
المبلغ مايستاهلشى التعب والعربيه موش هترجع لأصلها
وأنصحك تبيعها وتشترى دماغك

[FrozenFire]

والله قلبي إتوجع لك
ربنا يصبرك ويعوض عليك بأحسن منها إن شاء الله
والسلام ختام