206 cc نصيحة و طلب !!!

[nouranwar]

السلام عليكم
اول موضوع ليا في قسم بيجو و اتمني بعد افادتكم و نصيحتكم ان اكون معكم دائمااااااا
المهم فيه عربية 206 cc قدامي محتاج نصيحتكم و خبرتكم في العربية و هل تنصحوني بالاقدام علي شرائها ولا اخلع منها ؟ مواصفاتها :
2005 جنوط زينون دواخل فابريقة لون احمر 100,000 كم 75,000 جم
هل السعر كويس علي المواصفات ديه ؟
قطع الغيار متوفرة ؟
الكابروليه لذيذ زي ما انا متخيل و كده ولا ايه ؟ و هو عملي و بيستحمل ولا ايه ؟ اعذروني هتبقي اول مرة اركب كابروليه :)
العربية واسعة ضيقة ظروفها ايه ؟
اسعار صياناتها ايه ؟
هل هي عربية بتستحمل و كده !
عايز ارائكم و مشاركاتكم , عايز نصيحتكم لأخوكم الصغير , كل خبرتكم مع بيجو
متشكر ليكم

[mahmoudawad247]

[QUOTE=nouranwar;3873066424
عربية 206 cc قدامي محتاج نصيحتكم و خبرتكم في العربية و هل تنصحوني بالاقدام علي شرائها ولا اخلع منها ؟ مواصفاتها :
2005 جنوط زينون دواخل فابريقة لون احمر 100,000 كم 75,000 جم
هل السعر كويس علي المواصفات ديه ؟
السعر مش عارف انه كويس او وحش

قطع الغيار متوفرة ؟
معنديش فكرة بس اعتقد انها متوفرة . و الصيانة زى العادى بتاع توكيل بيجو
الكابروليه لذيذ زي ما انا متخيل و كده ولا ايه ؟
هو لذيذ جداا جداا و سحبه جميل جداا
و هو عملي و بيستحمل ولا ايه ؟
بيستحمل ايوه ،، عملى ؟؟؟ حسب استخدامك
العربية واسعة ضيقة ظروفها ايه ؟
العربية واسعة من قدام تكفى اثنين بس من ورا ضيقة جداا ،، لو واحد طويل ما تكفيش و رجله توجعه
اسعار صياناتها ايه ؟
ممكن تسأل التوكيل على اسعار الصيانة

بالنسبة للموتور 1600 ، السحب ممتاز ، الشكل جميل جداا ، التكيف مش قوى زى اليابانى يعنى لو الجو حر شوتين ممكن ما يبردش بالدرجة المطلوبة

من الأخر عربية شبابية و منظر لذيذ و ضحك و لعب

[nouranwar]

[QUOTE=mahmoudawad247;3873067267][QUOTE=nouranwar;3873066424
عربية 206 cc قدامي محتاج نصيحتكم و خبرتكم في العربية و هل تنصحوني بالاقدام علي شرائها ولا اخلع منها ؟ مواصفاتها :
2005 جنوط زينون دواخل فابريقة لون احمر 100,000 كم 75,000 جم
هل السعر كويس علي المواصفات ديه ؟
السعر مش عارف انه كويس او وحش

قطع الغيار متوفرة ؟
معنديش فكرة بس اعتقد انها متوفرة . و الصيانة زى العادى بتاع توكيل بيجو
الكابروليه لذيذ زي ما انا متخيل و كده ولا ايه ؟
هو لذيذ جداا جداا و سحبه جميل جداا
و هو عملي و بيستحمل ولا ايه ؟
بيستحمل ايوه ،، عملى ؟؟؟ حسب استخدامك
العربية واسعة ضيقة ظروفها ايه ؟
العربية واسعة من قدام تكفى اثنين بس من ورا ضيقة جداا ،، لو واحد طويل ما تكفيش و رجله توجعه
اسعار صياناتها ايه ؟
ممكن تسأل التوكيل على اسعار الصيانة

بالنسبة للموتور 1600 ، السحب ممتاز ، الشكل جميل جداا ، التكيف مش قوى زى اليابانى يعنى لو الجو حر شوتين ممكن ما يبردش بالدرجة المطلوبة

من الأخر عربية شبابية و منظر لذيذ و ضحك و لعب[/QUOTE]


مشكووووووووووووور علي اهتمامك بالرد و نصيحتك الجميلة
بجد شكرا ليك جدا
يعني الواحد يتوكل علي الله و يروح يكشف عليها في التوكيل ولا ايه !

[nouranwar]

و فين باقي الردود و الاستشارات هو قسم البيجو نايم ليييييه !!! فين رجالة البيجو يا رجالة :)
ياريت اللي معاه العربية ديه يقولي رأيه فيها زي مستر محمود عوض ما شارك معايا هنا
منتظر الردود و المشاركات من ملاك الاسد الفرنسي

[mahmoudawad247]

العفو ليك و شكراا ليك

بالنسبة لقرار الشراء ده بتاعك ،، و انت اللى هتركب العربية و هتسوقها ،، يعنى لازم تكون مقنع بيها جدااا

اللى ممكن اعمله معاك هو اننى اساعدك فى القرار يعنى ممكن تاخد المعاير اللى جايه

1- السعر
2- حالة العربية ( من رفعها فى التوكيل و الكشف عليها هناك )
3- التكيف علشان الجو فى البلد حر جداا جداا لانه مش بيسقع جامد
4- الصيانة فى التوكيل عامله ايه ؟؟
5- احتياجك ليها ايه ( اسره / و لا انت وو احد تانى بس و خلاص )
6- أسعار قطع الغيار عامله ايه و مدى توفرها

و إعمل معيار من واحد لخمسة وادى لكل نقطة درجة

المجوع 30 درجة اعمل تقيمك للمعاير اللى فاتت و انت و قرارك

انت اللى هتركب و اللى هتراعيها و هتصونها

القرار بتاعك

[bedo13]

مانيوال صح؟
انا كل اللي اعرفه انها تحفة شكل وموتو وثبات..
واعتقد سعرها حلو كمان عشان زيرو تقريبا كانت ب 160 او 170 الف.
وربنا يوفقك

[nouranwar]

العفو ليك و شكراا ليك

بالنسبة لقرار الشراء ده بتاعك ،، و انت اللى هتركب العربية و هتسوقها ،، يعنى لازم تكون مقنع بيها جدااا

اللى ممكن اعمله معاك هو اننى اساعدك فى القرار يعنى ممكن تاخد المعاير اللى جايه

1- السعر
2- حالة العربية ( من رفعها فى التوكيل و الكشف عليها هناك )
3- التكيف علشان الجو فى البلد حر جداا جداا لانه مش بيسقع جامد
4- الصيانة فى التوكيل عامله ايه ؟؟
5- احتياجك ليها ايه ( اسره / و لا انت وو احد تانى بس و خلاص )
6- أسعار قطع الغيار عامله ايه و مدى توفرها

و إعمل معيار من واحد لخمسة وادى لكل نقطة درجة

المجوع 30 درجة اعمل تقيمك للمعاير اللى فاتت و انت و قرارك

انت اللى هتركب و اللى هتراعيها و هتصونها

القرار بتاعك

هروح اشوفها تاني ان شاء الله هي العربية في الدقي و انا من اسكندرية فأقدر اكشف عليها فين علشان معرفش حاجة في كايرو خالص
متشكر ليك هو السعر انا بسألكم عليه و سألت استاذ شريف في تسعير السيارات و قالي تعمل 70 علي حالتها و الراجل طالب 75 فرأيكم ايه
بالنسبة للكشف عليها عايز اعرف فين التوكيل علشان اكشف عليها هناك و هتتكلف في حدود كام الكشف عليها علشان اعمل حسابي ؟ يعني هتعدي ال 1000 ولا لأ !!
التكييف هجربه و اشوف نظامه ايه
و علي كلامه كل صياناتها في التوكيل
انا 21 سنة يعني عاجبني منظر الكابروليه طبعا و عندك الصورة بتاعتها قولولي رأيكم و اللي انتم شايفينه !؟
قطع الغيار انتم اللي هتفيدوني فيه يا اهل الخبرة ( بيجو )
بجد متشكر علي اهتمامك جدا مستر محمود

[nouranwar]

هو عادي انها تكون 2005 و رشه كلها من برة !! اصل انا قلقان ولا ده عادي ؟

[bedo13]

والله ياباشا حاجة تقلق بس لو صاحببها مضمون او تعرفه يبقى لازم يأكدلك انها سليمة والرش ده نضافة مش اكتر..
انا واحد صاحبي كان بيرش العربية كلها لو حاجة اتخبطت

[nouranwar]

مانيوال صح؟
انا كل اللي اعرفه انها تحفة شكل وموتو وثبات..
واعتقد سعرها حلو كمان عشان زيرو تقريبا كانت ب 160 او 170 الف.
وربنا يوفقك

اه مانيوال مع اني شغال اتوماتيك داخل علي 3 سنين و مش عارف هعمل ايه استحملوني بقي هحاول اسوق عدل :)

ايوه كده قلولي بقي عن المميزات
الله يخليك بيدو

[nouranwar]

والله ياباشا حاجة تقلق بس لو صاحببها مضمون او تعرفه يبقى لازم يأكدلك انها سليمة والرش ده نضافة مش اكتر..
انا واحد صاحبي كان بيرش العربية كلها لو حاجة اتخبطت

صح اصل كل ما اقول لحد يقولي ممكن يكون فيها حاجة علشان كده راشش
لأ صاحبها مش مضمون معرفهوش يعني
و اقدر اتأكد ازاي التوكيل يفيدني في الموضوع ده ؟!
اصلي بحب الحاجة فابريقة و انا اللي ارش علي ايدي يعني :b4_033:

[sherifbmw]

انا كنت لسه بفكر ف العربيه دى بقالى كام يوم لانى عايز اشتريها عشان سعرها كويس و كمان بيجو كابريو وكنت دخلت هنا ع المنتدى ادور عن العربيه دى واعرف واحد صحبى وكيل لقطع غيار بيجو ومعاه 307 cc هوا نصحنى للعربيه دى قطع غيار رخصيصه مش غاليه الفرنسى الاصلى بس الى غالى انما التركى و التيوانى ارخص كمان سعرها من 70 ل 75 فعلا موديلات 2004-2005 المهم ف الكشف تكشف ف التوكيل تعمل سيرفس سريع وتشوف تقرير الكمبيوتر العربيه محتاجه ايه و عايزه ايه ونت وتقديرك وارتياحك للبيعه دى وربنا يوفقك العربيه انا حاببها جدا انسيابيه وحجمها وموتورها ممتاز وبعد كده مش هتحتاج توكيل ممكن تتعامل فيها عادى عند ميكانيكى كويس بس برده ف حدود المشاكل العاديه البسيطه

[medo_2060]

العربيه شبابيه وجميله جدا... بس اتاكد من موضوع قطع الغيار لانى سمعت اكتر من مره انها غاليه وتوكيل بيجو سمعته كمان وحشه...
الحل الوحيد تتصل بالتوكيل او تروحلهم وتجيب قائمه باسعار قطع الغيار وشوفها عشان تبقى عارف ومتشرتيهاش ويطلع لاقدر الله محتاجه حاجه غاليه اوى وتندم انك جبتها...
ربنا يوفقك واسال كويس

[Eng_Moh.Dewair]

انت لقيت العربيه دى فين؟ اصل انا نفسى فى واحده . روح اكشف على العربيه دى كويس فى التوكيل وخد معاك ميكانيكى او اى حد بيفهم فى العربيات للامان لان حته رشه كله دى تقلق ممكن تكون عامله حادثه جامده

[egytamer]

عربية شكلها جميل جدا وشياكة بس اهم حاجة قطع الغيار تكون موجودة وبسعر كويس