زائر من قسم الفيات ، طالب مساعدة في بيجو 504

[smsm_nabawy]

بسم الله الرحمن الرحيم

السلام عليكم ورحمة الله وبركاته

أنا مليش في البيجو !! :))

و لكن محتاج نصيحتكم في تحسين أداء بيجو 504

العربية بتاعت صاحبي و المفروض حننزل نكمل شغل فيها بعد الامتحانات ،، يعني من يوم الثلاثاء ان شاء الله !!

أيه نصيحتكم

تم تغير التيل بتاع الفرامل ،، و الكاوتش بواحد بيرلي أعرض ،،

ناقص التسارع و الحاجات التانية اللي أنت تعرفوها ،، انا عامةً تاايه ...

تم تغير بيوجيهات بواحدة أن جي كي ،، 2 شعلة ،،

أيه تاني ممكن يتعمل يحسن من أداء الأسد ده ،،

و بجد يبقى ألف شكر ليكم لو جاوبتوني ....

[amrelsaqqa]

غير الابلتين والكوندنسر بالاشعال الالكترونى وادعيلى

هاته من محل اسمه الشركة المحمدية للتجارة في شارع الاربعين جنب حديقة بدر ، جسر السويس ، قدام بوابة مدرسة انس بن مالك


هو بحوالى 175 بس يستاهل تمنه وبيظبط العربية ظبطة تمام
الراجل بيبيعه للعربيات الفولكس بس بيشتغل للبيجو عن تجربة
ولى عودة تانية ان شاء الله

[smsm_nabawy]

أولاً شكراً على سرعة الرد ،، ثانياً ،، أنا من أليكس ،، عشان كده معرفش حضرتك بتتكلم عن أيه الصراحة :)))

بس ممكن شرح مبسط للجهاز ده بس ،، عبارة عن أيه .. و يتركب أزاي ،، و أنواعه ،، و تكلفته ،، "قصدي تكلفة التركيب" عشان حضرتك مشكوراً قلت تكلفة الشراء

[amrelsaqqa]

حضرتك شوف الموضوع ده وهتعرف كل التفاصيل

http://www.nilemotors.net/Nile/92011-a.html

وباختصار بدل ما تقرا الموضوع كله
هو عبارة عن حاجة بتركب بدل الابلاتين جوة الاسبراتير
وبتدى شرارة اقوى للبوجيهات واداء احسن وبالذات مع موبينة الكترونى




وكمان ميزته انه مش محتاج ظبط كل شوية زي الابلاتين ومش بيلدع زي الابلاتين والعربية تقدم وتأخر كهربة كل شوية لوحدها زي الابلاتين
وبيعيش كعمر افتراضى 70 الف ميل تقريبا وطبعا ممكن يعيش اكتر من كدة يعنى هيجيب تمنه بدل تغيير الابلاتين كل شوية



طريقة التركيب سهلة جدا ، اسهل من تركيب الابلتين نفسه ، يعنى اي حد بيعرف يركب ابلتين يعرف يركبه

بيركب مكان الابلاتين ويتربط بمسمار جوة الاسبراتير زي الابلاتين ، وبتركب الحلقة المغناطيسية على عمود الاسبراتير
وتوصل الطرف الاحمر بطرف الموجب للموبينة
والاسود بطرف سالب الموبينة وليس الطرف الارضى وخلى بالك كويس من التوصيل لأن التوصيل الغلط بيحرق الوحدة كلها

وطبعا مينفعش يركب معاه كوندنسر يعنى تلغى الكوندنسر وتشيله خالص

وعلى فكرة انا برضه مش من القاهرة بس نزلت مخصوص عشان اجيبه ، وبصراحة معرفش هو موجود في اسكندرية ولا لا

[smsm_nabawy]

يا سلام عليك ، تسلم أيدك .. أنا عامةً حسأل عليه ،، "ابلاتين الكتروني"

طيب بفكر نغير الكاربراتير كله و نحط واحد تاني ،، فانا اللي اعرفه ان أكتر حاجة كاربراتير 2 باب ،، و ده بالفعل موجود في العربية ،، هل في اكتر ؟!!

و هل ممكن نعمل حاجة أحسن من أننا نغير الكاربراتير ال2 باب بتاع العربية دي ،، و تخلي الأداء كويس ؟!!

[sterio_504ever]

انا بصراحه اول مره اسمع عن حوار الابلتين الالكترونى ده انا من القاهره و ساكن جنب جسر السويس
بس عايز اسئلك يعنى هوا بيخلى العربيه تجرى اكتر
و عندى اقتراح تانى لسمسم انت تشيل الفلتر الزيت و تركب فلتر هوا بتاع ال504 وتشيل عليه من التلات علب بتوع الشكمان
او تشيل الاتنين الى ورا و تركب ديفل
او بدل الديفل ممكن تغير الماسوره بتاعت الشكمان و تجيب اوسع شويه
هيا هتجرى بس هتاكل بنزين انا ربت فلتر اسبور انجيكشن و بسم الله مشاء الله العربيه اتجننت و بات هبله رسمى
انا اخر مره جريت بيها عند المنصه و جابت 180

[smsm_nabawy]

انا بصراحه اول مره اسمع عن حوار الابلتين الالكترونى ده انا من القاهره و ساكن جنب جسر السويس
بس عايز اسئلك يعنى هوا بيخلى العربيه تجرى اكتر
180

هو من فهمي لما قريت الموضوع بيظبط الشرارة بتاعت البوجيهات و يقويها ،، و بالتالي بيزود العزم ..

و عندى اقتراح تانى لسمسم انت تشيل الفلتر الزيت و تركب فلتر هوا بتاع ال504

مش فاهم اوي ،، يعني أشيل فلتر الزيت ازاي،، قصدك فلتر الهوا !! :))

و هي أصلا 504 أحطلها فلتر 504 أزاي ،، مش فاهم صراحة أوي :)))

تشيل عليه من التلات علب بتوع الشكمان

ده اللي حيحصل فعلاً ان شاء الله ...

ا
هيا هتجرى بس هتاكل بنزين انا ركبت فلتر اسبور انجيكشن و بسم الله مشاء الله العربيه اتجننت و بات هبله رسمى
انا اخر مره جريت بيها عند المنصه و جابت 180

هيه جراية الصراحة ،، بس الهاندل بتاعها وحش ،، آخر مرة جبت بيها 140 على البحر ،، و كنت خايف شوية ،، رغم أننا معرضنلها جنوط ،، بس شكلنا كده حنقص يايات عشان نوطيها أكتر من كده ...

أنا بفكر أغيرلها فلتر هوا كامل،، بواحد تاني سبور ،، بس ياريت مساعدتك في الموضوع ده بما انك بالفعل ركبته ،، أنا عامةً عارف الأسعار و كده و الخامات ،، و ركبت كتير ليا و لصحابي ،، بس كلهم عربيات فيات ،، شاهين دوجان ،، لانسر كرستالة او مكواه ،أبيزا ، بولو ، الحاجات دي ،،

لكن الفرنسي ،، عمري مفتحت الكبود بتاعه إلا للواد صاحبي ده عشان أظبطله كاربراتير ،، الهوا بتاعه ،، أغير له البوجيهات كده ،، حتى فلتر الهوا فكيته عشان انظفه ،، بس برده عايز أعرف الفكرة اللي انت حطيته بيها ،،

عاملة أزاي ...

للزيادة في العلم قصدي ،، و يمكن تكون أحسن من الفكرة اللي حتجيلي و اعملها معاه ،،

سؤال بقى و مش لاقي عليه أجابة حتى الان ــ هل ينفع أحطلها كاربراتير 3 باب ؟!!

و لو ينفع ،، تمنه ممكن يكون في حدود كام ؟!!


[justify]متشكر ليكم كلكم ،، و متأسف لتعبكم [/justify]

[MASERATI]

غير الابلتين والكوندنسر بالاشعال الالكترونى وادعيلى

هاته من محل اسمه الشركة المحمدية للتجارة في شارع الاربعين جنب حديقة بدر ، جسر السويس ، قدام بوابة مدرسة انس بن مالك


هو بحوالى 175 بس يستاهل تمنه وبيظبط العربية ظبطة تمام
الراجل بيبيعه للعربيات الفولكس بس بيشتغل للبيجو عن تجربة
ولى عودة تانية ان شاء الله

السلام عليكم و رحمة الله و بركاته

ألف شكر يا باشا , أنا أول مرة أسمع الموضوع بتاع الأبلاتين الالكترونى ده .

أنا كنت عاوز أعرف هو ممكن يركب على البيجو ال505 القدييييييييييييييمة , مو 1980 و لا تبقى العربية قديمة أوى ؟؟؟؟

شكرا و جزاك الله كل خير .

لو الموضوع ده نفع معايا و مشى زى ما فى دماغى , يبقالك الحلاوة يا باشا .

[amrelsaqqa]

السلام عليكم و رحمة الله و بركاته

ألف شكر يا باشا , أنا أول مرة أسمع الموضوع بتاع الأبلاتين الالكترونى ده .

أنا كنت عاوز أعرف هو ممكن يركب على البيجو ال505 القدييييييييييييييمة , مو 1980 و لا تبقى العربية قديمة أوى ؟؟؟؟

شكرا و جزاك الله كل خير .

لو الموضوع ده نفع معايا و مشى زى ما فى دماغى , يبقالك الحلاوة يا باشا .

ياباشا هو بيركب على البيجو 504 موديل 77 والفولكس موديل حاجة وستين فعادى مالوش دعوة بالموديل
هو له دعوة بشكل الاسبراتير والابلتين
انت ممكن تصورلى صورة للابلتين بتاعك والاسبراتير من جوة وانا اقولك هيركب عندك ولا لا ان شاء الله

[amrelsaqqa]

بالنسبة للكربراتير
انا عربيتى فيها كربراتير 2 باب وبتاكل بنزين بالهبل
يعنى جوة البلد ممكن الصفيحة تمشى 60 - 70 كيلو بالعافية بنزين 80
وغلبت فيها وبفكر اجيب كربراتير جديد باب واحد

المهم خلى صاحبك يفكر كويس ولو العربية استهلاكها كويس ما يحاولش يكبر الكربراتير لأنه ممكن يكره العربية بعد كدة لو الاستهلاك زاد جامد

[amrelsaqqa]

انا بصراحه اول مره اسمع عن حوار الابلتين الالكترونى ده انا من القاهره و ساكن جنب جسر السويس
بس عايز اسئلك يعنى هوا بيخلى العربيه تجرى اكتر
و عندى اقتراح تانى لسمسم انت تشيل الفلتر الزيت و تركب فلتر هوا بتاع ال504 وتشيل عليه من التلات علب بتوع الشكمان
او تشيل الاتنين الى ورا و تركب ديفل
او بدل الديفل ممكن تغير الماسوره بتاعت الشكمان و تجيب اوسع شويه
هيا هتجرى بس هتاكل بنزين انا ربت فلتر اسبور انجيكشن و بسم الله مشاء الله العربيه اتجننت و بات هبله رسمى
انا اخر مره جريت بيها عند المنصه و جابت 180

بسم الله ما شاء الله
طيب يا ريت توضحلنا انت مركب الفلتر ازاى وياريت لو صور
وهل الفلتر بيفرق في الاداء والصوت جامد ؟

عايزين نعمل رابطة للـ 504 كدة وندي للعربية دى قيمتها تانى


بالنسبة للالكترونى ، كفاية انه بيريحك من قرف الابلتين وظبط الكهربا كل شوية ، دى لوحدها ميزة جامدة

انا كنت ركبته وجبت موبينة الكترونى ، معاه
العربية كانت قبل كدة بتنتش وماتظبطش مشي في السلانسيه ابدا
ومهما اغير ابلتين وكوندنسر واظبط كهربا مفيش فايدة لأن الجديد اغلبه ان مكنش كله مضروب
المهم بعد ما ركبته ظبطت الكهربا مرة واحدة بس وبعدها ما لمستش الاسبراتير والعربية بقت فايقة جدا وبتجمع سرعة اسرع من الاول بكتير ورغم ان عربيتى فيها دسك واسطوانة وماكنتش بعرف اجيب الـ 100 الا بصعوبة الا انى برضه حسيت بالفرق وبقيت اجيب 120 بسهولة ولسه لما اغير الدبرياج ان شاء الله هحس اكتر

و عشان اقولك على الفرق ، حصل معايا موقف لما كنت عند الميكانيكى والمهم حصل غلط وكان فاكك الاسبراتير ورجع ركب البتاع ده بالعكس ، يعنى الموجب في السالب والسالب في الموجب فطبعا اتحرق ، والكلام ده كان بالليل الساعة 11 ، وستر ربنا انى مخلى معايا موبينة وابلتين وكوندنسر القدام احتياطى في الشنطة عشان لو العربية قطعت تحت اي ظرف ، مش عايز اقولك ركبت الابلتين والكوندنسر عشان اروح بالليل ، مابقتش طايق العربية ولا واخد عليها كدة ، وتانى يوم رحت جبت واحد تانى جديد
وهو ده العيب الوحيد الى شفته فيه ، انه ممكن يتحرق لو ركب غلط وانت مش واخد بالك
غير كدة هو 100 100

[MASERATI]

بسم الله ما شاء الله .........................................


.................................. حصل معايا موقف لما كنت عند الميكانيكى والمهم حصل غلط وكان فاكك الاسبراتير ورجع ركب البتاع ده بالعكس ، يعنى الموجب في السالب والسالب في الموجب فطبعا اتحرق ، والكلام ده كان بالليل الساعة 11 ، وستر ربنا انى مخلى معايا موبينة وابلتين وكوندنسر القدام احتياطى في الشنطة عشان لو العربية قطعت تحت اي ظرف ، مش عايز اقولك ركبت الابلتين والكوندنسر عشان اروح بالليل ، مابقتش طايق العربية ولا واخد عليها كدة ، وتانى يوم رحت جبت واحد تانى جديد
وهو ده العيب الوحيد الى شفته فيه ، انه ممكن يتحرق لو ركب غلط وانت مش واخد بالك
غير كدة هو 100 100

السلام عليكم و رحمة الله و بركاته

أنا ان شاء الله فى أقرب فرصة, هصورلك الاسبراتير و الموبينا و أوريهوملك, و عالعموم, الموبينا اللى عندى هى اللى نازلة فى العربية, اللى هى بشكل اسطوانى و لونها أسود و راكبة عاليمين فى الحوض و طالع منها الكابل ده اللى رايح للاسبراتير اللى بيبقى راكب فيه الأبلاتين و الكوندنسر, تفتكر هحتاج أنى أغيرها هى كمان, و الموبينة الالكترونى دى بتيجى منين و بتبقى جديدة و لا استيراد و لا صينى .

ألف شكر و جزاك الله كل خير و جعله فى ميزان حسناتك .

[amrelsaqqa]

الموبينة الالكترونى ميزتها ان شرارتها اقوى وهى بتبقى يابانى ب 65 جنيه
اهم حاجة تصور الابلتين مش الموبينة ، او بمعنى اصح الاسبراتير من جوة بعد فك الوش بتاعه

[MASERATI]

الموبينة الالكترونى ميزتها ان شرارتها اقوى وهى بتبقى يابانى ب 65 جنيه
اهم حاجة تصور الابلتين مش الموبينة ، او بمعنى اصح الاسبراتير من جوة بعد فك الوش بتاعه

السلام عليكم و رحمة الله و بركاته

يا باشا , أنا متشكر ليك جدا جدا .


أنا ان شاء الله هصورلك الاسبراتير من جوه, بس على فكرة, أنا افتكرت دلوقتى أنى بخلى الميكانيكى بتاعى يركب كوندنسر مرسيدس مش بيجو لأنى اكتشفت أنه بيعيش أكتر من بتاع البيجو لأن أغلب اللى فى السوق مضروب دلوقتى تقريبا .

[smsm_nabawy]

بالنسبة للكربراتير
انا عربيتى فيها كربراتير 2 باب وبتاكل بنزين بالهبل
يعنى جوة البلد ممكن الصفيحة تمشى 60 - 70 كيلو بالعافية بنزين 80
وغلبت فيها وبفكر اجيب كربراتير جديد باب واحد

المهم خلى صاحبك يفكر كويس ولو العربية استهلاكها كويس ما يحاولش يكبر الكربراتير لأنه ممكن يكره العربية بعد كدة لو الاستهلاك زاد جامد

والله هو بالفعل عنده أستهلاك العربية للبنزين عالي ،، لو كده ،، يبقى بلاش نكبر البوابات ....

خلينا في موضوع الابلاتين الالكتروني ده