رابطة مالكي البيجو 305

[faroh_2000]

بيجو 1980 >>>> اول 305 فحياتي https://www.facebook.com/photo.php?f...type=3&theater

[MEDO84EG]

اهلا بيك مبروك عليك الاسد و علينا انضمامك

[ABOMO3AZ HASBO]

الف مبروك وانضم لقائمة 301

[faroh_2000]

اهلا بيك مبروك عليك الاسد و علينا انضمامك

اشكرك اخي الغالي

[faroh_2000]

الف مبروك وانضم لقائمة 301

الله يبارك فيك شكرا يا اخي

[faroh_2000]

عزيزه

[goooma]

معلش يا جماعه انا كنت عاوز اشتري البيجو 305 .......و ناس كتير قالتلي بلاش بس بامانه انتو شجعتوني اشتريها و كنت عاوز لو ينفع حد من كبار المنتدي يجي معايا و انا بشتريها انا هشتريها من القاهره او اسكندريه.......انا عارف انا بتقل عليكو ....بس انا بجد خايف عشان حاجاتها غاليه و خايف البس....و موضوع الصيانه عند اي ميكانيكي وا عدا الماتور الكلام ده صح و لا لا؟

[aboomar22]

بلاش منها حاجتها بقت قليلة وتقيلة فى البيع لو تقدر تجيب 131 خير لو متقدرش يبقى 128

[محمدعمر]

السلام عليكم انا جديد بالمنتدي هنا و يشرفنى الانضمام للرابطة بعد ما اشتري العربية طبعا :) :)
و ان شاء الله نزلت شوفت 305 امبارح و رايح بالميكانيكي النهاردة يبص عليها
لو فى اي نصايح ياريت الافادة
العربية 79 و عاملة عمرة من شهرين و حالة الموتور المبدأية كويسة و العربية واقفة علب رجليها ماشاء الله
ياريت الافادة و شكرا مقدما

[MEDO84EG]

السلام عليكم انا جديد بالمنتدي هنا و يشرفنى الانضمام للرابطة بعد ما اشتري العربية طبعا :) :)
و ان شاء الله نزلت شوفت 305 امبارح و رايح بالميكانيكي النهاردة يبص عليها
لو فى اي نصايح ياريت الافادة
العربية 79 و عاملة عمرة من شهرين و حالة الموتور المبدأية كويسة و العربية واقفة علب رجليها ماشاء الله
ياريت الافادة و شكرا مقدما

بص انا هقولك المفيد
العربية كعربية و صناعه و الله و بامانه ممتازة
بس مش هكلمك علي مميزات و لا عيوب
انا بس هقولك علي اللي تخلي بالك منه
1- ان ميكنش فيها عيب كبير و انت مشفتهوش
زي مثلا سلامة الشاسيه ( و ده صعب شوية لان العربية من زمن ) القوايم و الشنطة و الكبوت
و اوعي تشتري عربية مرشوشة من جوة حتي لو ببلاش
2- انها متكش مش طبيعية او فيها عيوب صغيرة انت تستصغرها
3- الموتور ثم الموتور ثم الموتور نصيحة مني انت تكشف علي الموتور بميكانيكي شاطر و امين ( و ده مستحيل تلاقيه ) و كمان تاخدها و تطلع علي محطة بنزين و تكشف و تتاكد بنفسك لان شغل العمرات مش اي فني يشتغل فيه فلازم تكون تمام
4- متشتريش عربية تكون واقعه و تقول تشد علي ايدك لان ده غلطة كبيرة ممكن يكون العيب اللي فيها يتصلح بمبلغ اكبر مما تتخيل بكتير و حسبتك تطلع مش صح
اللي بقولهولك ده علي اي عربية و خاصة ال 305
و للامانة فعلا زي ما قال ا / ابو عمر ان حاجتها قلت
بس تظل موجودة و لو بقلة
بس يبقي سعرها في السوق هو المغري بشدة
و ربنا ييسرلك كل خير

[محمدعمر]

انا اشتريت بيجو 305 مو 79 الاتنين اللى فات
و ياريت لو فى اي نصايح بخصوصها
و الله سعيد برجود رابطة للموديل دا
و ان شاء الله تكون ف الخير

[محمدعمر]

بص انا هقولك المفيد
العربية كعربية و صناعه و الله و بامانه ممتازة
بس مش هكلمك علي مميزات و لا عيوب
انا بس هقولك علي اللي تخلي بالك منه
1- ان ميكنش فيها عيب كبير و انت مشفتهوش
زي مثلا سلامة الشاسيه ( و ده صعب شوية لان العربية من زمن ) القوايم و الشنطة و الكبوت
و اوعي تشتري عربية مرشوشة من جوة حتي لو ببلاش
2- انها متكش مش طبيعية او فيها عيوب صغيرة انت تستصغرها
3- الموتور ثم الموتور ثم الموتور نصيحة مني انت تكشف علي الموتور بميكانيكي شاطر و امين ( و ده مستحيل تلاقيه ) و كمان تاخدها و تطلع علي محطة بنزين و تكشف و تتاكد بنفسك لان شغل العمرات مش اي فني يشتغل فيه فلازم تكون تمام
4- متشتريش عربية تكون واقعه و تقول تشد علي ايدك لان ده غلطة كبيرة ممكن يكون العيب اللي فيها يتصلح بمبلغ اكبر مما تتخيل بكتير و حسبتك تطلع مش صح
اللي بقولهولك ده علي اي عربية و خاصة ال 305
و للامانة فعلا زي ما قال ا / ابو عمر ان حاجتها قلت
بس تظل موجودة و لو بقلة
بس يبقي سعرها في السوق هو المغري بشدة
و ربنا ييسرلك كل خير

شكرا للرد
الصراحة انا اشتريت و المكانيكي قال عاوز تظبيط تكيهات و بعد الشرا و التظبيط قال هتحتاج عمود تكيهات
اللى اتغير فيها الكوبلن بس ركبته 128 و دا كان اختيار الاسطى لان اللى فيها كوبلنين مش زي بعض و كانوا تعبانين قوي قوي

العربية بصورة عامة حلوة و اللى فاضل فيها يعتبر تظبيط للكربراتير لانها بتغييب اوي ف الدوارة الصبح بس (امبارح قعدت حوالي ربع ساعة الا قليلا ) لكن العربية بصورة عامة جيدة

موضوع اعادة البيع مش فدماغة دلوقتى لانى ناوي اخليها معايا شوية

[أحمد البراشي]

أرجو الإفادة السريعة

السلام عليكم ورحمة الله وبركاته أهل الجروب.. ا نا أخوكم الجديد احمد وكنت ناوي إن شاء الله اشتري بيجو 305 والعربية آللي ناوي اشتريها صاحبها كاتب أنها مشيت مليون وخمسماءة الف كيلو ومحتاجه طقم شمبر بس .. بس من صورتها من بره نظيفة لاني لسه ما عاينتها.. آخر سعرها كام علشان مايضحكش عليا.. وإيه الحاجات اللي أتأكد منها الأول. وشكرا أهل المنتدى الكرام.. أخوكم ألبوجهاتي أحمد.. أرجو الرد السريع وشكرا

[Colin Chapman]

السلام عليكم ورحمة الله وبركاته أهل الجروب.. ا نا أخوكم الجديد احمد وكنت ناوي إن شاء الله اشتري بيجو 305 والعربية آللي ناوي اشتريها صاحبها كاتب أنها مشيت مليون وخمسماءة الف كيلو ومحتاجه طقم شمبر بس .. بس من صورتها من بره نظيفة لاني لسه ما عاينتها.. آخر سعرها كام علشان مايضحكش عليا.. وإيه الحاجات اللي أتأكد منها الأول. وشكرا أهل المنتدى الكرام.. أخوكم ألبوجهاتي أحمد.. أرجو الرد السريع وشكرا

http://www.nilemotors.net/Nile/494197-305-100-2017-a.html

http://www.nilemotors.net/Nile/494197-305-100-2017-a.html

[احمد h]

السلام عليكم انا عندى سيارة بيجو ومحتاج ليها اربعة ابوب كاملة